ಶವೋಮಿಯ 30,000mAh ಪವರ್ ಬ್ಯಾಂಕ್ ಈಗ Flipkart ನಲ್ಲಿ ಲಭ್ಯ: ಬೆಲೆ ಎಷ್ಟು?

ಭಾರತದಲ್ಲಿ ಅತ್ಯಧಿಕ ಸಂಖ್ಯೆಯಲ್ಲಿ ಸ್ಮಾರ್ಟ್ ಫೋನುಗಳನ್ನು ಮಾರಾಟ ಮಾಡಿ ನಂಬರ್ ಒನ್ ಸ್ಥಾನದಲ್ಲಿರುವ ಚೀನಾ ಮೂಲದ ಶವೋಮಿ ಕಂಪೆನಿ ಕೇವಲ ಮೊಬೈಲ್ ಮಾತ್ರವಲ್ಲದೆ ಸ್ಮಾರ್ಟ್ ಬ್ಯಾಂಡ್, ಪವರ್ ಬ್ಯಾಂಕ್, ಸ್ಮಾರ್ಟ್ ಟಿವಿ ಸೇರಿದಂತೆ ಅನೇಕ ಉಪಕರಣಗಳನ್ನು ತಯಾರಿಸುತ್ತಿದೆ. ಈ ಪೈಕಿ ಶವೋಮಿಯ ಬರೋಬ್ಬರಿ 30,000mAh ಸಾಮರ್ಥ್ಯದ 18W ಫಾಸ್ಟ್ ಚಾರ್ಜಿಂಗ್ ಬೆಂಬಲವಿರುವ ಎಂಐ ಬೂಸ್ಟ್ ಪ್ರೋ ಪವರ್ ಬ್ಯಾಂಕ್ ಇಂದಿನಿಂದ ಮಾರಾಟ ಆಗುತ್ತಿದೆ.

ಇಂದು ಮದ್ಯಾಹ್ನ 12 ಗಂಟೆಯಿಂದ ಪ್ರಸಿದ್ಧ ಇ ಕಾಮರ್ಸ್ ತಾಣವಾದ ಫ್ಲಿಪ್ ಕಾರ್ಟ್ ನಲ್ಲಿ ಎಂಐ ಬೂಸ್ಟ್ ಪ್ರೋ ಪವರ್ ಬ್ಯಾಂಕ್ ಮಾರಾಟಕ್ಕೆ ಲಭ್ಯವಾಗಿದೆ. ಇದರ ಬೆಲೆ ಕೇವಲ 2,299 ರೂ. ಆಗಿದೆ. ಇದರ ಜೊತೆಗೆ Mi.com ವೆಬ್ ಸೈಟ್ ನಲ್ಲಿ ಮತ್ತು Mi ಹೋಮ್ ನಲ್ಲಿ ಖರೀದಿಗೆ ಸಿಗುತ್ತಿದೆ.

ಗ್ರಾಹಕರಿಗೆ ಬೊಂಬಾಟ್ ರೀಚಾರ್ಜ್ ಆಫರ್ ಪರಿಚಯಿಸಿದ ಜಿಯೋ: ಇಲ್ಲಿದೆ ಮಾಹಿತಿ

ಕಪ್ಪು ಬಣ್ಣದಲ್ಲಿ ಈ ಪವರ್ ಬ್ಯಾಂಕ್ ಲಭ್ಯವಿದ್ದು, ನಾಲ್ಕು ಪೋರ್ಟ್ ಗಳನ್ನು ನೀಡಲಾಗಿದೆ. ಯುಎಸ್‌ಬಿ ಟೈಪ್-ಎ, ಯುಎಸ್‌ಬಿ ಟೈಪ್-ಸಿ ಪೋರ್ಟ್ ಜೊತೆಗೆ ಮೈಕ್ರೋ ಯುಎಸ್‌ಬಿ ಪೋರ್ಟ್ ಇದರಲ್ಲಿದೆ. ಅಲ್ಲದೆ ಇದರಲ್ಲಿ ಮೂರು ಡಿವೈಸ್‌ಗಳನ್ನು ಏಕಕಾಲದಲ್ಲಿ ಚಾರ್ಜ್ ಮಾಡಲು ನಿಮಗೆ ಅವಕಾಶ ನೀಡುತ್ತದೆ. ಲಭ್ಯವಿರುವ ಯುಎಸ್ ಬಿ ಟೈಪ್-ಸಿ ಪೋರ್ಟ್ ಅನ್ನು ಪವರ್ ಬ್ಯಾಂಕ್ ಅನ್ನು ಚಾರ್ಜ್ ಮಾಡಲು ಸಹ ಬಳಸಬಹುದು.

ಕಂಪೆನಿ ಹೇಳಿರುವ ಪ್ರಕಾರ, ಎಂಐ ಬೂಸ್ಟ್ ಪ್ರೋ ಪವರ್ ಬ್ಯಾಂಕ್ 30,000mAh ನಲ್ಲಿ ಐಫೋನ್ 11 ಮತ್ತು ರೆಡ್ಮಿ ನೋಟ್ 10 ಪ್ರೋ ಮ್ಯಾಕ್ಸ್ ಸ್ಮಾರ್ಟ್ಫೋನ್ ಅನ್ನು ಎರಡು ಗಂಟೆಗಳ ಒಳಗೆ ಶೇ. 0 ಯಿಂದ 100 ರಷ್ಟು ಫುಲ್ ಚಾರ್ಜ್ ಮಾಡಬಹುದು ಎಂದು ಹೇಳಿದೆ. ಇದನ್ನು ಪವರ್ ಬಟನ್ ಅನ್ನು ಎರಡು ಬಾರಿ ಒತ್ತುವ ಮೂಲಕ ಆಕ್ಟಿವ್ ಗೊಳಿಸಬಹುದಾಗಿದೆ.

ಭರ್ಜರಿ ಸೌಂಡ್ ಎಫೆಕ್ಟ್ ಇರುವ ರಿಯಲ್‌ ಮಿ ಬಡ್ಸ್‌ ವಾಯರ್‌ಲೆಸ್‌ 2 ನಿಯೋ ಲಾಂಚ್: ಬೆಲೆ?

ಇನ್ನು ಈ ಹೊಸ ಮಾದರಿಯ ಪವರ್‌ಬ್ಯಾಂಕ್‌ ಏಕಕಾಲದಲ್ಲಿ ಮೂರು ಡಿವೈಸ್‌ಗಳನ್ನ ಚಾರ್ಜ್ ಮಾಡುವ ಸಾಮರ್ಥ್ಯವನ್ನು ಹೊಂದಿದೆ. ಜೊತೆಗೆ ಯುಎಸ್ಬಿ ಟೈಪ್-ಸಿ ಪೋರ್ಟ್ ಮೂಲಕ 18W ವೇಗದ ಚಾರ್ಜಿಂಗ್ ಬೆಂಬಲವನ್ನು ಹೊಂದಿದೆ.

ಸ್ಮಾರ್ಟ್ ರಿಸ್ಟ್‌ಬ್ಯಾಂಡ್‌ಗಳು ಮತ್ತು ಬ್ಲೂಟೂತ್ ವೈರ್‌ಲೆಸ್ ಇಯರ್‌ಬಡ್‌ಗಳಂತಹ ಕಡಿಮೆ ಶಕ್ತಿಯ ಅಗತ್ಯವಿರುವ ಸಾಧನಗಳನ್ನು ಚಾರ್ಜ್ ಮಾಡಲು ನಿರ್ದಿಷ್ಟವಾಗಿ ಕಾರ್ಯನಿರ್ವಹಿಸುವ ಕಡಿಮೆ-ಪ್ರಸ್ತುತ ಮೋಡ್ ಅನ್ನು ಶಿಯೋಮಿ ಒದಗಿಸಿದೆ. ಎಂಐ ಬೂಸ್ಟ್ ಪ್ರೋ ಪವರ್ ಬ್ಯಾಂಕ್ 30,000mAh ಪವರ್ ಬ್ಯಾಂಕ್ ಕ್ವಿಕ್ ಚಾರ್ಜ್ ಆವೃತ್ತಿಯು ಯುಎಸ್ಬಿ ಟೈಪ್-ಸಿ 24 ಡಬ್ಲ್ಯೂ ಮ್ಯಾಕ್ಸ್ ಹೈ-ಪವರ್ ಇನ್‌ಪುಟ್ ಬೆಂಬಲವನ್ನು ಒಳಗೊಂಡಿದೆ, ಇದು ವೇಗದ ಚಾರ್ಜಿಂಗ್ ಅನುಭವವನ್ನು ನೀಡುತ್ತದೆ.