Mi Band 4: ಫಿಟ್ನೆಸ್ ಟ್ರ್ಯಾಕರ್ ಬಿಡುಗಡೆ ಶೀಘ್ರದಲ್ಲಿ

ಶಿಯೋಮಿ ಹೊರತಂದ ಫಿಟ್ನೆಸ್‌ ಟ್ರ್ಯಾಕರ್ ಎಂಐ ಬ್ಯಾಂಡ್ ಸರಣಿ ದೇಶದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಮಾರಾಟವಾಗಿವೆ. ಇದೀಗ ಫಿಟ್ನೆಸ್ ಬ್ಯಾಂಡ್ ಸರಣಿಯಲ್ಲಿ ಎಂ ಐ ಬ್ಯಾಂಡ್ 4 ಮಾರುಕಟ್ಟೆಗೆ ಬರುತ್ತಿದೆ.

ಎಂಐ ಬ್ಯಾಂಡ್ 4ಕ್ಕೆ ಬ್ಲೂಟೂತ್ ಎಸ್‌ಐಜಿ ಮಾನ್ಯತೆ ದೊರೆತಿದೆ. ಅದಾದ ಬಳಿಕ ಎನ್‌ಸಿಸಿ ತೈವಾನ್ ಪ್ರಮಾಣೀಕರಣ ವೆಬ್‌ಸೈಟ್‌ನಲ್ಲಿ ಕಾಣಿಸಿಕೊಂಡಿದ್ದು, ಶೀಘ್ರದಲ್ಲೇ ಮಾರುಕಟ್ಟೆ ಪ್ರವೇಶಿಸಲಿದೆ.

ಎಂಐ ಬ್ಯಾಂಡ್ 4 XMSH07HM ಎಂಬ ಮಾಡೆಲ್ ನಂಬರ್ ಹೊಂದಿದ್ದು, ಡ್ರಾಯ್ಡ್‌ಶೌಟ್‌ ಸೋರಿಕೆ ಮಾಡಿದ ಚಿತ್ರಗಳ ಪ್ರಕಾರ ದೊಡ್ಡ ಡಿಸ್‌ಪ್ಲೇ ಹೊಂದಿದೆ. ಜತೆಗೆ ಹಿಂಬದಿಯಲ್ಲಿ ಹೃದಯ ಬಡಿತ ಮಾಪನ ಕೂಡ ಹೊಂದಿದೆ. ಜತೆಗೆ ಎನ್‌ಎಫ್‌ಸಿ ಸಹಿತ ಮಾದರಿಯನ್ನು ಕೂಡ ಶಿಯೋಮಿ ಪರಿಶೀಲನೆಗೆ ಒಳಪಡಿಸಿದೆ.

XMSH06HM ನಂಬರಿನ ಮಾದರಿಯಲ್ಲಿ ಬ್ಲೂಟೂತ್‌ 5.0 ಬೆಂಬಲ ಮತ್ತು ಇಸಿಜಿ ಮಾನಿಟರ್ ಕೂಡ ಇದೆ. ದೇಶದಲ್ಲಿ ಎಂಐ ಬ್ಯಾಂಡ್ 4 ಬಿಡುಗಡೆ ಮತ್ತು ದರವನ್ನು ಶಿಯೋಮಿ ಇನ್ನಷ್ಟೇ ಪ್ರಕಟಿಸಬೇಕಿದೆ.