Coronavirus Effect: ಶವೋಮಿ ರೆಡ್ಮಿ ಫೋನ್ ಬೆಲೆ ಏರಿಕೆ

ದೇಶದಲ್ಲಿ ಅಧಿಕ ಸ್ಮಾರ್ಟ್‌ಫೋನ್ ಮಾರಾಟ ದಾಖಲೆ ಹೊಂದಿರುವ ಶವೋಮಿ ರೆಡ್ಮಿ ಫೋನ್ ಬೆಲೆ ಏರಿಕೆ ಮಾಡಿದೆ. ಕೊರೊನಾ ವೈರಸ್ ದಾಳಿಯಿಂದಾಗಿ ಚೀನಾದಲ್ಲಿ ಸ್ಮಾರ್ಟ್‌ಫೋನ್ ಉತ್ಪಾದನೆ ಕುಂಠಿತವಾಗಿದೆ. ಜತೆಗೆ ಸ್ಮಾರ್ಟ್‌ಫೋನ್ ಮಾರಾಟ ಕೂಡ ಇಳಿಕೆಯಾಗಿದೆ. ಅಲ್ಲದೆ ಚೀನಾದಿಂದ ರಫ್ತಾಗುವ ಸ್ಮಾರ್ಟ್‌ಫೋನ್, ಬಿಡಿಭಾಗಗಳ ಪೂರೈಕೆಯಲ್ಲೂ ವ್ಯತ್ಯಯವಾಗಿದೆ.

ಇದರಿಂದಾಗಿ ಅಲ್ಲಿನ ಸ್ಮಾರ್ಟ್‌ಫೋನ್ ಮಾರುಕಟ್ಟೆಯನ್ನು ಅವಲಂಬಿಸಿರುವ ದೇಶದಲ್ಲೂ ಸ್ಮಾರ್ಟ್‌ಫೋನ್ ಮಾರಾಟದ ಮೇಲೆ ಪರಿಣಾಮ ಬೀರಿದೆ. ಪೂರೈಕೆ ವ್ಯತ್ಯಯ ಮತ್ತು ಉತ್ಪಾದನೆ ಕುಸಿತದ ಬೆನ್ನಲ್ಲೇ ಶವೋಮಿ ರೆಡ್ಮಿ ಫೋನ್ ಬೆಲೆಯಲ್ಲಿ ಏರಿಕೆ ಮಾಡಿದೆ.

500 ರೂ. ಏರಿಕೆ
ಶವೋಮಿ ರೆಡ್ಮಿ ನೋಟ್ 8 ಫೋನ್ ಬೆಲೆಯಲ್ಲಿ ಏರಿಕೆಯನ್ನು ಕಂಪನಿ ಮಾಡಿದೆ. ರೆಡ್ಮಿ ನೋಟ್ 8 ಫೋನ್ ಈ ಮೊದಲು 4 GB RAM ಮತ್ತು 64 GB ಮಾದರಿಗೆ 9,999 ರೂ. ದರ ನಿಗದಿಪಡಿಸಲಾಗಿತ್ತು. ಆದರೆ 500 ರೂ. ದರ ಏರಿಕೆಯ ಬಳಿಕ ಫೋನ್ ಬೆಲೆ ಈಗ 10,499 ರೂ. ಆಗಿದೆ. ನೂತನ ದರ ಅಮೆಜಾನ್ ಮತ್ತು ಎಂಐ.ಕಾಂ ತಾಣದಲ್ಲೂ ಕಾಣಿಸಿಕೊಂಡಿದೆ.

ಈ ಬೆಲೆ ವ್ಯತ್ಯಾಸ ತಾತ್ಕಾಲಿಕ ಎಂದು ಶವೋಮಿ ರೆಡ್ಮಿ ತಿಳಿಸಿದೆ. ಒಮ್ಮೆ ಪರಿಸ್ಥಿತಿ ಸರಿಯಾಗಿ, ಪೂರೈಕೆ ಹೆಚ್ಚಾದ ಬಳಿಕ ಶವೋಮಿ ಮೊದಲಿನ ಬೆಲೆಯಲ್ಲಿಯೇ ಫೋನ್‌ಗಳನ್ನು ಮಾರಾಟ ಮಾಡಲಿದೆ.

Samsung Galaxy Buds+: ಸ್ಯಾಮ್‌ಸಂಗ್ ಆಕರ್ಷಕ ಬಡ್ಸ್

ಚೀನಾ ಸರಕುಗಳ ಮೇಲೆ ನಿರ್ಬಂಧ ಮತ್ತು ಕೆಲವೊಂದು ನಿಯಮಗಳನ್ನು ಹೇರಿರುವುದರಿಂದ ಶವೋಮಿಯ ಜಾಗತಿಕ ಸ್ಮಾರ್ಟ್‌ಫೋನ್ ಮಾರಾಟದಲ್ಲಿ ಸಮಸ್ಯೆಯಾಗಿದೆ. ಇದರಿಂದಾಗಿ ಕೆಲವೊಂದು ಮಾದರಿಗಳ ಬೆಲೆಏರಿಕೆ ಮಾಡುವ ನಿರ್ಧಾರಕ್ಕೆ ಶವೋಮಿ ನಿರ್ಧರಿಸಿದೆ.

Internet Safety Tips: ಡಿಜಿಟಲ್ ವಂಚನೆಯ ಹಲವು ಮುಖಗಳಿವು..