ಸ್ಮಾರ್ಟ್‌ಟಿವಿ ವಿಭಾಗದಲ್ಲಿ Xiaomi ದಾಖಲೆ!..3 ವರ್ಷಗಳಲ್ಲಿ ಮಾರಾಟವಾದ ಟಿವಿಗಳೆಷ್ಟು ಗೊತ್ತಾ?

ಕಳೆದ ಕೇವಲ ಮೂರು ವರ್ಷಗಳಲ್ಲಿ 7 ಮಿಲಿಯನ್‌ಗಿಂತಲೂ(70 ಲಕ್ಷ) ಹೆಚ್ಚು ಸ್ಮಾರ್ಟ್ ಟಿವಿಗಳನ್ನು ಮಾರಾಟ ಮಾಡಿರುವುದಾಗಿ Xiaomi ತಿಳಿಸಿದ್ದು, ಭಾರತದಲ್ಲಿ ನಂಬರ್ 1 ಸ್ಮಾರ್ಟ್‌ಫೋನ್ ಮತ್ತು ಸ್ಮಾರ್ಟ್ ಟಿವಿ ಕಂಪನಿಯಾದ Xiaomi ಇಂಡಿಯಾ ಸಂಸ್ಥೆಗೆ ಮತ್ತೊಂದು ಸಾಧನೆಯ ಗರಿ ಸೇರ್ಪಡೆಯಾಗಿದೆ. ಭಾರತದಲ್ಲಿ 2018 ರಲ್ಲಿ ತನ್ನ ಸ್ಮಾರ್ಟ್‌ಟಿವಿಗಳನ್ನು ಮಾರಾಟ ಮಾಡಲು ಆರಂಭಿಸಿದ ಕೇವಲ ಮೂರು ವರ್ಷಗಳಲ್ಲಿ ಇಂತಹ ಸಾಧನೆಯನ್ನು ಮಾಡಿರುವುದು ಶಿಯೋಮಿಯ ಯಶಸ್ಸಿನ ಗುರುತಾಗಿದೆ. ಭಾರತೀಯರಿಗೆ ನಾವು ನಮ್ಮ ಪಾತ್ರದ ಬಗ್ಗೆ ಹೆಮ್ಮೆ ಪಡುತ್ತೇವೆ ಎಂದು Xiaomi ಇಂಡಿಯಾದ ಸ್ಮಾರ್ಟ್ ಟಿವಿ ವಿಭಾಗದ ಮುಖ್ಯಸ್ಥರಾದ ಈಶ್ವರ್ ನೀಲಕಂಠನ್ ಅವರು ಹೇಳಿದ್ದಾರೆ.

ಭಾರತದಲ್ಲಿ 7 ಮಿಲಿಯನ್‌ ಸ್ಮಾರ್ಟ್‌ಟಿವಿಗಳನ್ನು ಮಾರಾಟ ಮಾಡಿರುವ ಸಾಧನೆಯ ಕುರಿತು ಮಾತನಾಡಿದ Xiaomi ಇಂಡಿಯಾದ ಸ್ಮಾರ್ಟ್ ಟಿವಿ ವಿಭಾಗದ ಲೀಡ್ ಈಶ್ವರ್ ನೀಲಕಂಠನ್ ಅವರು, “ಸ್ಮಾರ್ಟ್ ಟಿವಿ ವ್ಯಾಪಾರ ಮಾರುಕಟ್ಟೆಯು 2018 ರಿಂದ 2021 ರವರೆಗೆ ದ್ವಿಗುಣಗೊಂಡಿದೆ ಮತ್ತು ಇದರಲ್ಲಿ ನಮ್ಮ ಪಾತ್ರದ ಬಗ್ಗೆ ನಾವು ಹೆಮ್ಮೆ ಪಡುತ್ತೇವೆ. ಭಾರತೀಯ ಗ್ರಾಹಕರಿಂದ ನಾವು ಪಡೆದ ಪ್ರೀತಿಯಿಂದ ನಾವು ತುಂಬಾ ಸಂತೋಷಗೊಂಡಿದ್ದೇವೆ ಮತ್ತು ಮಾರುಕಟ್ಟೆಯಲ್ಲಿ ನಮ್ಮ ತಂತ್ರಜ್ಞಾನವನ್ನು ವಿಸ್ತರಿಸುವುದನ್ನು ಮುಂದುವರಿಸುತ್ತೇವೆ. ಮುಂಬರುವ ಸಮಯದಲ್ಲಿ, ನಾವು ಹೊಸ ತಂತ್ರಜ್ಞಾನ ಮತ್ತು ವೈಶಿಷ್ಟ್ಯಗಳೊಂದಿಗೆ ಟಿವಿಗಳನ್ನು ಪರಿಚಯಿಸುತ್ತೇವೆ ಎಂದು ಅವರು ತಿಳಿಸಿದ್ದಾರೆ,

ಕಳೆದ ಮೂರು ವರ್ಷಗಳಿಮದಲೂ ಭಾರತದಲ್ಲಿ 4K ಟಿವಿಗಳನ್ನು ಪರಿಚಯಿಸುತ್ತಿರುವ ಶಿಯೋಮಿ ಕಂಪೆನಿ ತನ್ನ ಬಳಕೆದಾರರನ್ನು ದಿನದಿಂದ ದಿನಕ್ಕೆ ದ್ವಿಗುಣಗೊಳಿಸಿಕೊಳ್ಳುತ್ತಿದೆ. ಈ ಹಿಂದೆ ಭಾರತೀಯ ಮಾರುಕಟ್ಟೆಯಲ್ಲಿ ಶಿಯೋಮಿ ಕಂಪೆನಿಯ ಕೇವಲ Mi ಟಿವಿಗಳು ಮಾತ್ರ ಮಾರಾಟವಾಗುತ್ತಿದ್ದವು. ಆದರೆ ಈಗ Redmi ಸ್ಮಾರ್ಟ್ ಟಿವಿ ಕೂಡ ಮಾರುಕಟ್ಟೆಯಲ್ಲಿ ಲಭ್ಯವಿದೆ. ಸ್ಮಾರ್ಟ್ ಟಿವಿಗೆ ಸ್ಮಾರ್ಟ್ ಅಲ್ಲದ ಬಳಕೆದಾರರನ್ನು ಕರೆದೊಯ್ಯುವುದು ಕಂಪನಿಯ ಉದ್ದೇಶವಾಗಿದೆ. ನೂತನ ತಂತ್ರಜ್ಞಾನ ಮತ್ತು ವೈಶಿಷ್ಟ್ಯಗಳೊಂದಿಗೆ ಟಿವಿಗಳನ್ನು ಪರಿಚಯಿಸುವುದರಿಂದಾಗಿ ಭಾರತೀಯ ಸ್ಮಾರ್ಟ್‌ಟಿವಿ ಬಳಕೆದಾರರ ಅನುಭವವು ದ್ವಿಗುಣಗೊಳ್ಳುತ್ತದೆ ಎಂದು ಕಂಪೆನಿಯು ತಿಳಿಸಿದೆ.
1,200 ರೂ.ಗೆ Redmi Buds 3 Lite ಮತ್ತು 4,700 ರೂ.ಗೆ Redmi Watch 2 ಬಿಡುಗಡೆ!
ಕಳೆದ ತಿಂಗಳಷ್ಟೇ, Redmi ಇಂಡಿಯಾ ತನ್ನ Redmi ಸರಣಿಯ ಅಡಿಯಲ್ಲಿ ಭಾರತೀಯ ಮಾರುಕಟ್ಟೆಯಲ್ಲಿ ಎರಡು ಹೊಸ ಮಾದರಿಯ ಟಿವಿಗಳನ್ನು ಪರಿಚಯಿಸಿದೆ, ಇದರಲ್ಲಿ 32-ಇಂಚಿನ ಮತ್ತು 43-ಇಂಚಿನ ಮಾದರಿಗಳು ಸೇರಿವೆ. ಈ ಎರಡೂ Redmi ಟಿವಿಗಳನ್ನು ಎಲ್ಲಾ ಸುತ್ತಿನ ಸ್ಮಾರ್ಟ್ ಮನರಂಜನಾ ಅನುಭವಕ್ಕಾಗಿ ಪರಿಚಯಿಸಲಾಗಿದೆ. DTS Virtual X, Android TV 11, Dual Band Wi-Fi, Auto Low Latency Mode, PatchWall 4, Dolby Audio ಮುಂತಾದ ವೈಶಿಷ್ಟ್ಯಗಳನ್ನು Redmi ನ ಈ ಟಿವಿಗಳಲ್ಲಿ ಒದಗಿಸಲಾಗಿದೆ. Redmi ನ ಈ ಸ್ಮಾರ್ಟ್ ಟಿವಿಗಳ ಆರಂಭಿಕ ಬೆಲೆ 15,999 ರೂ.ಗಳಿಂದ ಶುರುವಾಗಿದೆ. ಕಂಪನಿಯ ಪ್ರಕಾರ, ಭಾರತೀಯ ಮಾರುಕಟ್ಟೆಯಲ್ಲಿ Redmi Smart TV X 50 ಇಂಚು, Mi TV 4A 32 ಇಂಚಿನ ಮತ್ತು Mi TV 5X 43 ಇಂಚು ಟಿವಿಗಳಿಗೆ ಹೆಚ್ಚಿನ ಬೇಡಿಕೆಯಿದೆ.