Xiaomi Redmi Go: 16 GB ಆವೃತ್ತಿ ಬಿಡುಗಡೆ

ಚೀನಾ ಮೂಲದ ಶಿಯೋಮಿ ರೆಡ್ಮಿ ಬಜೆಟ್ ಸ್ಮಾರ್ಟ್‌ಫೋನ್ ರೆಡ್ಮಿ ಗೊ 16 GB ಮಾದರಿಯನ್ನು ದೇಶದಲ್ಲಿ ಬಿಡುಗಡೆ ಮಾಡಿದೆ.

ಈ ಮೊದಲು ಶಿಯೋಮಿ ರೆಡ್ಮಿ ಗೊ 1GB ಮತ್ತು 8GB ಮಾದರಿ ಮಾತ್ರ ದೇಶದಲ್ಲಿ ಲಭ್ಯವಿದ್ದು, 4,499 ರೂ. ಬೆಲೆ ಹೊಂದಿತ್ತು. ಈಗ 1GB ಮತ್ತು 16 GB ಆವೃತ್ತಿ ಕೂಡ ದೊರೆಯುತ್ತಿದ್ದು, 4,799 ರೂ. ದರ ನಿಗದಿಪಡಿಸಲಾಗಿದೆ.

ಬಜೆಟ್ ಸ್ಮಾರ್ಟ್‌ಫೋನ್ ಗ್ರಾಹಕರನ್ನು ಗಮನದಲ್ಲಿರಿಸಿಕೊಂಡು ಶಿಯೋಮಿ ರೆಡ್ಮಿ ಗೊ ಮಾದರಿಯನ್ನು ದೇಶದಲ್ಲಿ ಪರಿಚಯಿಸಿತ್ತು.

ಶಿಯೋಮಿ ಎಂಐ ಸ್ಟೋರ್‌ನಲ್ಲಿಯೂ ರೆಡ್ಮಿ ಗೊ ದೊರೆಯಲಿದ್ದು, ಇಎಂಐ ಆಯ್ಕೆ ಇದೆ. ಉಳಿದಂತೆ Mi.com ಮತ್ತು ಫ್ಲಿಪ್‌ಕಾರ್ಟ್‌ನಲ್ಲಿ ರೆಡ್ಮಿ ಗೊ ಲಭ್ಯವಿದೆ.

ಹಿಂಬದಿಯಲ್ಲಿ 8 ಮೆಗಾಪಿಕ್ಸೆಲ್, 5 ಮೆಗಾಪಿಕ್ಸೆಲ್ ಸೆಲ್ಫಿ ಸಹಿತ ರೆಡ್ಮಿ ಗೊ, ಬಜೆಟ್ ಸ್ಮಾರ್ಟ್‌ಫೋನ್ ಎಂದು ಹೆಸರು ಪಡೆದಿದೆ.