Mi TV 4X: ಶವೋಮಿ 4K HDR ಟಿವಿ ಬಿಡುಗಡೆ

ಶವೋಮಿ ರೆಡ್ಮಿ ಫೋನ್‌ಗಳ ಅತಿಹೆಚ್ಚಿನ ಮಾರಾಟದ ಬೆನ್ನಲ್ಲೇ ಸ್ಮಾರ್ಟ್ ಟಿವಿ ಕ್ಷೇತ್ರಕ್ಕೆ ಲಗ್ಗೆ ಇರಿಸಿದ್ದ ಎಂಐ, ಮತ್ತೊಂದು ಹೊಸ ಟಿವಿ ಮಾದರಿಯನ್ನು ದೇಶಕ್ಕೆ ಪರಿಚಯಿಸಿದೆ. ಎಂಐ ಟಿವಿ 4X, 2020 ಆವೃತ್ತಿ ಬಿಡುಗಡೆಯಾಗಿದ್ದು, 55 ಇಂಚಿನ 4K HDR ಡಿಸ್‌ಪ್ಲೇ ಹೊಂದಿದೆ.

ಆಂಡ್ರಾಯ್ಡ್ ಟಿವಿ ಆಗಿರುವ ಇದು, ಗೂಗಲ್ ಅಸಿಸ್ಟೆಂಟ್, ಕ್ರೋಮ್‌ಕಾಸ್ಟ್‌, ಯೂಟ್ಯೂಬ್ ಬೆಂಬಲ ಹೊಂದಿದೆ. ಅದರ ಜತೆಗೆ ಡೇಟಾ ಸೇವರ್ ಮೋಡ್ ಕೂಡ ಲಭ್ಯವಿದೆ.

55 ಇಂಚಿನ 4K HDR ಟಿವಿ
ಎಂಐ ಟಿವಿ, ವಿವಿಧ್ ಪಿಕ್ಚರ್ ಇಂಜಿನ್, ಪ್ಯಾಚ್‌ವಾಲ್ 2.0 ಮತ್ತು ಅಂಡ್ರಾಯ್ಡ್ 9 ಪೈ ಓಎಸ್ ಬೆಂಬಲ ಹೊಂದಿದೆ. ಎಂಐ ಟಿವಿ 4X, 2020 ಆವೃತ್ತಿಗೆ ದೇಶದಲ್ಲಿ 34,999 ರೂ. ಬೆಲೆ ಹೊಂದಿದೆ.

ಡಿ. 2ರಂದು ಹೊಸ ಎಂಐ ಟಿವಿ ಮಧ್ಯಾಹ್ನ 12 ಗಂಟೆಗೆ ಎಂ.ಕಾಂ, ಅಮೆಜಾನ್ ಮತ್ತು ಎಂಐ ಹೋಮ್ ಮೂಲಕ ಮೊದಲ ಸೇಲ್ ನಡೆಯಲಿದೆ.
20W ಡಾಲ್ಬಿ ಆಡಿಯೋ, ಡಿಟಿಎಸ್-HD ಸಹಿತ ಮಾರುಕಟ್ಟೆ ಪ್ರವೇಶಿಸುತ್ತಿದ್ದು, 4K ಟಿವಿ ಮಾರುಕಟ್ಟೆಯಲ್ಲಿನ ಬೇಡಿಕೆಯನ್ನು ಪೂರೈಸಲಿದೆ ಎನ್ನಲಾಗಿದೆ.

ಈಗಾಗಲೇ ಮಾರುಕಟ್ಟೆ ಪ್ರವೇಶಿಸಿರುವ ಎಂಐ ಸರಣಿಯ ಟಿವಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಮಾರಾಟವಾಗುವ ಮೂಲಕ ಯಶಸ್ವಿಯಾಗಿವೆ.

Flipkart Saathi: ಸ್ಮಾರ್ಟ್ ಅಸಿಸ್ಟೆಂಟ್ ಪರಿಚಯಿಸಿದ ಫ್ಲಿಪ್‌ಕಾರ್ಟ್