Redmi Note 7S: ಫ್ಲಿಪ್‌ಕಾರ್ಟ್‌ನಲ್ಲಿ ಇಂದು ರಾತ್ರಿ ಸೇಲ್

ಚೀನಾದ ಜನಪ್ರಿಯ ಸ್ಮಾರ್ಟ್‌ಫೋನ್ ಬ್ರ್ಯಾಂಡ್ ಶಿಯೋಮಿ ರೆಡ್ಮಿ ನೋಟ್ 7S ಗುರುವಾರ ರಾತ್ರಿಯಿಂದ ಫ್ಲಿಪ್‌ಕಾರ್ಟ್‌ನಲ್ಲಿ ಓಪನ್ ಸೇಲ್ ಮೂಲಕ ದೊರೆಯಲಿದೆ.

ದೇಶದಲ್ಲಿ ರೆಡ್ಮಿ ನೋಟ್ 7S, 3 GB RAM ಮತ್ತು 32 GB ಹಾಗು 4 GB RAM ಹಾಗೂ 64 GB ಮಾದರಿ ಸೇಲ್‌ನಲ್ಲಿ ದೊರೆಯಲಿದೆ.
ಈ ಎರಡೂ ಮಾದರಿಗಳ ಬೆಲೆ ಕ್ರಮವಾಗಿ 10,999 ರೂ. ಮತ್ತು 12,999 ರೂ. ಇರಲಿದೆ.

ಫ್ಲಿಪ್‌ಕಾರ್ಟ್‌ ಮಾತ್ರವಲ್ಲದೆ, ಎಂಐ ವೆಬ್‌ಸೈಟ್ ಮತ್ತು ಎಂಐ ಹೋಮ್ ಸ್ಟೋರ್ ಮೂಲಕವೂ ರೆಡ್ಮಿ ನೋಟ್ 7S ಲಭ್ಯವಾಗುತ್ತದೆ.
ಗುರುವಾರ ಮಧ್ಯರಾತ್ರಿ ಸೇಲ್ ಆರಂಭವಾಗಲಿದೆ.

ರೆಡ್ಮಿ ನೋಟ್ 7S, 6.3 ಇಂಚಿನ ಡಿಸ್‌ಪ್ಲೇ, ಕ್ವಾಲ್ಕಂ-ಸ್ನ್ಯಾಪ್‌ಡ್ರ್ಯಾಗನ್ 660 ಪ್ರೊಸೆಸರ್ ಮತ್ತು 256 GBಯವರೆಗೆ ವಿಸ್ತರಿಸಬಹುದಾದ ಮೆಮೊರಿ ಸೌಲಭ್ಯ ಹೊಂದಿದೆ. ಉಳಿದಂತೆ 48 ಮೆಗಾಪಿಕ್ಸೆಲ್ ಹಾಗೂ 5 ಮೆಗಾಪಿಕ್ಸೆಲ್ ಹಿಂಬದಿ ಎರಡು ಕ್ಯಾಮರಾ ಹೊಂದಿದೆ.