Mi A3: ನೂತನ ಸ್ಮಾರ್ಟ್‌ಫೋನ್ ಬಿಡುಗಡೆಗೆ ಶಿಯೋಮಿ ಸಿದ್ಧತೆ

ಚೀನಾದ ಸ್ಮಾರ್ಟ್‌ಫೋನ್ ತಯಾರಿಕ ಕಂಪನಿ ಶಿಯೋಮಿ, ಎಂಐ ಸರಣಿಯಲ್ಲಿ ಎಂಐ ಎ3 ಮತ್ತು ಎಂಐ ಎ3 Lite ಬಿಡುಗಡೆಗೆ ಸಜ್ಜಾಗುತ್ತಿದೆ.

ಈ ಮೊದಲು ಶಿಯೋಮಿ ಎಂಐ ಎ1 ಮತ್ತು ಎ2 ಸ್ಮಾರ್ಟ್‌ಫೋನ್ ಪರಿಚಯಿಸಿತ್ತು. ಈಗ ಅದೇ ಸರಣಿಯಲ್ಲಿ ಎಂಐ ಎ3 ಬಿಡುಗಡೆಗೆ ಸಿದ್ಧತೆ ನಡೆಸಿದೆ.

ಎಂಐ ಎ3 ಮತ್ತು ಎಂಐ ಎ3 Lite ಎಂಬ ಎರಡು ನೂತನ ಮಾದರಿ ಬಿಡುಗಡೆ ಕುರಿತು ಶಿಯೋಮಿ ಯಾವುದೇ ಸುಳಿವು ನೀಡಿಲ್ಲ. ಆದರೆ ಎರಡೂ ಸ್ಮಾರ್ಟ್‌ಫೋನ್ ವೈಶಿಷ್ಟ್ಯಗಳ ಕುರಿತು ಈಗಾಗಲೇ ಕೆಲವೊಂದು ಸಂಗತಿಗಳು ಬಹಿರಂಗಗೊಂಡಿವೆ.

ಸ್ನ್ಯಾಪ್‌ಡ್ರ್ಯಾಗನ್ 730 ಪ್ರೊಸೆಸರ್, ಅಂಡ್ರಾಯ್ಡ್ 9 Pie ಆಪರೇಟಿಂಗ್ ಸಿಸ್ಟಂ, 32 MP ಸೆಲ್ಫಿ ಕ್ಯಾಮರಾ ಇರಲಿದೆ ಎನ್ನಲಾಗಿದೆ.

ಉಳಿದಂತೆ 3 GB RAM, 4000 mAh ಬ್ಯಾಟರಿ, ಹಿಂಬದಿಯಲ್ಲಿ 13 MP ಮತ್ತು 5 MP ಕ್ಯಾಮರಾ, 256 GBಯವರೆಗೆ ವಿಸ್ತರಿಸಬಹುದಾದ ಮೆಮೊರಿ ಇರಬಹುದು ಎಂದು ಹೇಳಲಾಗಿದೆ.