Mi Notebook: ಹೊಸ ಲ್ಯಾಪ್‌ಟಾಪ್ ತರುತ್ತಿದೆ ಶವೋಮಿ ರೆಡ್ಮಿ!

ಶವೋಮಿ ಸ್ಮಾರ್ಟ್‌ಫೋನ್ ಮಾತ್ರವಲ್ಲದೆ, ವಿವಿಧ ಗ್ಯಾಜೆಟ್‌ಗಳ ಮಾರುಕಟ್ಟೆಯಲ್ಲೂ ಹೆಸರು ಗಳಿಸಿದೆ. ಶವೋಮಿಯ ಲೇಟೆಸ್ಟ್ ಎಂಐ ನೋಟ್‌ಬುಕ್ ಇತ್ತೀಚೆಗೆ ಪರಿಚಯಿಸಲ್ಪಟ್ಟಿದ್ದು, ಶೀಘ್ರವೇ ದೇಶದಲ್ಲೂ ಲಭ್ಯವಾಗಲಿದೆ.

ಜೂನ್ 11ರಂದು ಶವೋಮಿ ರೆಡ್ಮಿ ಹೊಸ ಎಂಐ ನೋಟ್‌ಬುಕ್ ಹಾರಿಝಾನ್ ಎಡಿಶನ್ ಬಿಡುಗಡೆಯಾಗುವುದು ಬಹುತೇಕ ಖಚಿತವಾಗಿದೆ.
ಬ್ಯಾಸೆಲ್ ರಹಿತ ಡಿಸ್‌ಪ್ಲೇ ಮತ್ತು ಎಸ್ಎಸ್‌ಡಿ ಸ್ಟೋರೇಜ್ ಅನ್ನು ಶವೋಮಿ ಎಂಐ ನೋಟ್‌ಬುಕ್‌ನಲ್ಲಿ ಪರಿಚಯಿಸುವ ಸಾಧ್ಯತೆಯಿದ್ದು, ಹಾರಿಝಾನ್ ಆವೃತ್ತಿಯನ್ನು ದೇಶದ ಮಾರುಕಟ್ಟೆಗೆ ಪರಿಚಯಿಸುತ್ತಿರುವುದು ವಿಶೇಷವಾಗಿದೆ.

ಚೀನಾದಲ್ಲಿ ಶವೋಮಿ ಈಗಾಗಲೇ ಎಂಐ ಮತ್ತು ರೆಡ್ಮಿ ಸರಣಿಯ ಲ್ಯಾಪ್‌ಟಾಪ್‌ಗಳನ್ನು ಮಾರಾಟ ಮಾಡುತ್ತಿದೆ. ರೆಡ್ಮಿ ಹೊಸ ಎಂಐ ನೋಟ್‌ಬುಕ್ ಅನ್ನು ದೇಶದಲ್ಲಿ ಬಿಡುಗಡೆ ಮಾಡುತ್ತಿರುವುದನ್ನು ರೆಡ್ಮಿ ಇಂಡಿಯಾ ಮುಖ್ಯಸ್ಥ ಮನು ಕುಮಾರ್ ಜೈನ್ ಹಾಗೂ ಮಾರ್ಕೆಟಿಂಗ್ ಹೆಡ್ ಖಚಿತಪಡಿಸಿದ್ದಾರೆ.

Redmi 10X: 5 ನಿಮಿಷದಲ್ಲಿ 100 ಕೋಟಿ ರೂ. ಮೌಲ್ಯದ ಫೋನ್ ಮಾರಾಟ ಮಾಡಿದ ಶವೋಮಿ!


ಈಗಾಗಲೇ ಟ್ವಿಟರ್‌ನಲ್ಲಿ ಈ ಬಗ್ಗೆ ಪೋಸ್ಟ್ ಮಾಡಿರುವ ಇವರು, ಹೊಸ ಎಂಐ ನೋಟ್‌ಬುಕ್ ಹಾರಿಝಾನ್ ಎಡಿಶನ್ ದೇಶದಲ್ಲಿ ಮಾರುಕಟ್ಟೆಗೆ ಬರುತ್ತಿರುವುದನ್ನು ಖಚಿತಪಡಿಸಿದ್ದಾರೆ. ಈ ಆವೃತ್ತಿ ಸಾಧಾರಣ ಎಂಐ ನೋಟ್‌ಬುಕ್‌ಗಿಂತ ವಿಭಿನ್ನವಾಗಿರುತ್ತದೆ. ಜತೆಗೆ 14 ಇಂಚಿನ ಡಿಸ್‌ಪ್ಲೇ ಕೂಡ ವಿಶೇಷವಾಗಿರುತ್ತದೆ ಎನ್ನಲಾಗಿದೆ.

Google Play Store: ಚೀನಾ ವಿರೋಧಿ ಆ್ಯಪ್ ತೆಗೆಯಲು ಕಾರಣವೇನು?