Mi TV 5 Pro: ದೇಶದ ಮಾರುಕಟ್ಟೆಗೆ QLED ಟಿವಿ ಬಿಡುಗಡೆ ಮಾಡಲು ಮುಂದಾದ ಶವೋಮಿ

ಚೀನಾ ಹೊರತುಪಡಿಸಿದರೆ ಅತ್ಯಂತ ದೊಡ್ಡ ಮಾರುಕಟ್ಟೆ ಹೊಂದಿರುವ ಭಾರತದಲ್ಲಿ ಶವೋಮಿ, ಹೊಸ QLED ಟಿವಿ Mi TV 5 Pro ಬಿಡುಗಡೆ ಮಾಡಲು ಮುಂದಾಗಿದೆ. ಶವೋಮಿ ರೆಡ್ಮಿ ಮತ್ತು ಎಂಐ ಸರಣಿಯಲ್ಲಿ ದೇಶದಲ್ಲಿ ವಿವಿಧ ಮಾದರಿಯ ಮತ್ತು ಬಜೆಟ್ ದರದ ಟಿವಿಗಳನ್ನು ಬಿಡುಗಡೆ ಮಾಡಿದ್ದು, ಅತ್ಯಂತ ಹೆಚ್ಚು ಸಂಖ್ಯೆಯಲ್ಲಿ ಮಾರಾಟ ಮಾಡಿ ದಾಖಲೆ ಸೃಷ್ಟಿಸಿದೆ.

ಶವೋಮಿ QLED ಟಿವಿ
ಗ್ಯಾಜೆಟ್ ಮತ್ತು ಎಲೆಕ್ಟ್ರಾನಿಕ್ಸ್ ಕ್ಷೇತ್ರದಲ್ಲಿ ಸ್ಮಾರ್ಟ್‌ಫೋನ್ ಹೊರತುಪಡಿಸಿದರೆ, ಅತ್ಯಂತ ಹೆಚ್ಚಿನ ಸಂಖ್ಯೆಯಲ್ಲಿ ಮಾರಾಟವಾಗುವುದು ಸ್ಮಾರ್ಟ್ ಟಿವಿಗಳು. ಅದರಲ್ಲೂ ದೇಶದಲ್ಲಿ ದೀಪಾವಳಿ ಮತ್ತು ಇತರ ಹಬ್ಬದ ಸಂದರ್ಭದಲ್ಲಂತೂ ಅತ್ಯಂತ ಹೆಚ್ಚಿನ ಸಂಖ್ಯೆಯ ಸ್ಮಾರ್ಟ್ ಟಿವಿ ಮಾರಾಟವಾಗುತ್ತದೆ. ಶವೋಮಿ ಈ ಬಾರಿ ಎಂಐ ಟಿವಿ ಸರಣಿಯಲ್ಲಿ ಹೊಸ QLED ಟಿವಿ ಬಿಡುಗಡೆ ಮಾಡಲು ಮುಂದಾಗಿದೆ.

Mi TV 5 Pro
ಶವೋಮಿ ಎಂಐ ಟಿವಿ ಸರಣಿಯಲ್ಲಿ ಈಗಾಗಲೇ ವಿವಿಧ ಮಾದರಿಗಳನ್ನು ಬಿಡುಗಡೆ ಮಾಡಿದೆ. ಮುಂದೆ ಅತ್ಯಾಧುನಿಕ ಆವೃತ್ತಿಯಲ್ಲಿ Mi TV 5 Pro QLED ಟಿವಿ ಮಾರುಕಟ್ಟೆ ಪ್ರವೇಶಿಸಲಿದೆ. ಹೊಸ ಸರಣಿ, 55, 65 ಮತ್ತು 75 ಇಂಚಿನ ಡಿಸ್‌ಪ್ಲೇ ಮಾದರಿಯಲ್ಲಿ ಲಭ್ಯವಾಗಲಿದೆ.

Android Device: ಹಳೆ ಟಿವಿಯನ್ನು ಕಡಿಮೆ ಖರ್ಚಿನಲ್ಲಿ ಸ್ಮಾರ್ಟ್ ಟಿವಿಯನ್ನಾಗಿಸಿ..

ಹೇಗಿರಲಿದೆ ಹೊಸ QLED ಟಿವಿ?
ಶವೋಮಿ ಎಂಐ ಟಿವಿ ಸರಣಿಯಲ್ಲಿ ಬಿಡುಗಡೆಯಾಗಲಿರುವ QLED ಟಿವಿ, ದೇಶದ ಮಾರುಕಟ್ಟೆಯಲ್ಲಿ ಈ ವರ್ಷದ ಕೊನೆಗೆ ಲಭ್ಯವಾಗುವ ನಿರೀಕ್ಷೆಯಿದೆ. ಅಲ್ಲದೆ, 33,800 ರೂ ಅರಂಭಿಕ ದರ ಹೊಂದಿರುವ ನಿರೀಕ್ಷೆಯಿದೆ. ಉಳಿದಂತೆ 4 GB RAM ಮತ್ತು 64 GB ಸ್ಟೋರೇಜ್ ಹೊಸ QLED ಟಿವಿಯಲ್ಲಿ ಇರಲಿದೆ ಎನ್ನಲಾಗಿದೆ.

Online Shopping: ಹಬ್ಬದ ಆಫರ್‌ನಲ್ಲಿ ಹೊಸ ಟಿವಿ ಖರೀದಿಸುವಿರಾ? ಇಲ್ಲಿ ಗಮನಿಸಿ..