ಹ್ಹಾಂ..! ಜಿಯೋ ಫೋನ್ ಮುಂಗಡ ಬುಕ್ಕಿಂಗ್ ರದ್ದು ?

ಹೊಸದಿಲ್ಲಿ: ರಿಲಯನ್ಸ್ ಜಿಯೋ 4ಜಿ ಫೋನ್ ಮುಂಗಡ ಬುಕ್ಕಿಂಗ್ ಪ್ರಕ್ರಿಯೆಯನ್ನು ಆಗಸ್ಟ್ 24ರಂದು ತೆರೆದುಕೊಳ್ಳಲಾಗಿತ್ತು. ಇದಕ್ಕೆ ಗ್ರಾಹಕರಿಂದ ಅಭೂತಪೂರ್ವ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು.

ಲಕ್ಷಾಂತರ ಮಂದಿ ಈಗಾಗಲೇ ಜಿಯೋ ಉಚಿತ 4ಜಿ ಫೋನ್‌ ಬುಕ್ಕಿಂಗ್ ಮಾಡಿಕೊಂಡಿದ್ದಾರೆ. ಇದರಿಂದಾಗಿ ಬುಕ್ಕಿಂಗ್ ಪ್ರಕ್ರಿಯೆಯನ್ನು ತಾತ್ಕಾಲಿಕವಾಗಿ ರದ್ದುಗೊಳಿಸಲಾಗಿದೆ.

ಆಸಕ್ತ ಗ್ರಾಹಕರು ಜಿಯೋ ಫೋನ್ ಬುಕ್ಕಿಂಗ್ ಮಾಡಲು ಯತ್ನಿಸಿದಾಗ ಲಿಂಕ್‌ನೊಂದಿಗೆ ಈ ರೀತಿಯ ಟೆಕ್ಸ್ಟ್ ಮೆಸೇಜ್ ಬರುತ್ತಿದೆ. ಥಾಂಕ್ ಯೂ ಇಂಡಿಯಾ! ಲಕ್ಷಾಂತರ ಮಂದಿ ಜಿಯೋ ಫೋನ್ ಪ್ರಿ-ಬುಕ್ಕಿಂಗ್ ಮಾಡಿದ್ದಾರೆ. ಪ್ರಿ-ಬುಕ್ಕಿಂಗ್ ಪುನಾರರಂಭಿಸುವಾಗ ನಾವು ನಿಮಗೆ ಮತ್ತೆ ತಿಳಿಸಲಿದ್ದೇವೆ.

ಜಿಯೋ ಫೋನ್ ಮುಂಗಡ ಬುಕ್ಕಿಂಗ್ ಹೇಗೆ ?

ಮೈ ಜಿಯೋ ಆ್ಯಪ್‌ಗಳಲ್ಲೂ ಬುಕ್ಕಿಂಗ್ ಮಾಡುವ ಆಯ್ಕೆ ಕಾಣಿಸುತ್ತಿಲ್ಲ ಎಂದು ಕೆಲವು ಗ್ರಾಹಕರು ಅಭಿಪ್ರಾಯಟ್ಟಿದ್ದಾರೆ.

ಜಿಯೋ ಉಚಿತ 4ಜಿ ಫೋನ್ ವಿತರಣೆ ಪ್ರಕ್ರಿಯೆ ಸೆಪ್ಟಂಬರ್‌ನಿಂದ ಆರಂಭವಾಗಲಿದೆ. ಹಾಗೆಯೇ ಮೊದಲು ಫೋನ್‌ಗಾಗಿ ಬೇಡಿಕೆಯಿಟ್ಟರನ್ನು ಮೊದಲು ತಲುಪಲಿದೆ.

ಸ್ಟಾಟಸ್ ಚೆಕ್ ಮಾಡಲು ಈ ನಂಬರ್‌ಗೆ ಡಯಲ್ ಮಾಡಿ 18008908900

ಭದ್ರತಾ ಠೇವಣಿಯಾಗಿ 1500 ರೂ. ನೀಡಿ ಮೂರು ವರ್ಷಗಳ ಬಳಿಕ ಫೋನ್ ಮರಳಿಸಿದರೆ, ಹಣ ಹಿಂತೆಗೆದುಕೊಳ್ಳಬಹುದು. ಮುಂಗಡ ಬುಕ್ಕಿಂಗ್ ವೇಳೆ 500 ರೂ. ಪಾವತಿಸಬೇಕಿದೆ. ಉಳಿದ ಪಾವತಿಯನ್ನು ಫೋನ್ ವಿತರಿಸುವ ವೇಳೆಗೆ ಪೂರ್ಣಗೊಳಿಸಬೇಕು.