ಜಿಯೋ ಪ್ರೈಮ್‌ ಬಳಕೆದಾರರಿಗೆ ವಾರ್ಷಿಕ 120GB ಹೆಚ್ಚುವರಿ ಡೇಟಾ

ಹೊಸದಿಲ್ಲಿ: ಮುಖೇಶ್‌ ಅಂಬಾನಿ ಒಡೆತನದ ರಿಲಯನ್ಸ್‌ ಜಿಯೋ 'ಹೊಸ ಬೈ ಒನ್‌ ಗೆಟ್‌ ಒನ್‌' ಆಫರ್‌ ಘೋಷಿಸಿದೆ.

ಹೊಸ ಆಫರ್‌ ಅನ್ವಯ, ಜಿಯೋ ಪ್ರೈಮ್‌ ಬಳಕೆದಾರರು 149 ಹಾಗೂ ಅದಕ್ಕಿಂತ ಹೆಚ್ಚಿನ ಮೊತ್ತ ರಿಚಾರ್ಜ್‌ ಮಾಡಿಸಿದರೆ ಹೆಚ್ಚುವರಿ ಡೇಟಾದ ಲಾಭ ಪಡೆಯಬಹುದು ಎಂದು ಫೈನಾನ್ಶಿಯಲ್‌ ಎಕ್ಸ್‌ಪ್ರೆಸ್‌ ವರದಿ ಮಾಡಿದೆ.

ಮಾರ್ಚ್‌ 31ರೊಳಗೆ ರಿಚಾರ್ಜ್‌ ಮಾಡುವ ಬಳಕೆದಾರರಿಗೆ 1 ಜಿಬಿ, 5 ಜಿಬಿ ಹಾಗೂ 10 ಜಿಬಿ ಹೆಚ್ಚುವರಿ ಡೇಟಾ ದೊರೆಯಲಿದೆ. ಏಪ್ರಿಲ್‌ 1ರಿಂದ ಈ ಡೇಟಾ ಕೊಡುಗೆ ಲಭ್ಯವಾಗಲಿದೆ.

ಹೊಸ ಆಫರ್‌ನ ಭಾಗವಾಗಿ ಜಿಯೋ ಬಳಕೆದಾರರು ಶೀಘ್ರ ರಿಚಾರ್ಜ್‌ ಮಾಡಿಸಿದವರಿಗೆ 10 ಜಿಬಿ ಹೆಚ್ಚುವರಿ ಡೇಟಾ ದೊರೆಯಲಿದೆ.

149 ಪ್ರಿಪೇಯ್ಡ್‌ ರಿಚಾರ್ಜ್‌ಗೆ ಈಗಿರುವ 2 ಜಿಬಿ ಕೊಡುಗೆ ಜತೆಗೆ 1 ಎಕ್ಸ್‌ಟ್ರಾ ಜಿಬಿ, 303 ಪ್ಲಾನ್‌ ಬಳಕೆದಾರರಿಗೆ 28 ಜಿಬಿ ಡೇಟಾ ಜತೆ ಹೆಚ್ಚುವರಿ 5 ಜಿಬಿ ಉಚಿತ ಡೇಟಾ ದೊರೆಯಲಿದೆ.

ಮಾರ್ಚ್‌ 31ರ ಮೊದಲು 499ರೂ. ಹಾಗೂ ಹೆಚ್ಚಿನ ಮೊತ್ತದ ರಿಚಾರ್ಜ್‌ ಮಾಡಿಸಿದವರಿಗೆ ಹಾಲಿ ಕೊಡುಗೆಗಳ ಜತೆಗೆ 10ಜಿಬಿ ಉಚಿತ ಡೇಟಾ ದೊರೆಯಲಿದೆ.

ಮಾರ್ಚ್‌ 31ರೊಳಗೆ ಹಲವು ರಿಚಾರ್ಜ್‌ ಮಾಡಿಕೊಳ್ಳಲು ಅವಕಾಶವಿದ್ದು, ಆ್ಯಡ್‌ ಆನ್‌ ಪ್ಯಾಕ್‌ಗಳ ಕೊಡುಗೆಗಳು ಪ್ರತಿ ತಿಂಗಳು ಸೇರ್ಪಡೆಯಾಗುವುದು ಎಂದು ವರದಿ ಹೇಳಿದೆ.

ಏಪ್ರಿಲ್ 1ರಿಂದ 99 ರೂ ಪಾವತಿಸಿದರೆ ಇಂಟರ್ನೆಟ್ ಹೊರತುಪಡಿಸಿ ಉಳಿದ ಸೌಲಭ್ಯಗಳನ್ನು ರಿಯಾಯಿತಿ ದರದಲ್ಲಿ ನೀಡಲು ಜಿಯೋ ಆಫರ್‌ಗಳನ್ನು ಪ್ರಕಟಿಸಿತ್ತು.