ನೀವು ಹೊಸ ಸ್ಮಾರ್ಟ್‌ಪೋನ್ ಖರೀದಿಸಲು ಬಯಸಿದರೆ ಈಗಲೇ ಖರೀದಿಸಿ!..ಏಕೆ ಗೊತ್ತಾ?

2022ರ ದ್ವಿತೀಯಾರ್ಧದಲ್ಲಿ ಸ್ಮಾರ್ಟ್‌ಫೋನ್‌ ಬೆಲೆಗಳು ಭಾರೀ ಏರಿಕೆಯಾಗುವ ಮುನ್ಸೂಚನೆ ದೊರೆತಿದ್ದು, ಬಹುತೇಕ ಎಲ್ಲಾ ಸ್ಮಾರ್ಟ್‌ಫೋನ್‌ಗಳ ಬೆಲೆಗಳು ಶೇ.15 ರಿಂದ 20 ರಷ್ಟು ಹೆಚ್ಚಳವಾಗುವುದು ಖಚಿತ ಎಂದು ಹೇಳಲಾಗುತ್ತಿದೆ. ಸ್ಮಾರ್ಟ್‌ಫೋನ್ ತಯಾರಿಕೆಗೆ ಅತ್ಯಗತ್ಯವಿರುವ ಪ್ರೊಸೆಸರ್ ಚಿಪ್ ಉತ್ಪಾದನೆಯಲ್ಲಿ ಮುಂಚೂಣಿಯಲ್ಲಿರುವ ವಿಶ್ವ ಟೆಕ್ ದೈತ್ಯ Samsung ಕಂಪೆನಿಯ Samsung Foundry ತನ್ನ ಚಿಪ್ ಪ್ರೊಡಕ್ಷನ್ ನಲ್ಲಿ ಬಳಸುವ ಸರ್ವಿಸೇಜ್ ಬೆಲೆಯನ್ನು ಹೆಚ್ಚಿಸಲು ಮುಂದಾಗಿದೆ. ಸರ್ವಿಸೇಜ್ ಬೆಲೆಯನ್ನು ಶೇ.15 ರಿಂದ 20 ರಷ್ಟು ಹೆಚ್ಚಿಸುವ ಸಾಧ್ಯತೆ ಇರುವುದರಿಂದ ಸ್ಮಾರ್ಟ್‌ಫೋನ್‌ಗಳ ಬೆಲೆಗಳು ಕೂಡ ಇದೇ ಪ್ರಮಾಣದಲ್ಲಿ ಏರಿಕೆಯಾಗಬಹುದು ಎಂದು ಜನಪ್ರಿಯ ಬ್ಲೂಮ್‌ಬರ್ಗ್ ವರದಿಯಲ್ಲಿ ಹೇಳಲಾಗಿದೆ.

ಹೌದು, ಕಳೆದ ವರ್ಷದಲ್ಲಿ ಜಾಗತಿಕ ಚಿಪ್ ಕೊರತೆ ಮತ್ತು ಪೂರೈಕೆ ಸರಪಳಿಯ ನಿರ್ಬಂಧಗಳ ನಡುವೆಯೂ Samsung Foundry ತನ್ನ ಪ್ರೊಸೆಸರ್ ಚಿಪ್ ಪ್ರೊಡಕ್ಷನ್ ಬೆಲೆಗಳಲ್ಲಿ ನಿಖರತೆಯನ್ನು ಹೊಂದಿತ್ತು. ಹಣದುಬ್ಬರ, ಏರುತ್ತಿರುವ ಬಡ್ಡಿದರಗಳು, ಕ್ಲೈಂಬಿಂಗ್ ಕಾರ್ಮಿಕ ವೆಚ್ಚಗಳು ಮತ್ತು ಉಕ್ರೇನ್‌ನಲ್ಲಿನ ಯುದ್ಧದಂತಹ ಸ್ಥೂಲ ಆರ್ಥಿಕ ಅಪಾಯಗಳನ್ನು ಎದುರಿಸುತ್ತಿದ್ದರೂ ಸಹ Samsung Foundry ತನ್ನ ಪ್ರೊಸೆಸರ್ ಚಿಪ್ ತಯಾರಿಕೆಯ ಬೆಲೆಗಳಲ್ಲಿ ಬದಲಾವಣೆಯನ್ನು ಮಾಡಿರಲಿಲ್ಲ. ಆದರೆ, ಮುಂಬರುವ ತಿಂಗಳುಗಳಲ್ಲಿ ಪ್ರೊಸೆಸರ್ ಚಿಪ್ ಪ್ರೊಡಕ್ಷನ್ ನಲ್ಲಿ ಬಳಸುವ ಸರ್ವಿಸೇಜ್ ಬೆಲೆಯನ್ನು ಹೆಚ್ಚಿಸಲು Samsung Foundry ಯೋಜಿಸುತ್ತಿದೆ. ಇದಕ್ಕಾಗಿ ಗ್ರಾಹಕರೊಂದಿಗೆ ಮಾತುಕತೆ ನಡೆಸುತ್ತಿದೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ.

GlobalFoundries, TSMC, SMIC, ಮತ್ತು UMC ಕಂಪೆನಿಗಗಿಂತ ಭಿನ್ನವಾಗಿ, ಸ್ಯಾಮ್‌ಸಂಗ್ ಫೌಂಡ್ರಿ 2021 ರಲ್ಲಿ ಬೇಡಿಕೆಯ ಹೆಚ್ಚಳದ ಹೊರತಾಗಿಯೂ ತುಲನಾತ್ಮಕವಾಗಿ ಸ್ಥಿರವಾದ ಬೆಲೆ ನೀತಿಯನ್ನು ನಿರ್ವಹಿಸಿತು. ಆದರೆ, ಸುಮಾರು 100% ಅಥವಾ ಅದಕ್ಕಿಂತ ಹೆಚ್ಚಿನ ಫ್ಯಾಬ್ ಬಳಕೆಯ ದರಗಳೊಂದಿಗೆ ಎಲ್ಲಾ ಪ್ರೊಸೆಸರ್ ಚ ತಯಾರಿಕಾ ಕಂಪೆನಿಗಳು ಅಪಾಯಗಳನ್ನು ಎದುರಿಸುತ್ತವೆ. ''ವಿದ್ಯುತ್ ಮತ್ತು ಸಲಕರಣೆಗಳಿಂದ ಹಿಡಿದು ಸಾಮಗ್ರಿಗಳು ಮತ್ತು ಸರಕು ಸಾಗಣೆಯವರೆಗೆ ಎಲ್ಲದರ ಮೇಲೆ ವೆಚ್ಚಗಳು ಹೆಚ್ಚಾಗುತ್ತಿರುವುದರಿಂದ, ಸ್ಯಾಮ್‌ಸಂಗ್‌ ಕಂಪೆನಿಯು ಬೆಲೆ ಏರಿಸುವುದು ಅನಿವಾರ್ಯ ಕ್ರಮವಾಗಿದೆ" ಎಂದು ಬ್ಲೂಮ್‌ಬರ್ಗ್ ಇಂಟೆಲಿಜೆನ್ಸ್ ವಿಶ್ಲೇಷಕರಾದ ಮಸಾಹಿರೊ ವಕಾಸುಗಿ ಅವರು ಅಭಿಪ್ರಾಯಪಟ್ಟಿದ್ದಾರೆ.
ಭಾರತದಲ್ಲಿ ಏಪ್ರಿಲ್ ತಿಂಗಳ 4G ಸ್ಪೀಡ್ ರಿಪೋರ್ಟ್!..ಯಾವ ಕಂಪೆನಿಗೆ ಮೊದಲ ಸ್ಥಾನ?
ಚೀನಾದಲ್ಲಿನ ಲಾಕ್‌ಡೌನ್‌, ಕೋವಿಡ್ ಪ್ರಕರಣಗಳು, ಏರುತ್ತಿರುವ ವಸ್ತುಗಳ ಬೆಲೆಗಳು ಮತ್ತು ತಾತ್ಕಾಲಿಕ ಮಾರುಕಟ್ಟೆ ಪರಿಸ್ಥಿತಿಗಳು ಬ್ರ್ಯಾಂಡ್ ಸೆಮಿಕಂಡಕ್ಟರ್ ಉತ್ಪಾದನಾ ವೆಚ್ಚವನ್ನು ಹೆಚ್ಚಿಸಿದೆ ಮತ್ತು ಇದು ಸ್ಮಾರ್ಟ್‌ಫೋನ್‌ಗಳ ಬೆಲೆಯ ಮೇಲೂ ಇದು ಪರಿಣಾಮ ಬೀರಲಿದೆ. ಗ್ರಾಹಕ ಎಲೆಕ್ಟ್ರಾನಿಕ್ಸ್ ಸಾಧನಗಳು, ಗೇಮ್ ಕನ್ಸೋಲ್‌ಗಳು, ಕಂಪ್ಯೂಟರ್ ಮತ್ತು ಸ್ಮಾರ್ಟ್‌ಫೋನ್‌ಗಳ ಪೂರೈಕೆದಾರರು ಹೆಚ್ಚುತ್ತಿರುವ ಚಿಪ್ ಬೆಲೆಯನ್ನು ಗ್ರಾಹಕರಿಗೆ ವರ್ಗಾಯಿಸಬೇಕೇ ಮತ್ತು ಕಡಿಮೆ ಸಾಧನಗಳನ್ನು ಮಾರಾಟ ಮಾಡಬೇಕೇ ಅಥವಾ ಬೆಲೆಗಳನ್ನು ನಿರ್ವಹಿಸಬೇಕೇ ಮತ್ತು ತಮ್ಮ ಮಾರಾಟದ ಪ್ರಮಾಣವನ್ನು ಹೆಚ್ಚಿಸಬೇಕೇ ಎಂಬ ಪ್ರಮುಖ ಸಂದಿಗ್ಧತೆಯನ್ನು ಎದುರಿಸುತ್ತಿದ್ದಾರೆ ಎಂದು ವರದಿಯಲ್ಲಿ ಹೇಳಲಾಗಿದೆ.