'ಎಂ'ನಿಂದ ಆರಂಭವಾಗುವ ಮಾರ್ಷ್‌ಮೆಲೋ ಬಳಿಕ, ಗೂಗಲ್‌ನ ಆಂಡ್ರಾಯ್ಡ್‌ ಕಾರ್ಯಾಚರಣಾ ವ್ಯವಸ್ಥೆಯ ಮುಂದಿನ 'ಎನ್‌' ಆವೃತ್ತಿಯು, ಈಗಾಗಲೇ ಜನಪ್ರಿಯವಾಗುತ್ತಿರುವ ವರ್ಚುವಲ್‌ ರಿಯಾಲಿಟಿ ತಂತ್ರಜ್ಞಾನವನ್ನು ಬೆಂಬಲಿಸಲಿದೆ ಎಂಬ ಮಾತು ಕೇಳಿಬರುತ್ತಿದೆ. ಇಷ್ಟೇ ಅಲ್ಲದೆ, ಒತ್ತಡ-ಸಂವೇದೀ ಡಿಸ್‌ಪ್ಲೇ - ಎಂದರೆ, ಬೆರಳಿನ ಒತ್ತಡದ ಪ್ರಮಾಣದ ಆಧಾರದಲ್ಲಿ ವಿಭಿನ್ನ ಕೆಲಸ ಮಾಡುವ ಸ್ಕ್ರೀನ್‌ ತಂತ್ರಜ್ಞಾನವನ್ನೂ ಹೊಸ ಕಾರ್ಯಾಚರಣಾ ವ್ಯವಸ್ಥೆ ಬೆಂಬಲಿಸಲಿದೆಯಂತೆ. ಇಷ್ಟೇ ಅಲ್ಲ, ಆ್ಯಪಲ್‌ 6 ಎಸ್‌ ಸರಣಿಯಲ್ಲಿ ಕಂಡುಬಂದ 3ಡಿ ಸ್ಪರ್ಶ ತಂತ್ರಜ್ಞಾನವನ್ನೂ ಇದರಲ್ಲಿ ಅಳವಡಿಸಬಹುದಂತೆ. ಈಗಾಗಲೇ ಆಂಡ್ರಾಯ್ಡ್‌ ಎನ್‌ ಡೆವಲಪರ್‌ಗಳಿಗೆ ಕಳುಹಿಸಿದ ಹೊಸ ಅಪ್‌ಡೇಟ್‌ನಲ್ಲಿ, ಹೊಸ ಇಮೋಜಿಗಳು, ಲಾಂಚರ್‌ ಶಾರ್ಟ್‌ಕಟ್‌ಗಳು ಇವೆಯೆಂಬ ಮಾಹಿತಿ ದೊರೆತಿದೆ. ಭ್ರಮಾ ವಾಸ್ತವಿಕತೆಯನ್ನು ನಮ್ಮ ಮುಂದಿಡಬಲ್ಲ ವಿಆರ್‌ ತಂತ್ರಜ್ಞಾನದ ವೀಡಿಯೋಗಳು, ಗೇಮ್‌ಗಳು ಈಗಾಗಲೇ ಜನಪ್ರಿಯವಾಗಿರುವುದರಿಂದ, ಆಂಡ್ರಾಯ್ಡ್‌ ಹೊಸ ಆವೃತ್ತಿಯಲ್ಲಿ ಅದಕ್ಕೆ ಅವಕಾಶವಿರಲೇಬೇಕಾದ ಅನಿವಾರ್ಯತೆಯಿದೆ. ವರ್ಷಾಂತ್ಯದೊಳಗೆ ಆಂಡ್ರಾಯ್ಡ್‌ 'ಎನ್‌' ಬರಲಿದೆ.
ಟೆಕ್‌ ರೂಮರ್‌: ಮಾರ್ಷ್‌ಮೆಲೋದಲ್ಲಿ VR ಬೆಂಬಲ
'ಎಂ'ನಿಂದ ಆರಂಭವಾಗುವ ಮಾರ್ಷ್‌ಮೆಲೋ ಬಳಿಕ, ಗೂಗಲ್‌ನ ಆಂಡ್ರಾಯ್ಡ್‌ ಕಾರ್ಯಾಚರಣಾ ವ್ಯವಸ್ಥೆಯ ಮುಂದಿನ 'ಎನ್‌' ಆವೃತ್ತಿಯು, ಈಗಾಗಲೇ ಜನಪ್ರಿಯವಾಗುತ್ತಿರುವ ವರ್ಚುವಲ್‌ ರಿಯಾಲಿಟಿ ...
Vijaya Karnataka Web 25 Apr 2016, 4:00 am