ಟೆಕ್ Tonic: ಕಂಪ್ಯೂಟರ್‌ನ ಕಾನ್ಫಿಗರೇಶನ್

ನಮ್ಮ ವಿಂಡೋಸ್ ಕಂಪ್ಯೂಟರಿನಲ್ಲಿ ಎಷ್ಟು RAM ಇದೆ, ಯಾವ ಪ್ರೊಸೆಸರ್ ಇದೆ, ಎಷ್ಟು ಸ್ಟೋರೇಜ್ ಸ್ಪೇಸ್ ಇದೆ, ಆಪರೇಟಿಂಗ್ ಸಿಸ್ಟಂ ಯಾವುದು, ಅದರ ಆವತ್ತಿ ಯಾವುದು, ಅದರ ಪ್ರಾಡಕ್ಟ್ ಐಡಿ ಏನು ಅಂತೆಲ್ಲ ತಿಳಿದುಕೊಳ್ಳಲು ಸುಲಭ ಉಪಾಯವಿದೆ. ಒಂದನೆಯದು, ಡೆಸ್ಕ್‌ಟಾಪ್‌ನಲ್ಲಿ ಕಾಣಿಸುವ My Computer ರೈಟ್ ಕ್ಲಿಕ್ ಮಾಡಿ, Properties ಎಂಬ ಮೆನು ಆಯ್ಕೆ ಮಾಡಿಕೊಳ್ಳುವುದು.

ಶಾರ್ಟ್‌ಕಟ್ ವಿಧಾನವೆಂದರೆ, ಕೀಬೋರ್ಡ್‌ನಲ್ಲಿ ವಿಂಡೋಸ್ ಲಾಂಛನವಿರುವ ಬಟನ್ ಹಾಗೂ Pause ಬಟನ್ ಒತ್ತಿದರಾಯಿತು. ಎಲ್ಲ ಮಾಹಿತಿ ಕಾಣಿಸುತ್ತದೆ. ಅಲ್ಲಿ, ಕಂಪ್ಯೂಟರ್ ಹೆಸರು ಏನಿದೆ ಅಂತಲೂ ಕಾಣಿಸುತ್ತದೆ. ಪಕ್ಕದಲ್ಲೇ Change Settings ಕ್ಲಿಕ್ ಮಾಡಿದರೆ, ಕಂಪ್ಯೂಟರ್ ಹೆಸರು ಬದಲಾಯಿಸಿಕೊಳ್ಳುವ ಆಯ್ಕೆ ದೊರೆಯುತ್ತದೆ.