Ringtome maker-MP3Cutter
ಮಾಮೂಲಿ ರಿಂಗ್‌ ಟೋನ್‌ಗಳನ್ನು ಕೇಳಿಕೇಳಿ ಬೋರ್‌ ಅನ್ನಿಸುತ್ತಿದೆಯೇ? ನಿಮ್ಮದೇ ಆದ ರಿಂಗ್‌ಟೋನ್‌ಗಳನ್ನು ಸೃಷ್ಟಿಸುವ ಕ್ರಿಯೇಟಿವಿಟಿ ನಿಮ್ಮಲ್ಲಿದೆಯೇ? ಸರಿ ಹಾಗಾದರೆ, ರಿಂಗ್‌ಟೋನ್‌ ಮೇಕರ್‌ ಆ್ಯಪ್‌ ನಿಮಗೆ ನೆರವು ನೀಡುತ್ತದೆ. ನಿಮ್ಮ ಫೋನ್‌ನಲ್ಲಿರುವ ಮ್ಯೂಸಿಕ್‌ ಫೈಲ್‌ಗಳನ್ನು ಕತ್ತರಿಸಿ, ವಿಶಿಷ್ಟ ರಿಂಗ್‌ ಟೋನ್‌ ರೂಪಿಸಬಹುದು. ಹೊಸ ಶಬ್ದಗಳನ್ನು ರೆಕಾರ್ಡ್‌ ಮಾಡಿ, ಅದನ್ನು ಎಡಿಟ್‌ ಮಾಡಿ ರಿಂಗ್‌ಟೋನ್‌ ಆಗಿ ಬಳಸಬಹುದಾಗಿದೆ. ಈ ಆ್ಯಪ್‌ನಲ್ಲಿ ಉತ್ತಮ ಎಡಿಟಿಂಗ್‌ ಸಾಧನಗಳನ್ನು ನೀಡಲಾಗಿದೆ.
Daily walk tracker
ಮೈಮನಸ್ಸುಗಳು ಸದೃಢವಾಗಿರಲು ವಾಕಿಂಗ್‌ ಮಾಡಲೇ ಬೇಕು. ಪ್ರತಿ ದಿನವೂ ವಾಕಿಂಗ್‌ ಮಾಡುವುದು ಸರಿ. ಆದರೆ, ಅದು ಸರಿಯಾಗಿ ಆಗುತ್ತಿದೆಯೇ ಎಂದು ನಿಗಾ ಇಡಲು ಈ ಆ್ಯಪ್‌ ಸಹಾಯಕ. ಎಷ್ಟು ದೂರ ನೀವು ಓಡಿದಿರಿ ಅಥವಾ ವಾಕ್‌ ಮಾಡಿದಿರಿ ಎನ್ನುವುದನ್ನು ಇದು ತಿಳಿಸುತ್ತದೆ. ವಾಕಿಂಗ್‌ನಿಂದ ಸವೆಸಿದ ದೂರ, ವೇಗ, ಸಮಯ ಮತ್ತು ಎಷ್ಟು ಕ್ಯಾಲೋರಿಗಳನ್ನು ಬರ್ನ್‌ ಮಾಡಿರುವಿರಿ ಎನ್ನುವುದನ್ನು ಅರಿಯಬಹುದು. ಹೀಗೆ ಪ್ರತಿದಿನದ ವಿವರಗಳು ದಾಖಲಾಗುವುದರಿಂದ, ಉತ್ತಮ ವಾಕಿಂಗ್‌ ಅಭ್ಯಾಸ ನಮ್ಮದಾಗುತ್ತದೆ.