ಭಾರತದಲ್ಲಿ ಎಂಐ 5 ಎಕ್ಸ್
ಕ್ಸಿಯೊಮಿ ಕಂಪನಿಯ ಮೊಬೈಲ್ಗಳು ಈಗ ಭಾರತದಲ್ಲಿ ಭಾರಿ ಜನಪ್ರಿಯತೆ ಗಳಿಸುತ್ತಿವೆ. ಇದೀಗ ಎಂಐ 5ಎಕ್ಸ್ ಸ್ಮಾರ್ಟ್ಫೋನ್ ಅನ್ನು ಭಾರತೀಯ ಮಾರುಕಟ್ಟೆಗೆ ಬಿಡುಗಡೆ ಮಾಡುವ ಸಾಧ್ಯತೆ ಇದೆ. ಶಿಯೊಮಿ ಇಂಡಿಯಾ ಉಪಾಧ್ಯಕ್ಷ ಮನು ಕುಮಾರ್ ಜೈನ್ ಅವರು, ಟ್ವಿಟರ್ನಲ್ಲೊಂದು ಟೀಸರ್ ಹರಿಬಿಟ್ಟಿದ್ದು, ''ಶಿಯೊಮಿ ಎಂಐ 5ಎಕ್ಸ್ ಫೋನ್ ಭಾರತದಲ್ಲಿ ಬಿಡುಗಡೆಯಾಗುವ ದಿನಗಳು ದೂರವಿಲ್ಲ. ಮುಂಬರುವ ತಿಂಗಳಲ್ಲಿ ಬಿಡುಗಡೆಯಾಗಲಿದೆ,'' ಎಂದು ಅದರಲ್ಲಿ ತಿಳಿಸಲಾಗಿದೆ. ಇತ್ತೀಚೆಗಷ್ಟೇ ಈ ಸ್ಮಾರ್ಟ್ಫೋನ್ ಅನ್ನು ಶಿಯೊಮಿ ಚೀನಾದಲ್ಲಿ ಬಿಡುಗಡೆ ಮಾಡಿತ್ತು. ಹಾಗಾಗಿ, ಸೆಪ್ಟೆಂಬರ್ ಹೊತ್ತಿಗೆ ಈ ಫೋನ್ ಭಾರತೀಯ ಮಾರುಕಟ್ಟೆಯನ್ನು ಪ್ರವೇಶಿಸುವ ಸಾಧ್ಯತೆ ಇದೆ ಎನ್ನಲಾಗುತ್ತಿದೆ.
ಎಫ್ಬಿ ಚಾರ್ಜ್ ಮಾಡಲ್ಲ
ಬಳಕೆದಾರರು ಆಕಸ್ಮಿಕವಾಗಿ ಜಾಹೀರಾತು ಮತ್ತು ಅವುಗಳ ಲಿಂಕ್ ಮೇಲೆ ಕ್ಲಿಕ್ ಮಾಡಿದರೆ ಈ ಮೊದಲು ಫೇಸ್ಬುಕ್ ಜಾಹೀರಾತು ನೀಡಿದವರಿಗೆ ಶುಲ್ಕ ವಿಧಿಸುತ್ತಿತ್ತು. ಆದರೆ, ಇದೀಗ ಬಳಕೆದಾರರು ಆಕಸ್ಮಿಕವಾಗಿ ಆ್ಯಡ್ ಮೇಲೆ ಕ್ಲಿಕ್ ಮಾಡಿ ಎರಡು ಸೆಕೆಂಡ್ನಷ್ಟು ವೀಕ್ಷಿಸಿದರೂ ಅದಕ್ಕೆ ಜಾಹೀರಾತುದಾರರು ಶುಲ್ಕ ತೆರಬೇಕಿಲ್ಲ. ಫೇಸ್ಬುಕ್ನ ಈ ಹೊಸ ನೀತಿಯು ಸ್ಕ್ರೀನ್ ಮೇಲೆ ಕಾಣಿಸಿಕೊಳ್ಳುವ ಪಾಪ್ ಅಪ್ ಮತ್ತು ಜಾಹೀರಾತು ಪೇಸ್ಟಿಂಗ್ಗೆ ಮೇಲೆ ಸ್ವಲ್ಪ ಹೊಡೆತ ನೀಡಲಿದೆ ಎಂದು ವಿಶ್ಲೇಷಿಸಲಾಗುತ್ತಿದೆ. ಜತೆಗೆ, ಆರಂಭಿಕರಿಗೆ ಫೇಸ್ಬುಕ್ ಒಟ್ಟು ಇಂಪ್ರೆಸ್ಗಳ ವರದಿ ನೀಡಲಿದೆ. ಇದರಲ್ಲಿ ಬಿಲ್ ಮಾಡಬಹುದಾದ ಮತ್ತು ಬಿಲ್ ಮಾಡಲಾರದಂಥ ಇಂಪ್ರೆಸ್ಗಳೂ ಇರಲಿವೆ. ಜತೆಗೆ ಆಟೊ ಪ್ರೆಸ್ಗೊಳಗಾಗುವ ಜಾಹೀರಾತುಗಳ ಬಗ್ಗೆಯೂ ಫೇಸ್ಬುಕ್ ಮಾಹಿತಿ ನೀಡಲಿದೆ.
10 ಕೋಟಿ ಡೌನ್ಲೋಡ್
ಉಚಿತ ಆಫರ್ಗಳ ಮೂಲಕ ಟೆಲಿಕಾಮ್ ಕ್ಷೇತ್ರದಲ್ಲಿ ಹವಾ ಎಬ್ಬಿಸಿರುವ ರಿಲಯನ್ಸ್ ಕಂಪನಿಯ ಜಿಯೊ ಇದೀಗ ಮತ್ತೊಂದು ಮೈಲುಗಲ್ಲು ಸ್ಥಾಪಿಸಿದೆ. ಹಲವು ಸೌಲಭ್ಯಗಳ ಸಂಗ್ರಹವಾದ ರಿಲಯನ್ಸ್ನ ಮೈ ಜಿಯೊ ಆ್ಯಪ್ ಆ್ಯಂಡ್ರಾಯ್ಡ್ ಪ್ಲೇ ಸ್ಟೋರ್ನಲ್ಲಿ 10 ಕೋಟಿ ಡೌನ್ಲೋಡ್ಗಳನ್ನು ಕಂಡಿದೆ. ಇದೊಂದು ಸಾಧನೆಯೇ ಸರಿ ಎಂಬುದು ಕಂಪನಿಯ ಅಂಬೋಣ. ಇದಕ್ಕಿಂತ ಹೆಚ್ಚು ಡೌನ್ಲೋಡ್ ಆಗಿರುವ ಆ್ಯಪ್ ಎಂದರೆ ಹಾಟ್ಸ್ಟಾರ್ ಆ್ಯಪ್. ಜತೆಗೆ ತನ್ನ ಪ್ರತಿಸ್ಪರ್ಧಿ ಟೆಲಿಕಾಂ ಕಂಪನಿಗಳ ಆ್ಯಪ್ ಡೌನ್ಲೋಡ್ ಸಂಖ್ಯೆಗೆ ಹೋಲಿಸಿದರೂ ಜಿಯೊ ತುಂಬ ಮುಂದಿದೆ. ಜಿಯೋ ಟಿವಿ ಆ್ಯಪ್ ಕೂಡ ಐದು ಕೋಟಿ ಡೌನ್ಲೋಡ್ಗಳನ್ನು ಕಂಡಿದೆ. ಈ ವಿಷಯದಲ್ಲಿ ಏರ್ಟೆಲ್, ವೋಡಾಫೋನ್, ಐಡಿಯಾ ಆ್ಯಪ್ಗಳನ್ನು ಇದು ಹಿಂದಿಕ್ಕಿದೆ ಎಂದು ಹೇಳಬಹುದು.