ಸ್ಮಾರ್ಟ್ಫೋನ್ ಬಳಕೆದಾರರು ಹೆಚ್ಚಿದಂತೆ ಹೊಸ ಹೊಸ ಮಾಡಲ್ಗಳು ಮಾರುಕಟ್ಟೆಗೆ ಬರುತ್ತಿವೆ. ಯುಟಿಲಿಟಿಗೆ ತಕ್ಕಂತೆ ಆಪರೇಟಿಂಗ್ ಸಿಸ್ಟಂಗಳು ಅಪ್ಡೇಟ್ ಆಗುತ್ತಿವೆ. ಗೂಗಲ್ನ ಹೊಸ ಆ್ಯಂಡ್ರಾಯ್ಡ್ ಆಪರೇಟಿಂಗ್ ಸಿಸ್ಟಂ ಒರಿಯೋ ಫೀಚರ್ಗಳು ಇಲ್ಲಿವೆ.
ಆಗಸ್ಟ್ 21, ಸೂರ್ಯ ಗ್ರಹಣ! ಟೀವಿ ಚಾನಲ್ ಪ್ಯಾನಲ್ಗಳ ತುಂಬ ಡಿಸ್ಕಷನ್ನೋ ಡಿಸ್ಕಷನ್! ಗ್ರಹಣ ಬಂತು ಅಂತ ಅಮೆರಿಕದ ಜನ ಬೆದರಿದ್ರೊ ಇಲ್ಲವೋ ಆದರೆ ಟೀವಿ ಪ್ಯಾನಲ್ನಲ್ಲಿ ಕೂತ ಮಂದಿ ಮಾತ್ರ ಲಂಗುಲಗಾಮಿಲ್ಲದೇ ತಮ್ಮದೇ ಆದ ವರ್ಷನ್ಗಳನ್ನು ಅಪ್ಡೇಟ್ ಮಾಡ್ತಾ ಇದ್ರು. ಅವರ ವರ್ಷನ್ಗಳನ್ನು ಕೇಳ್ತಾ ಇದ್ದರೆ ಎಲ್ಲೋ ಭೂಕಂಪ ಆದಂತೆ, ಸುನಾಮಿ ಬೀಸಿದಂತೆ, ಜಾಗತಿಕ ತಾಪಮಾನ ಇದ್ದಕ್ಕಿದ್ದಂತೆ ಹೆಚ್ಚಿದಂತಾಗಿತ್ತು. ಅದರ ನಡುವೇನೇ ಯಾರು ಏನು ಪ್ರಿಡಿಕ್ಟ್ ಮಾಡ್ತಾರೋ ಅನ್ನೋ ಕುತೂಹಲದಲ್ಲಿ ಚಾನಲ್ ಸರ್ಚ್ ಮಾಡೋರ ಸಂಖ್ಯೇನೂ ಜಾಸ್ತಿ ಆಗಿತ್ತು. ಇದೊಂದು ಬಗೆಯಾದರೆ ಟೆಕ್ನಾಲಜಿ ಫೀಲ್ಡ್ನಲ್ಲಿ ಸದ್ದಿಲ್ಲದೆ ಸಂಚನಲನ ಶುರುವಾಗಿತ್ತು. ಸರ್ಚ್ ಎಂಜಿನ್ ಕಿಂಗ್ಮೇಕರ್ ಗೂಗಲ್ ಹೊಸ ಆಪರೇಟಿಂಗ್ ಸಿಸ್ಟಂ ಒರಿಯೋ ಬಿಡುಗಡೆ ಮಾಡಿ ಸುದ್ದಿ ಮಾಡಿತ್ತು. ಒರಿಯೋ ಆಪರೇಟಿಂಗ್ ಸಿಸ್ಟಂನಲ್ಲಿರೋ ಅಪ್ಲಿಕೇಷನ್ಗಳು ಸ್ಮಾರ್ಟ್ಫೋನ್ ಫೀಲ್ಡ್ಗೆ ಹೊಸ ಆಯಾಮ ಕೊಟ್ಟಿದೆ ಅಂದ್ರೆ ತಪ್ಪಾಗದೇನೋ!
ಸ್ಮಾರ್ಟ್ಫೋನ್ಗಳಿಗೆ ಬೇಡಿಕೆ ಹೆಚ್ಚಿದಂತೆ ಗೂಗಲ್ ಒಎಸ್ ಆ್ಯಂಡ್ರಾಯ್ಡ್ ಬಳಸುವವೆರ ಸಂಖ್ಯೆ ಹೆಚ್ಚಿದೆ. ಬಳಕೆದಾರರ ಅಗತ್ಯಕ್ಕೆ ತಕ್ಕಂತೆ ಆ್ಯಂಡ್ರಾಯ್ಡ್ ಐಸ್ಕ್ರೀಂ ಸ್ಯಾಂಡ್ವಿಚ್ 2011ರಲ್ಲಿ ಇಂಟ್ರಡ್ಯೂಸ್ ಆಯಿತು. ಆಮೇಲೆ ಕಿಟ್ಕ್ಯಾಟ್, ಜೆಲ್ಲಿಬೀನ್, ಲಾಲಿಪಪ್, ಮಾರ್ಷ್ಮಲ್ಲೋ, ನೌಗಟ್ ಬಿಡುಗಡೆ ಆಯ್ತು. ಇದೀಗ ಒರಿಯೋ (ಆ್ಯಂಡ್ರಾಯ್ಡ್ * ಒ) ಬಿಡುಗಡೆ ಆಗಿದೆ.
ಹೊಸ ಆಪರೇಟಿಂಗ್ ಸಿಸ್ಟಂ ಬಗ್ಗೆ ತಿಳ್ಕೊಳ್ಳೋಕು ಮುನ್ನ ಒಂದೆರಡು ಮಾತು. ಎಷ್ಟೋ ಮಂದಿ ಸ್ಮಾರ್ಟ್ಫೋನ್ ಕೊಳ್ತಾರೆ. ಆದರೆ ಯಾಕೆ ಕೊಂಡ್ಕೊಡಿದ್ದೀವಿ ಅದರಲ್ಲಿರೋ ಅಪ್ಲಿಕೇಷನ್ಗಳೇನು? ಅದನ್ನು ಹೇಗೆ ಯಾವಾಗ ಬಳಸ್ಕೋ ಬೇಕು ಅನ್ನೋ ತಿಳುವಳಿಕೇನೇ ಇರೋಲ್ಲ. ಸರಳವಾಗಿ ಹೇಳಬೇಕೂಂದ್ರೆ, ಹೇಳಿ ಕೇಳಿ ನಮ್ಮದು ಮಲ್ಟಿ ಟಾಸ್ಕಿಂಗ್ ಜಮಾನ. ಒಂದು ಕೆಲಸ ಮಾಡ್ತಾ ಇದ್ದರೂ ಮನಸ್ಸು ನೂರಾರು ಕೆಲಸಗಳನ್ನು ಪ್ಲಾನ್ ಮಾಡ್ತಾ ಇರುತ್ತೆ. ಕೈಗಳು ಎಕ್ಸಿಕ್ಯೂಟ್ ಮಾಡ್ತಾ ಇರುತ್ತೆ. ಯಾರು ಏನು ಕೇಳಿದ್ರೂ, ಯಾವುದೇ ವರ್ಕ್ ಅಸೈನ್ ಮಾಡಿದ್ರೂ ಎಸ್ಎಸ್ ಅಂತಿರ್ತೀವಿ. ಸ್ಮಾರ್ಟ್ಫೋನ್ ಝೋನ್ನಲ್ಲಿ ಒಎಸ್ (ಆಪರೇಟಿಂಗ್ ಸಿಸ್ಟಂ) ಸಹ ಹಾಗೇ ಕಾರ್ಯ ನಿರ್ವಹಿಸುತ್ತೆ. ಅದರಲ್ಲಿರೋ ಅಪ್ಲಿಕೇಷನ್ಗಳ ಆಧಾರದ ಮೇಲೆ ಒಎಸ್ನ ಪರ್ಫಾಮೆನ್ಸ್, ಪಾಪ್ಯುಲಾರಿಟಿ ನಿಗದಿಯಾಗುತ್ತೆ. ಅದರೊಂದಿಗೆ ಬಳಕೆದಾರರು ಅಪ್ಗ್ರೇಡ್ ಆಗ್ತಾರೆ.
ಒಎಸ್ ಒರಿಯೋ!
ನೌಗಟ್ ಬಿಡುಗಡೆಯಾಗಿನ್ನೂ ವರ್ಷ ಕಳೆದಿಲ್ಲ. ಆಗಲೇ ಗೂಗಲ್ ಆ್ಯಂಡ್ರಾಯ್ಡ್ ಹೊಸ ಒಎಸ್ ಒರಿಯೋ ಬಿಡುಗಡೆ ಮಾಡಿದೆ. ಒರಿಯೋ ಸುದ್ದಿ ಮಾಡೋಕೆ ಇನ್ನೂ ಸಮಯ ಇದೆ (2017ರ ಅಂತ್ಯದ ಹೊತ್ತಿಗೆ ಪೂರ್ಣ ಪ್ರಮಾಣದಲ್ಲಿ ಇಂಟ್ರಡ್ಯೂಸ್ ಆಗಲಿದೆ) ಅನ್ನೋದು ಟೆಕ್ಕಿಗಳ ಅಂಬೋಣ. ಆ ವಿಷಯ ಹಾಗಿರಲಿ. ಪಿಕ್ಚರ್ ರಿಲೀಸ್ ಆಗೋಕು ಮುನ್ನ ಟ್ರೇಲರ್ ನೋಡಿ ಹಾಗಿರಬಹುದು, ಹೀಗಿರಬಹುದು ಅಂತ ಮನದಲ್ಲಿ ಮಂಡಿಗೆ ಇನ್ನುತ್ತೇವೆಕ್ಕಲ ಹಾಗೇನೇ ಹೊಸ ಒಎಸ್ ಒರಿಯೋದಲ್ಲಿ ಏನೇನು ಫೀಚರ್ಗಳಿವೆ ನೋಡೋಣ.
ಹೊಸ ಒಎಸ್ ಹಳೇದಕ್ಕಿಂತಲೂ ಫಾಸ್ಟ್ ಆಗಿದೆ. ಅದನ್ನು ಇನ್ಸ್ಟಾಲ್ ಮಾಡಿಕೊಳ್ಳುವ ಮೂಲಕ ಬ್ಯಾಟರಿ ಲೈಫ್ ಸಹ ಸುಧಾರಿಸಲಿದೆ. ಅಪ್ಡೇಟ್ ನೋಟಿಫಿಕೇಷನ್ಗಳನ್ನು ಆ್ಯಪ್ ಐಕಾನ್ಗಳೊಂದಿಗೆ ಕ್ರೋಢೀಕರಿಸಲಾಗಿದೆ. ನೋಟಿಫಿಕೇಷನ್ ಡಾಟ್ ಮೇಲೆ ಕ್ಲಿಕ್ ಮಾಡುವ ಮೂಲಕ ಬಳಕೆದಾರರು ಸುಲಭವಾಗಿ ಅಪ್ಡೇಟ್ ಆಗಬಹುದು. ಎಮೋಜಿಗಳಿಗೆ ಹೊಸ ರೂಪ, ವಿನ್ಯಾಸ ಬಂದಿದೆ. ಇನ್ಸ್ಟೆಂಟ್ ಆ್ಯಪ್ ಕಂಪ್ಯಾಟಬಲಿಟಿಯಿಂದಾಗಿ ಬಳಕೆದಾರರು ಬ್ರೌಸರ್ ನೆರವಿನಿಂದ ಹೊಸ ಆ್ಯಪ್ಗಳಿಗೆ ಸುಲಭವಾಗಿ ಟೆಲಿಪೋರ್ಟ್ ಆಗಬಹುದು. ಹೊಸ ಆಪರೇಟಿಂಗ್ ಸಿಸ್ಟಂನಿಂದಾಗಿ ಸ್ಮಾರ್ಟ್ಫೋನ್ ಸ್ಕ್ರೀನ್ನಲ್ಲಿನ ಬ್ಯಾಕ್ಗ್ರೌಂಡ್ ಆ್ಯಕ್ಟಿವಿಟಿ ಕಡಿಮೆ ಆಗಲಿದೆ. ಅದರಿಂದಾಗಿ ಬ್ಯಾಟರಿ ಬಾಳ್ವಿಕೆ ಹೆಚ್ಚಲಿದೆ. ಬೂಟಿಂಗ್ ಸ್ಪೀಡ್ ಸಹ ಕ್ಷಿಪ್ರವಾಗಲಿದೆ. ಪಿಕ್ಚರ್ ಇನ್ ಪಿಕ್ಚರ್ ಮೋಡ್ ನಿಂದಾಗಿ ಬಳಕೆದಾರರು ಎರಡು ಆ್ಯಪ್ಗಳ ಫಂಕ್ಷ ನ್ಗಳನ್ನು ಒಮ್ಮೆಲೇ ನೋಡಬಹುದು. ಆಟೋಫಿಲ್ ಟೂಲ್ನಿಂದಾಗಿ ಮೊಬೈಲ್ ಕಾಂಟ್ಯಾಕ್ಟ್ ಡೀಟೇಲ್ಸ್ ಮತ್ತಿತರ ಖಾಸಗಿ ಮಾಹಿತಿಗಳು ಹೆಚ್ಚು ಸುರಕ್ಷಿತವಾಗಿರುತ್ತವೆ.
ಇಷ್ಟವಾಗಲು ಹತ್ತು ಕಾರಣಗಳು
ಆ್ಯಂಡ್ರಾಯ್ಡ್ ಹೊಸ ಆಪರೇಟಿಂಗ್ ಸಿಸ್ಟಂ ಒರಿಯೋ ಬಿಸ್ಕತ್ನಷ್ಟೇ ರುಚಿಸಲಿದೆ. ಒರಿಯೋ ಬಿಸ್ಕತ್ ಟಾಪಿಂಗ್ ಇಷ್ಟವಾಗುವಂತೆ ಒರಿಯೋ ಒಎಸ್ ತುಂಬಾ ಅಪ್ಲಿಕೇಷನ್ಗಳ ಟಾಪಿಂಗ್! ನಿಮ್ಮ ದಿಲ್ಗೇ ಟಾಂಗು! ಹೊಸ ಒಎಸ್ ಅಳವಡಿಸಿಕೊಳ್ಳಲು ಸಾಕಷ್ಟು ಸ್ಮಾರ್ಟ್ಫೋನ್ ಕಂಪನಿಗಳು ಈಗಾಗಲೇ ಮುಂದೆ ಬಂದಿವೆ. ಅವುಗಳಲ್ಲಿ ಗೂಗಲ್ ಪಿಕ್ಸಲ್, ಪಿಕ್ಸಲ್ ಎಕ್ಸ್ಎಲ್, ನೆಕ್ಸಸ್ 6ಪಿ, ನೆಕ್ಸಸ್ 5ಎಕ್ಸ್ ಮತ್ತು ಪಿಕ್ಸಲ್ ಸಿ, ಸೋನಿ, ನೋಕಿಯಾ, ಒನ್ ಪ್ಲಸ್ ಇತ್ಯಾದಿ ಸಂಸ್ಥೆಗಳು ಸೇರಿವೆ. ಬೀಟಾ ಬಳಕೆದಾರರು ಫ್ಲಾಷ್ ಮಾಡುವ ಮೂಲಕ ಒರಿಯೋ ಒಎಸ್ ಡೌನ್ಲೋಡ್ ಮಾಡಿಕೊಳ್ಳಬಹುದು. ಒರಿಯೋ ಆ್ಯಂಡ್ರಾಯ್ಡ್ ಆಪರೇಟಿಂಗ್ ಸಿಸ್ಟಂನ 8.0 ವರ್ಷನ್ ಆಗಿದೆ.
ಪಿಕ್ಚರ್-ಇನ್-ಪಿಕ್ಚರ್ ಮೋಡ್
ಹೊಸ ಅಪ್ಲಿಕೇಷನ್. ಇದರಿಂದಾಗಿ ಸ್ಮಾರ್ಟ್ಫೋನ್ ಅಥವಾ ಟ್ಯಾಬ್ಲೆಟ್ ಬಳಕೆದಾರರು ಒಮ್ಮೆಲೇ ಎರಡು ಟಾಸ್ಕ್ಗಳನ್ನು ಸುಲಭವಾಗಿ ಮಾಡಬಹುದು. ಉದಾಹರಣೆಗೆ ವಿಡಿಯೋ ಕಾಲ್ ಮಾಡುತ್ತಲೇ ವಿಡಿಯೋ ಕ್ಲಿಪಿಂಗ್ ನೋಡಬಹುದು.
ನೋಟಿಫಿಕೇಷನ್ ಡಾಟ್ಸ್
ಆ್ಯಪಲ್ ಐಫೋನ್ನಲ್ಲಿದ್ದಂತೆ, ಆ್ಯಂಡ್ರಾಯ್ಡ್ ಒರಿಯೋ ಆಧರಿತ ಸ್ಮಾರ್ಟ್ಫೋನ್ಗಳಲ್ಲೂ ನೋಟಿಫಿಕೇಷನ್ ಅಲರ್ಟ್ ಡಾಟ್ ಮಾದರಿಯಲ್ಲಿ ಲಭ್ಯವಿದೆ. ಈ ಡಾಟ್ಗಳು ಆ್ಯಪ್ ಐಕಾನ್ನ ಮೇಲ್ಬದಿಯ ತುದಿಯಲ್ಲಿರುತ್ತವೆ. ಅವುಗಳ ಮೇಲೆ ಟ್ಯಾಪ್ ಮಾಡುವ ಮೂಲಕ ಅಪ್ಡೇಟ್ ನೋಟಿಫಿಕೇಷನ್ಗಳನ್ನು ನೋಡಬಹುದು.
ಸ್ಮಾರ್ಟ್ಟೆಕ್ಸ್ಟ್ ಸೆಲೆಕ್ಷ ನ್
ಗೂಗಲ್ನ ಅಡ್ವಾನ್ಸ್ಡ್ ಮೆಷಿನ್ ಲರ್ನಿಂಗ್ ಟೆಕ್ನಿಕ್ ಬಳಕೆಯಿಂದಾಗಿ ಆ್ಯಂಡ್ರಾಯ್ಡ್ ಒರಿಯೋದಲ್ಲಿ ಟೆಕ್ಸ್ಟ್ಗಳನ್ನು ಸೆಲೆಕ್ಟ್ ಮಾಡಿಕೊಳ್ಳುವುದು, ಅದರ ಅಡ್ರಸ್, ಇ-ಮೇಲ್ ಐಡಿ ಅಥವಾ ಕಾಂಟ್ಯಾಕ್ಟ್ ಸಂಖ್ಯೆ ಗುರುತಿಸುವಿಕೆ ಸುಲಭವಾಗಿದೆ.
ಸಿಸ್ಟಂ ಆಪ್ಟಿಮೈಸೇಷನ್
ಒಸ್ ಒರಿಯೋ ತುಂಬಾ ಕ್ಷಿಪ್ರವಾಗಿದೆ. ಕಂಕರೆಂಟ್ ಕ್ಯಾಂಪ್ಯಾಕ್ಟ್ ಗಾರ್ಬೇಜ್ ಕಲೆಕ್ಷ ನ್, ಕೋಡ್ ಲೋಕಲಿಟಿ ಮತ್ತಿತರ ಆಪ್ಷನ್ಗಳು ಲಭ್ಯವಿವೆ.
ಸುಧಾರಿತ ಬ್ಯಾಟರಿ ಸಾಮರ್ಥ್ಯ
ಸ್ಕ್ರೀನ್ನ ಹಿಂಬದಿಯ ಅಪ್ಲಿಕೇಷನ್ಗಳ ಗತಿ ಸೀಮಿತವಾಗುತ್ತವೆ. ಅದರೊಂದಿಗೆ ವೈ-ಫೈ ಸ್ಕ್ಯಾನ್ ಫಾಸ್ಟ್ ಆಗಿರುವುದಿಲ್ಲ. ಹಾಗಾಗಿ ಡೇಟಾ ಬಳಕೆಯಲ್ಲಿ ಸುಧಾರಣೆಯಾಗುತ್ತದೆ. ಬ್ಯಾಟರಿ ಸಾಮರ್ಥ್ಯವೂ ಸುಧಾರಿಸುತ್ತದೆ.
ಪಿನ್ ಆ್ಯಪ್ ಶಾರ್ಟ್ಕಟ್ಗಳು
ಹೊಸ ಆಪ್ಷನ್ನಿಂದಾಗಿ ಬಳಕೆದಾರರು ಸುಲಭವಾಗಿ ಶಾರ್ಟ್ಕಟ್ಗಳನ್ನು ಕ್ರಿಯೇಟ್ ಮಾಡಿಕೊಳ್ಳಬಹುದು.
ಆಟೋಫಿಲ್ ಫ್ರೇಂವರ್ಕ್
ಪಾಸ್ವರ್ಡ್ ಸಿಂಕ್ರೊನೈಸೇಷನ್ ಸುಲಭವಾಗಿದೆ. ಆದರೆ ಎಷ್ಟು ಆ್ಯಪ್ಗಳು ಈ ಫೀಚರ್ನೊಂದಿಗೆ ಹೊಂದಿಕೊಳ್ಳುತ್ತವೆ ಅನ್ನೋದು ಕಾದು ನೋಡಬೇಕಾದ ಸಂಗತಿ.
ಹೊಸ ಹೋಂಸ್ಕ್ರೀನ್
ಆ್ಯಂಡ್ರಾಯ್ಡ್ ಟೀವಿಗೇ ಅಂತಾನೇ ಹೊಸ ಹೋಂಸ್ಕ್ರೀನ್ ಅಳವಡಿಸಲಾಗಿದೆ. ಅದರಿಂದಾಗಿ ಹುಡುಕುವಿಕೆ, ಪ್ರಿವ್ಯೂ ಮತ್ತು ಕಂಟೆಂಟ್ ವಾಚಿಂಗ್ ಸುಲಭವಾಗಿದೆ.
ಎಮೋಜಿಗಳ ಸುಧಾರಣೆ
ಎಮೋಜಿಗಳ ಬಳಕೆ ಹೆಚ್ಚುತ್ತಿದೆ. ಅದರ ಹಿನ್ನೆಲೆಯಲ್ಲೇ ಎಮೋಜಿಗಳ ಆಯ್ಕೆ, ವಿನ್ಯಾಸವೂ ಹೆಚ್ಚಿದೆ. ಬಳಕೆದಾರರ ಸ್ನೇಹಿಯಾಗಿದೆ.
ಅಡಾಪ್ಟಿವ್ ಐಕಾನ್ಗಳು
ಚೌಕ, ವರ್ತುಲ ಅಥವಾ ಇತರೆ ಐಕಾನ್ಗಳನ್ನು ಹೊಸ ಒಎಸ್ನಲ್ಲಿ ನೋಡಬಹುದು. ಅದರೊಂದಿಗೆ ಐಕಾನ್, ಲಾಂಚರ್ಗಳು, ಶಾರ್ಟ್ಕಟ್ ಮತ್ತು ಸೆಟ್ಟಿಂಗ್ ಆಪ್ಷನ್ಗಳಿವೆ.
ಅಪ್ಡೇಟ್ ಮಾಡಿಕೊಳ್ಳುವ ಮುನ್ನ
- ಬ್ಯಾಕ್ಅಪ್ ಆಪ್ಷನ್ ಒಮ್ಮೆ ಪರಿಶೀಲಿಸಿ
- ಸ್ಮಾರ್ಟ್ಫೋನ್ ನಲ್ಲಿರುವ ಡಿವೈಸ್ ಸೆಟ್ಟಿಂಗ್ಸ್ ಗೆ ಹೋಗಿ
- ಎಬೌಟ್ ಫೋನ್ ಎನ್ನುವ ಐಕಾನ್ ಮೇಲೆ ಕ್ಲಿಕ್ ಮಾಡಿ ಅದರಲ್ಲಿರುವ ಡಿವೈಸ್ ಇನ್ಫರ್ಮೇಷನ್ ಸ್ಕ್ರೀನ್ ಸೆಲೆಕ್ಟ್ ಮಾಡಿಕೊಳ್ಳಿ.
- ಸಿಸ್ಟಂ ಅಪ್ಡೇಟ್ ಆಪ್ಷನ್ ಆಯ್ಕೆ ಮಾಡಿಕೊಳ್ಳಿ.
- ಚೆಕ್ನೌ ಐಕಾನ್ ಮೇಲೆ ಕ್ಲಿಕ್ ಮಾಡಿ
- ರಿಸ್ಟಾರ್ಟ್ ಮತ್ತು ಇನ್ಸ್ಟಾಲ್ ಬಟನ್ ಒತ್ತಿರಿ.
(ಪೂರಕ ಮಾಹಿತಿ : ರಾಬಿನ್ ಸಿನ್ಹ, ಟೈಮ್ಸ್ ಆಫ್ ಇಂಡಿಯಾ)