0 ಯಿಂದ 5 ವರ್ಷದೊಳಗಿನ ಮಕ್ಕಳಿಗೆ ಆಧಾರ್ ಕಾರ್ಡ್​ ಮಾಡಿಸುವುದು ಹೇಗೆ?

ಭಾರತದ ಪ್ರತಿಯೊಬ್ಬ ಪ್ರಜೆಯು ಆಧಾರ್ ಕಾರ್ಡ್‌ ಮಾಡಿಸುವುದು ಕಡ್ಡಾಯವಾಗಿದೆ. ಅದೇ ರೀತಿ ಮಕ್ಕಳಿಗೂ ಸಹ ಆಧಾರ್ ಮಾಡಿಸುವುದು ಕಡ್ಡಾಯ ಎಂದು ಸರ್ಕಾರ ಹೇಳಿದೆ. ಆದರೆ 5 ವರ್ಷದ ಒಳಗಿನ ಮಕ್ಕಳಿಗೆ ಆಧಾರ್ ಕಾರ್ಡ್ ಮಾಡಿಸುವ ಸಾಧ್ಯತೆಗಳು ಕಡಿಮೆ. ಈ ನಿಟ್ಟಿನಲ್ಲಿ ಚಿಕ್ಕ ಮಕ್ಕಳಿಗಾಗಿಯೇ ಭಾರತೀಯ ವಿಶಿಷ್ಟ ಗುರುತಿನ ಪ್ರಾಧಿಕಾರ (ಯುಐಡಿಎಐ) ಬಯೋಮೆಟ್ರಿಕ್ ರಹಿತ ನೀಲಿ ಬಣ್ಣದ ಬಾಲ ಆಧಾರ್ ಕಾರ್ಡ್ ವ್ಯವಸ್ಥೆಯನ್ನು ಜಾರಿ ಮಾಡಿದೆ.

ಆದರೆ ಯುಐಡಿಎಐ ಈಗ ಹೊಸ ನಿಯಮ ತಿಳಿಸಿದ್ದು, ಮಗು 5ನೇ ವಯಸ್ಸಿನಲ್ಲಿದ್ದಾಗ ಬಯೋಮೆಟ್ರಿಕ್ ಕಡ್ಡಾಯ ಎಂದಿದೆ. ನೀಲಿ ಬಣ್ಣದ ಬಾಲ ಆಧಾರ್ ಕಾರ್ಡ್‌ಗೆ ಮಗುವಿನ ಕಣ್ಣುಗಳು, ಬೆರಳ ಗುರುತಿನ ಬಯೋಮೆಟ್ರಿಕ್ ಅಗತ್ಯ ಇರುವುದಿಲ್ಲ. ಆದರೆ ಮಗು 5 ವರ್ಷ ಆದಾಗ ಒಮ್ಮೆ ಬಯೋಮೆಟ್ರಕ್ ಮಾಡಿಸುವುದು ಕಡ್ಡಾಯ. ಹಾಗೂ ಮಗುವಿಗೆ 15 ವರ್ಷ ಆದಾಗ ಮತ್ತೊಮ್ಮೆ ಬಯೋಮೆಟ್ರಿಕ್ ಮಾಡಿಸಬೇಕು ಎಂದು ಯುಐಡಿಎಐ ಹೇಳಿದೆ.

ಬೊಂಬಾಟ್ ಫೀಚರ್ ನೀಡಲು ಮುಂದಾದ ವಾಟ್ಸ್ಆ್ಯಪ್: ಹೊಸ ಅಪ್ಡೇಟ್ ಏನು?

ನಿಮ್ಮ ಮಗುವಿನ ಆಧಾರ್ ಕಾರ್ಡ್(Aadhaar)ಮಾಡಲು ಬಯಸುವುದಾದರೆ, ಅದಕ್ಕಾಗಿ ನೀವು ಕೆಲದಾಖಲೆಗಳನ್ನು ಹೊಂದಿರಬೇಕು. ಮಕ್ಕಳ ಆಧಾರ್ ಕಾರ್ಡ್ ಮಾಡಿಸುವ ಪ್ರಕ್ರಿಯೆಯಲ್ಲಿ ಎರಡು ವಿಭಾಗಗಳನ್ನು ಮಾಡಲಾಗಿದೆ. ಮೊದಲ ವಿಭಾಗದಲ್ಲಿ, 5 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮಕ್ಕಳನ್ನು ಇರಿಸಲಾಗಿದ್ದು, ಎರಡನೇ ವಿಭಾಗದಲ್ಲಿ 5 ರಿಂದ 15 ವರ್ಷದೊಳಗಿನ ಮಕ್ಕಳ ಆಧಾರ್ ಕಾರ್ಡ್‌ಗಳನ್ನಾಗಿ ಮಾಡಲಾಗುತ್ತದೆ.

5 ವರ್ಷದ ಒಳಗಿನ ಮಕ್ಕಳ ಆಧಾರ್ ಕಾರ್ಡ್ ಮಾಡಿಸಲು ಬೇಕಾದ ದಾಖಲೆಗಳು :

• ಮಗುವಿನ ಜನನ ಪ್ರಮಾಣಪತ್ರ (Birth Certificate), ಅಥವಾ ಜನನದ ವೇಳೆ ಆಸ್ಪತ್ರೆಯಿಂದ (Hospital) ನೀಡಿದ ಡಿಸ್ಚಾರ್ಜ್ ಕಾರ್ಡ್ ಅಥವಾ ಆಸ್ಪತ್ರೆಯಿಂದ ನೀಡಲ್ಪಟ್ಟ ಸ್ಲಿಪ್
• ಪೋಷಕರಲ್ಲಿ ಒಬ್ಬರ ಆಧಾರ್ ಕಾರ್ಡ್
• ಮಗುವಿನ ಆಧಾರ್ ಮಾಡಿಸುವ ವೇಳೆಎಲ್ಲಾ ದಾಖಲೆಗಳಮೂಲ ಪ್ರತಿಯನ್ನು ನಿಮ್ಮೊಂದಿಗೆ ತೆಗೆದುಕೊಳ್ಳಿ.

ಬಳಕೆದಾರರಿಗಾಗಿ ಗೂಗಲ್ ಪೇ ಯಿಂದ ವಿನೂತನ ಫೀಚರ್: ಏನದು ಗೊತ್ತೇ?

5 ರಿಂದ 15 ವರ್ಷದ ಮಕ್ಕಳ ಆಧಾರ್ಗೆ ಬೇಕಾಗುವ ದಾಖಲೆಗಳು:

• ಜನನ ಪ್ರಮಾಣಪತ್ರ
• ಶಾಲೆಯ ಗುರುತಿನ ಚೀಟಿ(School ID Card)
• ಶಾಲೆಯ ಗುರುತಿನ ಚೀಟಿ ಜೊತೆಗೆಶಾಶ್ವತ ವಿಳಾಸ ಪ್ರಮಾಣಪತ್ರ

ಆನ್‌ಲೈನ್‌ನಲ್ಲಿ ಬಾಲ ಆಧಾರ್ ಕಾರ್ಡ್ ರಿಜಿಸ್ಟರ್ ಮಾಡುವುದು ಹೇಗೆ?:

ನೀಲಿ ಬಣ್ಣದ ಬಾಲ ಆಧಾರ್ ಕಾರ್ಡ್ ಮಾಡಿಸಲು ಆನ್‌ಲೈನ್‌ ನಲ್ಲಿ ರಿಜಿಸ್ಟರ್ ಮಾಡಿಸುವುದಕ್ಕೆ ಅವಕಾಶ ನೀಡಲಾಗಿದೆ. ಆಧಾರ್‌ ಸೆಂಟರ್‌ಗೆ ಭೇಟಿ ಮಾಡುವ ದಿನವನ್ನು ಆನ್‌ಲೈನ್‌ನಲ್ಲಿಯೇ ನಿಗದಿ ಮಾಡಿಕೊಳ್ಳಬಹುದಾಗಿದೆ. ಅದಕ್ಕಾಗಿ ಪಾಲಕರು ಈ ಮುಂದಿನ ಹಂತಗಳನ್ನು ಅನುಸರಿಸಿರಿ.

22 ನಿಮಿಷದಲ್ಲಿ ಫುಲ್ ಚಾರ್ಜ್ ಆಗೋ ಮೊಬೈಲ್ ಬೇಕಿದ್ದರೆ ಇಂದೇ ಬುಕ್ ಮಾಡಿ

• ಅಧಿಕೃತದ UIDAI ವೆಬ್‌ಸೈಟ್‌ಗೆ ತೆರೆಯಿರಿ.
• ವೆಬ್‌ಸೈಟ್‌ಗೆ ಲಾಗ್‌ ಇನ್‌ ಆಗಿ, ಆಧಾರ್ ಕಾರ್ಡ್‌ ರಿಜಿಸ್ಟೆಷನ್ ಲಿಂಕ್ ಒತ್ತಿರಿ.
• ನಂತರ ಪಾಲಕರು ಮೊಬೈಲ್ ನಂಬರ್, ಮೇಲ್ ಐಡಿ ನಮೂದಿಸುವುದು.
• ಆನಂತರ ನಿಮ್ಮ ಜಿಲ್ಲಾ, ರಾಜ್ಯ ಗಳ ಮಾಹಿತಿ ಭರ್ತಿ ಮಾಡುವುದು.
• ಮುಂದೆ Fix Appointment tab ಅನ್ನು ಸೆಲೆಕ್ಟ್ ಮಾಡಿರಿ. ಮತ್ತು ನಿಮ್ಮ ಹತ್ತಿರದ ಆಧಾರ್ ಸೆಂಟರ್ ಸೆಲೆಕ್ಟ್ ಮಾಡಿ.
• ನಿಗದಿತ ದಿನಾಂಕದಂದು ಅಗತ್ಯ ದಾಖಲೆಗಳೊಂದಿಗೆ ಆಧಾರ್ ಸೆಂಟರ್‌ಗೆ ಭೇಟಿ ನೀಡಿ.