WhatsApp: ಆಂಡ್ರಾಯ್ಡ್‌ಗೂ ಬೆರಳಚ್ಚು ಲಾಕ್

ವಾಟ್ಸಪ್ ಚಾಟ್‌ಗಳನ್ನು ನಾವು ತೀರಾ ಖಾಸಗಿಯೆಂದು ಭಾವಿಸುತ್ತೇವೆ. ಅದನ್ನು ಮತ್ತೊಬ್ಬರು ಕದ್ದು ನೋಡುವುದು, ಓದುವುದು ನಮಗೆ ಇಷ್ಟವಾಗುವುದಿಲ್ಲ.

ಫೋನ್‌ಗೆ ಲಾಕ್ ಇದ್ದರೂ, ವಾಟ್ಸಪ್‌ಗೆ ಆ್ಯಪ್ ಲಾಕ್ ಇಲ್ಲದಿದ್ದರೆ, ಫೋನ್ ಅನ್‌ಲಾಕ್ ಆಗಿದ್ದಾಗ, ಅದನ್ನು ಮತ್ತೊಬ್ಬರು ಕದ್ದು ಓದಲು ಸಾಧ್ಯವಿದೆ. ಅಂತಹ ಸಮಸ್ಯೆಯಿಂದ ಪಾರಾಗಲು ವಾಟ್ಸಪ್‌ ಆಂಡ್ರಾಯ್ಡ್ ಬಳಕೆದಾರರಿಗೆ ಹೊಸ ಫೀಚರ್ ಪರಿಚಯಿಸುತ್ತಿದೆ.

ಫಿಂಗರ್‌ಪ್ರಿಂಟ್ ಲಾಕ್ ಆಯ್ಕೆಯನ್ನು ಆಂಡ್ರಾಯ್ಡ್ ಬೀಟಾ ಬಳಕೆದಾರರಿಗೆ ಒದಗಿಸಲಾಗಿದ್ದು, ಮುಂದೆ ಎಲ್ಲ ಬಳಕೆದಾರರಿಗೆ ಲಭ್ಯವಾಗಲಿದೆ. ಈಗಾಗಲೇ ಐಫೋನ್ ಬಳಕೆದಾರರಿಗೆ ಹೊಸ ಆಯ್ಕೆ ಲಭ್ಯವಾಗಿದೆ.

ಬೀಟಾ ಆವೃತ್ತಿಯಲ್ಲಿ ಹೊಸ ಆಯ್ಕೆ ಬಳಕೆ ಹೇಗೆ?
ವಾಟ್ಸಪ್ ಬೀಟಾ 2.19.221 ಆವೃತ್ತಿ ಡೌನ್‌ಲೋಡ್ ಮಾಡಿಕೊಳ್ಳಿ,
ವಾಟ್ಸಪ್‌ ಸೆಟ್ಟಿಂಗ್ಸ್-ಅಕೌಂಟ್-ಪ್ರೈವೆಸಿ- ಫಿಂಗರ್‌ಪ್ರಿಂಟ್ ಲಾಕ್ ಫೀಚರ್ ಆಯ್ಕೆ ಮಾಡಿ.
ಬಳಿಕ ಅದನ್ನು ಎನೇಬಲ್ ಮಾಡಿ.
ನಿಮ್ಮ ಫಿಂಗರ್‌ಪ್ರಿಂಟ್ ಅನ್ನು ಸೇರಿಸಿ, ದೃಢೀಕರಿಸಿ.
ನಂತರ, ಅಟೊಮ್ಯಾಟಿಕಲಿ ಲಾಕ್ ಆಯ್ಕೆ ಬಳಸಿ, ಬೇಕಾದ ಸಮಯಕ್ಕೆ ಲಾಕ್ ಸೆಟ್ ಮಾಡಿ.