ಉಚಿತ ಸೇವೆ ನಿಲ್ಲಿಸಿದ ಗೂಗಲ್ ಫೋಟೋಸ್: ಇಲ್ಲಿವೆ ಪರ್ಯಾಯ ಆ್ಯಪ್ ಗಳು

ಜನಪ್ರಿಯ ಸರ್ಚ್‌ ಇಂಜಿನ್‌ ದೈತ್ಯ ಗೂಗಲ್ ತನ್ನ ಜನಪ್ರಿಯ ಗೂಗಲ್ ಫೋಟೋಸ್‌ ನಲ್ಲಿ ಉಚಿತ ಸ್ಥಳಾವಕಾಶವನ್ನು ಇಂದಿನಿಂದ ನಿಷೇಧಿಸಿದೆ. ಜೂನ್‌ 1 ರಿಂದ ತನ್ನ ಗೂಗಲ್ ಫೋಟೋಸ್‌ ನಲ್ಲಿ ಅನಿಯಮಿತ ಉಚಿತ ಸ್ಟೋರೇಜ್ ಸ್ಥಳಾವಕಾಶ ನಿಲ್ಲಿಸಲಿದೆ. ಇನ್ಮುಂದೆ ಗೂಗಲ್ ಪೋಟೋಸ್ ಸ್ಟೋರೇಜ್ ಬಳಸಬೇಕಾದರೆ ಹಣ ಪಾವತಿಸಬೇಕಿದೆ.

ಇವರೆಗೆ ಗೂಗಲ್ ತನ್ನ ಬಳಕೆದಾರರಿಗೆ ಗೂಗಲ್ ಫೋಟೋಸ್ ಖಾತೆಯಲ್ಲಿ 15 ಜಿಬಿ ಉಚಿತ ಸ್ಟೋರೇಜ್ ಅವಕಾಶ ನೀಡಿತ್ತು. ಇದರಲ್ಲಿ ಅಧಿಕ ಕ್ವಾಲಿಟಿಯ ಫೋಟೋ, ವಿಡಿಯೋ ಶೇರ್ ಮಾಡುವ ಆಯ್ಕೆಯನ್ನೂ ನೀಡಿತ್ತು. ಆದರೆ, ನಿಮ್ಮ ಖಾತೆಯ 15 ಜಿಬಿ ಸ್ಟೋರೇಜ್ ಇನ್ನೂ ಬಾಕಿಯಿದ್ದರೆ ತೊಂದರೆಯಿಲ್ಲ. ಯಾರ ಖಾತೆಯ 15 ಜಿಬಿ ಕೋಟಾ ಈಗಾಗಲೇ ಖಾಲಿಯಾಗಿದ್ದರೆ ಅವರು ಹಣ ನೀಡಬೇಕಿದೆ.

ಬಂಪರ್ ಡಿಸ್ಕೌಂಟ್ ನೊಂದಿಗೆ ಇಂದಿನಿಂದ ಖರೀದಿಗೆ ಸಿಗಲಿದೆ ಈ ಸ್ಮಾರ್ಟ್ ಫೋನ್

ಇದೇ ಕಾರಣಕ್ಕೆ ಸದ್ಯ ಅನೇಕರು ಗೂಗಲ್ ಫೋಟೋಸ್ ಸ್ಟೊರೇಜ್ ನಿಂದ ಹಿಂದೆ ಸರಿದು ಬೇರೆ ಸ್ಟೊರೇಜ್ ಆಯ್ಕೆಗಳತ್ತ ಚಿತ್ತ ಹರಿಸಿದ್ದಾರೆ. ಅದರಂತೆ ಗೂಗಲ್ ಫೋಟೋಸ್ ಪರ್ಯಾವಾಗಿ ಇರುವ ಸ್ಟೊರೇಜ್ ಆಯ್ಕೆಯನ್ನು ನೋಡುವುದಾದರೆ…

Microsoft OneDrive: ಗೂಗಲ್ ಫೋಟೋಗಳಿಗೆ ಪರ್ಯಾಯವಾಗಿ ಒನ್ಡ್ರೈವ್ ಬಳಸಬಹುದಾಗಿದೆ. ಫೋಟೋ ಸಂಗ್ರಹಣೆಗಾಗಿ ಗ್ಯಾಲರಿ ವೀಕ್ಷಣೆ ಆಯ್ಕೆ ಇದರಲ್ಲಿದೆ ಮತ್ತು ಸ್ವಯಂಚಾಲಿತ ಇಮೇಜ್ ಟ್ಯಾಗಿಂಗ್ಗಾಗಿ ಒಂದು ವೈಶಿಷ್ಟ್ಯ ನೀಡಲಾಗಿದೆ. ಇದರ ಜತೆಗೆ ಇತರ ಮೈಕ್ರೋಸಾಫ್ಟ್ ಸೇವೆಗಳನ್ನು ಸಹ ನೀಡಲಿದೆ. ಮೈಕ್ರೋಸಾಫ್ಟ್‌ ಒನ್‌ ಡ್ರೈವ್‌ ನಲ್ಲಿ 100GBಸ್ಟೋರೇಜ್‌ ಪ್ಲಾನ್‌ ಪಡೆದಯಲು ತಿಂಗಳಿಗೆ 140 ರೂ. ನೀಡಬೇಕಾಗುತ್ತದೆ. ಅಲ್ಲದೆ 365 ದಿನಗಳ ವೈಯಕ್ತಿಕ ಯೋಜನೆಗೆ ತಿಂಗಳಿಗೆ 489 ರೂ. ನೀಡಬೇಕಾಗುತ್ತದೆ.

ಅತಿ ಕಡಿಮೆ ಬೆಲೆಯ Realme C25s ಬಿಡುಗಡೆಗೆ ದಿನಾಂಕ ಫಿಕ್ಸ್: ಬೆಲೆ?, ಏನು ವಿಶೇಷತೆ?

Apple iCloud and Apple One: ಆ್ಯಪಲ್ ಪ್ರಾಡೆಕ್ಟ್ ಬಳಸುತ್ತಿದ್ದರೆ ಐಕ್ಲೌಡ್ ಪ್ಲಾನ್ ಅಥವಾ ಆ್ಯಪಲ್ ಒನ್ ಆಯ್ಕೆಗೆ ತೆರಳಬಹುದು. ಆ್ಯಪಲ್ ಒನ್ ಐಕ್ಲೌಡ್ ಸ್ಟೊರೇಜ್ ಮತ್ತು ಆ್ಯಪಲ್ ಆರ್ಕೇಡ್, ಟಿವಿ+ ಮತ್ತು ಮ್ಯೂಸಿಕ್ ಒದಗಿಸುತ್ತದೆ. ಅಂದಹಾಗೆಯೇ 50ಜಿಬಿ ಬಳಸುವವರು 75 ರೂ ನೀಡಬೇಕು. 200ಜಿಬಿಗೆ 219 ರೂ, 2ಟಿಬಿ ಬಳಸಲು 749 ರೂ.ಗೆ ಐಕ್ಲೌಟ್ ಸ್ಟೊರೇಜ್ ಪ್ಲಾನ್ ಸಿಗಲಿದೆ.

Amazon Photos: ಗೂಗಲ್ ಫೋಟೋಸ್ಗೆ ಪರ್ಯಾವಾಗಿ ಅಮೆಜಾನ್ ಫೋಟೋಸ್ ಆಯ್ಕೆ ಉತ್ತಮವಾಗಿದೆ. ಇದರ ಮೂಲಕ ಎಡಿಟಿಂಗ್, ಶೇರಿಂಗ್ ಮಾತ್ರವಲ್ಲದೆ 5 ಕುಟುಂಬ ಸದಸ್ಯರೊಂದಿಗೆ ಹಂಚಿಕೊಳ್ಳಬಹುದಾಗಿದೆ. ಅಮೆಜಾನ್ ಫೋಟೋಸ್ ಬಳಕೆದಾರು 100ಜಿಬಿಗಾಗಿ ತಿಂಗಳಿಗೆ 150 ರೂ ನೀಡಬೇಕು. ಅಮೆಜಾನ್‌ ಫೋಟೋಸ್‌, ಅಮೆಜಾನ್ ಪ್ರೈಮ್ ಸದಸ್ಯತ್ವದೊಂದಿಗೆ ಸೇರಿಕೊಳ್ಳುತ್ತದೆ.

BSNL ನಿಂದ ಬಂಪರ್ ಆಫರ್ ಹೊಂದಿರುವ 499 ರೂ. ಹೊಸ ಪ್ಲಾನ್ ಬಿಡುಗಡೆ

DigiBoxx: ಇದರ ಮೂಲಕ 20ಜಿಬಿ ಉಚಿತವಾಗಿ ನೀಡುತ್ತಿದೆ. ಮಾತ್ರವಲ್ಲದೆ ಎಂಟು-ಟು ಎಂಡ್ ಎನ್ಕ್ರಿಪ್ಟ್ ನಂತರ ವೈಶಿಷ್ಟ್ಯ ಹೊಂದಿದೆ ಮತ್ತು ಜಿಮೇಲ್ ಸಹ ಬೆಂಬಲಿಸುತ್ತದೆ. DigiBoxx ಬಳಕೆದಾರರು 100ಜಿಬಿ ಶೇಖರಿಸಲು ತಿಂಗಳಿಗೆ 30 ರೂ ನೀಡಬೇಕಿದೆ. ಅಂತೆಯೇ 5ಟಿಬಿಗಾಗಿ ರೂ.360 ವ್ಯಯಿಸಬೇಕಿದೆ.