SmartPhone Offer: ಫ್ಲಿಪ್‌ಕಾರ್ಟ್ ಮತ್ತು ಅಮೆಜಾನ್ ಹಬ್ಬದ ಡಿಸ್ಕೌಂಟ್ ಪಡೆಯಿರಿ

ಫ್ಲಿಪ್‌ಕಾರ್ಟ್‌ನ ಬಿಗ್‌ ಬಿಲಿಯನ್ ಡೇ ಆಫರ್ ಸೇಲ್ ಮತ್ತು ಅಮೆಜಾನ್ ಗ್ರೇಟ್ ಇಂಡಿಯನ್ ಫೆಸ್ಟಿವಲ್ ಸೇಲ್ ಎರಡೂ ಸೇಲ್ ಏಕಕಾಲಕ್ಕೆ ಬಂದಿದೆ. ಸೆ. 29ರ ಭಾನುವಾರದಿಂದ ಆರಂಭವಾಗುವ ವಿಶೇಷ ಹಬ್ಬದ ಮಾರಾಟ, ಅ. 4ರವರೆಗೆ ಇರಲಿದೆ. ಜತೆಗೇ ಶವೋಮಿ ಎಂಐ ವಿತ್ ದಿವಾಲಿ ಸೇಲ್ ಹಾಗೂ ಪೇಟಿಎಂ ಕ್ಯಾಶ್‌ಬ್ಯಾಕ್ ಕಾರ್ನಿವಲ್ ಕೂಡ ನಡೆಯುತ್ತಿದೆ.

ಈ ಎಲ್ಲ ಹಬ್ಬಗಳ ವಿಶೇಷ ಮಾರಾಟದಲ್ಲಿ ಗ್ರಾಹಕರಿಗೆ ಆಕರ್ಷಕ ದರ ಕಡಿತ, ಡಿಸ್ಕೌಂಟ್, ಕ್ಯಾಶ್‌ಬ್ಯಾಕ್ ಮತ್ತು ಎಕ್ಸ್‌ಚೇಂಜ್ ಪ್ರಯೋಜನಗಳು ದೊರೆಯಲಿವೆ. ಅವುಗಳನ್ನು ಪಡೆಯುವುದು ಹೇಗೆ ಮತ್ತು ಗರಿಷ್ಠ ಉಳಿತಾಯ ಪ್ರಯೋಜನ ಕುರಿತು ಇಲ್ಲಿ ವಿವರಿಸಲಾಗಿದೆ.

ವಿವಿಧ ಇ ಕಾಮರ್ಸ್ ತಾಣಗಳ ಕೊಡುಗೆಯಿಂದ ಗ್ರಾಹಕರಿಗೆ ಪ್ರಯೋಜನವಾಗಲಿದೆ. ಜತೆಗೆ ಅಮೆಜಾನ್, ಫ್ಲಿಪ್‌ಕಾರ್ಟ್, ಎಂಐ ಮತ್ತು ಪೇಟಿಎಂ ಜತೆ ಸಹಯೋಗ ಹೊಂದಿರುವ ಬ್ಯಾಂಕ್, ಫೈನಾನ್ಸ್ ಕಾರ್ಡ್‌ಗಳಿಂದವೂ ಅಧಿಕ ಉಳಿತಾಯ ಸಾಧ್ಯವಾಗುತ್ತದೆ.

ಬೆಸ್ಟ್ ಆಫರ್ ಕೊಡುಗೆ ಪಡೆಯಲು ಈ ಟಿಪ್ಸ್
ಪೇಟಿಎಂ ಮತ್ತು ಶವೋಮಿ ಜತೆ ಎಚ್‌ಡಿಎಫ್‌ಸಿ ಸಹಯೋಗ ಹೊಂದಿದ್ದು, ಶೇ. 10 ಡಿಸ್ಕೌಂಟ್ ಮತ್ತು ಬೋನಸ್ ಆಫರ್‌ಗಳು ಇರುತ್ತವೆ. ಅದಕ್ಕೂ ಹೊರತಾಗಿ ಬೆಸ್ಟ್ ಆಫರ್ ಮತ್ತು ಅತ್ಯಧಿಕ ಡಿಸ್ಕೌಂಟ್ ನಿಮ್ಮದಾಗಿಸಿಕೊಳ್ಳಲು ಟಿಪ್ಸ್ ಇಲ್ಲಿದೆ.

ಅಮೆಜಾನ್‌ ಜತೆ ಎಸ್‌ಬಿಐ ಡೆಬಿಟ್ ಮತ್ತು ಕ್ರೆಡಿಟ್‌ ಕಾರ್ಡ್ ಸಹಯೋಗ ಹೊಂದಿದೆ.

ಫ್ಲಿಪ್‌ಕಾರ್ಟ್‌ ಜತೆ ಆಕ್ಸಿಸ್‌ ಬ್ಯಾಂಕ್ ಡೆಬಿಟ್ ಮತ್ತು ಕ್ರೆಡಿಟ್, ಐಸಿಐಸಿಐ ಕ್ರೆಡಿಟ್ ಕಾರ್ಡ್ ಒಪ್ಪಂದ ಮಾಡಿಕೊಂಡಿದೆ. ಹೀಗಾಗಿ ಆಯಾ ಇ ಕಾಮರ್ಸ್ ತಾಣ ಪ್ರವೇಶಿಸಿ, ಶಾಪಿಂಗ್ ಮಾಡುವಾಗ ಈ ಅಂಶವನ್ನು ಗಮನದಲ್ಲಿರಿಸಿಕೊಂಡರೆ, ಅಧಿಕ ಉಳಿತಾಯ ಮಾಡಬಹುದು. ಜತೆಗೆ ಶೇ. 10ರವರೆಗೆ ಇನ್‌ಸ್ಟಂಟ್ ಡಿಸ್ಕೌಂಟ್‌ನ ಪ್ರಯೋಜನ ಪಡೆಯಬಹುದು.

ಫ್ಲಿಪ್‌ಕಾರ್ಟ್ ಮತ್ತು ಅಮೆಜಾನ್, ಪೇಟಿಎಂ ಆ್ಯಪ್ ಡೌನ್‌ಲೋಡ್ ಮಾಡಿ. ಆ್ಯಪ್‌ನಲ್ಲಿ ಬೆಸ್ಟ್ ಆಫರ್ ದೊರೆಯುತ್ತದೆ.

ಆ್ಯಪ್‌ ನೋಟಿಫಿಕೇಶನ್ ಅನ್ನು ಸೇಲ್ ಅವಧಿಯಲ್ಲಿ ಆನ್ ಇಟ್ಟಿರಿ, ಇದರಿಂದ ನಿಮಗೆ ಬೆಸ್ಟ್ ಆಫರ್ ಕುರಿತು ನೋಟಿಫಿಕೇಶನ್ ಬರಬಹುದು.

ಖರೀದಿಸಲು ಉದ್ದೇಶಿಸಿರುವ ಉತ್ಪನ್ನವನ್ನು ಮೊದಲೇ ಕಾರ್ಟ್‌ನಲ್ಲಿ ಹಾಕಿ. ಇದರಿಂದ ಸೇಲ್ ಆರಂಭವಾಗುತ್ತಲೇ ಖರೀದಿಗೆ ಅನುಕೂಲ. ಜತೆಗೆ ವಿಶ್‌ಲಿಸ್ಟ್‌ ಮಾಡಿ ಇಟ್ಟರೂ ಪ್ರಯೋಜನವಾಗುತ್ತದೆ.

OnePlus 7T: ಬಂದಿದೆ ಒನ್‌ಪ್ಲಸ್ ಹೊಸ ಫೋನ್

ಈಗಾಗಲೇ ಫ್ಲಿಪ್‌ಕಾರ್ಟ್, ಅಮೆಜಾನ್ ವಿವಿಧ ಆಫರ್ ಕುರಿತು ಪ್ರಕಟಿಸಿದೆ. ಅವುಗಳನ್ನು ನೋಡಿಕೊಂಡರೆ, ಖರೀದಿಗೆ ನಿರ್ಧಾರ ಮಾಡಬಹುದು.

ಕೆಲವು ಫ್ಲ್ಯಾಶ್ ಮತ್ತು ಲೈಟನಿಂಗ್ ಡೀಲ್‌ಗಳು ನಿಗದಿತ ಅವಧಿಯಲ್ಲಿ ಮಾತ್ರ, ಹೀಗಾಗಿ ಅಲ್ಲಿ ಅಧಿಕ ಆಫರ್ ಲಭ್ಯ.

ಆ್ಯಪ್‌ ಓನ್ಲಿ ಎಂದಿರುವ ಕೊಡುಗೆಗಳು ಆ್ಯಪ್‌ ಮೂಲಕ ಮಾತ್ರ ದೊರೆಯುತ್ತವೆ ಹೀಗಾಗಿ ಮಿಸ್ ಮಾಡಿಕೊಳ್ಳಬೇಡಿ.

ನಿಮ್ಮ ಕ್ರೆಡಿಟ್, ಡೆಬಿಟ್ ಕಾರ್ಡ್, ಯುಪಿಐ ಹಾಗೂ ಡೆಲಿವರಿ ವಿಳಾಸವನ್ನು ಮೊದಲೇ ಎಂಟರ್ ಮಾಡಿ, ಸೇವ್ ಮಾಡಿಟ್ಟುಕೊಳ್ಳುವುದು ಕೂಡ ಅನುಕೂಲ.

Paytm Mall: ಹಬ್ಬದ ಪ್ರಯುಕ್ತ ಮಹಾ ಕ್ಯಾಶ್ ಬ್ಯಾಕ್ ಸೇಲ್

ಕೆಲವೊಂದು ಆಯ್ದ ಉತ್ಪನ್ನಗಳ ಮೇಲೆ ಇ ಕಾಮರ್ಸ್ ತಾಣ ಮಾತ್ರವಲ್ಲದೆ, ಕಂಪನಿಗಳು ಕೂಡ ವಿಶೇಷ ಡೀಲ್‌ ಪ್ರಕಟಿಸಿರುತ್ತವೆ.

ಅಮೆಜಾನ್‌ ಪೇ, ಪೇಟಿಎಂ ವ್ಯಾಲೆಟ್, ಫ್ಲಿಪ್‌ಕಾರ್ಟ್‌ ಫೋನ್‌ ಪೇ ಖಾತೆಯಲ್ಲಿ ಹಣ ಜಮೆ ಮಾಡಿಟ್ಟುಕೊಂಡರೆ, ಸೇಲ್ ಸಂದರ್ಭ ತ್ವರಿತ ಪಾವತಿಗೆ ಅನುಕೂಲ.

ಫ್ಲಿಪ್‌ಕಾರ್ಟ್ ಪ್ಲಸ್ ಮತ್ತು ಅಮೆಜಾನ್ ಪ್ರೈಮ್ ಸದಸ್ಯತ್ವವನ್ನು ಪರಿಶೀಲಿಸಿಕೊಳ್ಳಿ, ಯಾಕೆಂದರೆ ಸದಸ್ಯತ್ವ ಹೊಂದಿದ್ದರೆ ಅಧಿಕ ಪ್ರಯೋಜನ, ಫಾಸ್ಟ್ ಡೆಲಿವರಿ, ವಿಶೇಷ ಕೊಡುಗೆ ಲಭ್ಯವಿದೆ.

Diwali with Mi Sale: ಶವೋಮಿ 1 ರೂ. ಫ್ಲ್ಯಾಶ್ ಸೇಲ್