ವಾಟ್ಸ್ಆ್ಯಪ್ ನೋಟಿಫಿಕೇಶನ್ ನಿಂದ ಕಿರಿಕಿರಿ ಆಗುತ್ತಿದ್ದರೆ ಈ ಟ್ರಿಕ್ ಅನುಸರಿಸಿ

ವಾಟ್ಸ್ಆ್ಯಪ್ ವಿಶ್ವದ ಅತ್ಯಂತ ಜನಪ್ರಿಯ ಮೆಸೇಜಿಂಗ್ ಅಪ್ಲಿಕೇಶನ್‌ಗಳಲ್ಲಿ ಒಂದು. ಬಳಕೆದಾರರಿಗೆ ಹಲವು ಅನುಕೂಲಕರ ಫೀಚರ್ಸ್‌ಗಳನ್ನ ಪರಿಚಯಿಸುತ್ತಿದೆ. ಸಾಮಾನ್ಯವಾಗಿ ಎಲ್ಲರಿಗೂ ವಾಟ್ಸ್ಆ್ಯಪ್ಗೆ ಯಾವುದೇ ಸಂದೇಶ ಬಂದರೂ ಡಿಸ್‌ಪ್ಲೇ ಮೇಲೆ ನೋಟಿಫಿಕೇಶನ್ ಬರುತ್ತದೆ. ಆದರೆ, ಕೆಲವರಿಗೆ ಇದು ಕಿರಿಕಿರಿ ಉಂಟುಮಾಡುತ್ತದೆ. ಇಂತಹ ಸಂದರ್ಭದಲ್ಲಿ ವಾಟ್ಸ್ಆ್ಯಪ್ ನೋಟಿಫಿಕೇಶನ್ ಅನ್ನು ಸ್ಟಾಪ್‌ ಮಾಡುವುದಕ್ಕೆ ಕೂಡ ಅವಕಾಶವಿದೆ.

ಹೌದು, ವಾಟ್ಸ್ಆ್ಯಪ್ ಮೂಲಕ ನೀವು ನಿಮ್ಮ ಸಹೋದ್ಯೋಗಿಗಳು, ಗ್ರೂಪ್‌ ಚಾಟ್‌ಗಳನ್ನ ನಡೆಸುವುದರಿಂದ ನಿಮ್ಮ ಫೋನಿನ ಡಿಸ್‌ಪ್ಲೇ ಮೇಲೆ ಈ ಎಲ್ಲಾ ಸಂದೇಶಗಳ ನೋಟಿಫಿಕೇಶನ್ ಬರುತ್ತದೆ. ಆದರೆ ನಿಮ್ಮ ವಾಟ್ಸ್ಆ್ಯಪ್ ನೋಟಿಫಿಕೇಶನ್‌ ಅನ್ನು ಸ್ಟಾಪ್‌ ಕೂಡ ಮಾಡಬಹುದಾಗಿದೆ. ಅದು ಹೇಗೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ದೊಡ್ಡ ಗಾತ್ರದ MB, GB ಫೈಲ್ ಗಳನ್ನು ವಾಟ್ಸ್ಆ್ಯಪ್ನಲ್ಲಿ ಸುಲಭವಾಗಿ ಕಳುಹಿಸಿ: ಹೇಗೆ ಗೊತ್ತೇ?

ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿ ವಾಟ್ಸ್ಆ್ಯಪ್ ಮಾತ್ರವಲ್ಲದೆ, ಪ್ರಸ್ತುತ ಸಂದರ್ಭದಲ್ಲಿ ಹಲವು ಆ್ಯಪ್ಗಳನ್ನು ಬಳಸುತ್ತಿರುವುದರಿಂದ ಅನೇಕ ನೋಟಿಫೀಕೇಶನ್‌ ಡಿಸ್‌ಪ್ಲೇ ಮೇಲೆ ಬರುತ್ತಿರುತ್ತವೆ. ಅದರಲ್ಲು ನಿಮ್ಮ ವಾಟ್ಸ್ಆ್ಯಪ್ ಗ್ರೂಪ್‌ ಚಾಟ್‌ಗಳಿಂದ ಅನೇಕ ನೋಟಿಫಿಕೇಶನ್‌ಗಳು ಬರುತ್ತಿದ್ದರೆ, ಯಾವ ನೋಟಿಫಿಕೇಶನ್‌ ಯಾವುದಕ್ಕೆ ಸಂಬಂಧಿಸಿದೆ ಅನ್ನೊದು ತಿಳಿಯುವುದೇ ಇಲ್ಲ. ಅಲ್ಲದೆ ಡಿಸ್‌ಪ್ಲೇ ತುಂಬಾ ನೋಟಿಫಿಕೇಶನ್‌ಳೇ ತುಂಬಿದ್ದರೆ ಕಿರಿಕಿರಿ ಎನಿಸುವುದು ಕೂಡ ಸಹಜ. ಈ ಕಿರಿಕಿರಿಯಿಂದ ಪಾರಾಗಲು ಸುಲಭ ಮಾರ್ಗವೆಂದರೆ ನೋಟಿಫಿಕೇಶನ್‌ಗಳನ್ನ ಸ್ಟಾಪ್‌ ಮಾಡುವುದು.

ಇದಕ್ಕಾಗಿ ಮೊದಲು ನೀವು ವಾಟ್ಸ್ಆ್ಯಪ್ ತೆರೆಯಿರಿ. ಹೆಚ್ಚಿನ ಆಯ್ಕೆಗಳನ್ನು ಟ್ಯಾಪ್ ಮಾಡಿ. ಸೆಟ್ಟಿಂಗ್‌ಗಳು> ನಂತರ ನೋಟಿಫಿಕೇಶನ್‌ಗಳಿಗೆ ಹೋಗಿ. ಸಂದೇಶ ನೋಟಿಫಿಕೇಶನ್‌ಗಳ ವಿಭಾಗದ ಅಡಿಯಲ್ಲಿ ಶೋ ನೋಟಿಫಿಕೇಶನ್ ಬಟನ್ ಅನ್ನು ಟಾಗಲ್ ಮಾಡಿ. ಹಾಗೆ ಮಾಡುವುದರಿಂದ ವೈಯಕ್ತಿಕ ಚಾಟ್‌ಗಳಲ್ಲಿ ಸಂದೇಶ ಅಧಿಸೂಚನೆಗಳನ್ನು ತೋರಿಸುವುದನ್ನು ವಾಟ್ಸ್ಆ್ಯಪ್ ನಿಲ್ಲಿಸುತ್ತದೆ. ಇದಲ್ಲದೆ ಗ್ರೂಪ್‌ ನೋಟಿಫಿಕೇಶನ್‌ಗಳ ವಿಭಾಗದ ಅಡಿಯಲ್ಲಿ ಶೋ ನೋಟಿಫಿಕೇಶನ್ ಬಟನ್ ಆಫ್ ಮಾಡಿ. ಹಾಗೆ ಮಾಡುವುದರಿಂದ ಗ್ರೂಪ್‌ ಚಾಟ್‌ಗಳಲ್ಲಿ ಸಂದೇಶ ಅಧಿಸೂಚನೆಗಳನ್ನು ತೋರಿಸುವುದನ್ನು ವಾಟ್ಸ್ಆ್ಯಪ್ ನಿಲ್ಲಿಸುತ್ತದೆ.

ಭಾರತದಲ್ಲಿ ಬರೋಬ್ಬರಿ 1 ಕೋಟಿ ಸೇಲ್ ಆದ ಈ ಸ್ಮಾರ್ಟ್ ಫೋನ್ ಯಾವುದು ಗೊತ್ತೇ?

ಇದಕ್ಕೆ ಪರ್ಯಾಯವಾಗಿ, ನೀವು ಶೋ ಪ್ರಿವ್ಯೂ ಬಟನ್ ಅನ್ನು ಟಾಗಲ್ ಮಾಡಬಹುದು. ಹಾಗೆ ಮಾಡುವುದರಿಂದ ನೀವು ಹೊಸ ಸಂದೇಶವನ್ನು ಸ್ವೀಕರಿಸಿದ್ದೀರಿ ಎಂದು ನಿಮಗೆ ತಿಳಿದಿದೆಯೆಂದು ಖಚಿತಪಡಿಸುತ್ತದೆ. ಆದರೆ ಆ ಸಂದೇಶದ ವಿಷಯಗಳನ್ನು ವಾಟ್ಸ್ಆ್ಯಪ್ ತೆರೆಯದೆ ನೋಡಲು ಸಾಧ್ಯವಾಗುವುದಿಲ್ಲ.