ನಿಮ್ಮ Instagram ಸ್ಟೋರಿಗಳನ್ನು ಕೆಲವೇ ಜನರೊಂದಿಗೆ ಹಂಚಿಕೊಳ್ಳುವುದು ಹೇಗೆ?

ನಿಮ್ಮ Instagram ಪ್ರೊಫೈಲ್‌ನಲ್ಲಿ ನೀವು ಸಾಕಷ್ಟು ಪಾಲೋವರ್ಸ್ ಹೊಂದಿದ್ದರೂ ಸಹ, ಕೆಲವೊಮ್ಮೆ ಕೆಲವೇ ಜನರೊಂದಿಗೆ ನಿಮ್ಮ Instagram ಸ್ಟೋರಿಗಳನ್ನು ಹಂಚಿಕೊಳ್ಳಲು ಬಯಸಿರುತ್ತೀರಾ ಅಲ್ಲವೇ?. ಆದರೆ, ಇದು ಹೇಗೆ ಸಾಧ್ಯ ಎಂದು ನೀವು ಕೇಳಬಹುದು. ಖಂಡಿತವಾಗಿ ಸಾಧ್ಯವಿದೆ Instagram 2018 ರಲ್ಲಿ ಪರಿಚಯಿಸಿದ "ಕ್ಲೋಸ್ ಫ್ರೆಂಡ್ಸ್" ವೈಶಿಷ್ಟ್ಯವನ್ನು ಬಳಸಿಕೊಳ್ಳುವ ಮೂಲಕ Instagram ಸ್ಟೋರಿಗಳನ್ನು ಕೆಲವೇ ಕೆಲವು ಸ್ನೇಹಿತರೊಂದಿಗೆ ಹಂಚಿಕೊಳ್ಳಬಹುದು ಆದರೆ, ಮೊದಲು ನೀವು ಆಯ್ದ ಸ್ನೇಹಿತರ ಒಂದು ಗುಂಪನ್ನು ರಚಿಸಿಕೊಳ್ಳಬೇಕು. ಹಾಗಾದರೆ, Instagram ನಲ್ಲಿ ಸ್ನೇಹಿತರನ್ನು ಒಳಗೊಂಡಿರುವ ಕ್ಲೋಸ್ ಫ್ರೆಂಡ್ಸ್ ವೈಶಿಷ್ಟ್ಯವನ್ನು ಬಳಸಿಕೊಂಡು ಕೆಲವೇ ಜನರೊಂದಿಗೆ ನಿಮ್ಮ Instagram ಸ್ಟೋರಿಗಳನ್ನು ಹಂಚಿಕೊಳ್ಳುವುದು ಹೇಗೆ ಎಂಬುದನ್ನು ತಿಳಿಯೋಣ ಬನ್ನಿ.

Instagram ಅಪ್ಲಿಕೇಶನ್‌ನಲ್ಲಿ ಕ್ಲೋಸ್ ಫ್ರೆಂಡ್ಸ್ ಪಟ್ಟಿಯನ್ನು ರಚಿಸಬಹುದು ಹೇಗೆ?
1. ನಿಮ್ಮ Android ಅಥವಾ iOS ಸಾಧನದಲ್ಲಿ Instagram ಅಪ್ಲಿಕೇಶನ್ ತೆರೆಯಿರಿ.
2. ಮುಂದೆ, ಪರದೆಯ ಕೆಳಗಿನ ಬಲ ಮೂಲೆಯಲ್ಲಿರುವ ನಿಮ್ಮ ಪ್ರೊಫೈಲ್ ಚಿತ್ರದ ಮೇಲೆ ಟ್ಯಾಪ್ ಮಾಡಿ.
3. ಪ್ರೊಫೈಲ್ ಪುಟದಲ್ಲಿ, ಮೇಲಿನ ಬಲ ಮೂಲೆಯಲ್ಲಿರುವ ಹ್ಯಾಂಬರ್ಗರ್ ಮೆನು (ಮೂರು ಅಡ್ಡ ಸಾಲುಗಳು) ಮೇಲೆ ಟ್ಯಾಪ್ ಮಾಡಿ.
4. ಕಾಣಿಸಿಕೊಳ್ಳುವ ಆಯ್ಕೆಗಳ ಪಟ್ಟಿಯಿಂದ, ನಿಕಟ ಸ್ನೇಹಿತರ ಮೇಲೆ ಟ್ಯಾಪ್ ಮಾಡಿ.
5. ಕ್ಲೋಸ್ ಫ್ರೆಂಡ್ಸ್ ಪುಟದಲ್ಲಿ, ಆಪ್ತ ಸ್ನೇಹಿತರ ಪಟ್ಟಿಯಲ್ಲಿ ನಿಮಗೆ ಬೇಕಾದ ಖಾತೆಗಳನ್ನು ಆಯ್ಕೆ ಮಾಡಿ. ಒಮ್ಮೆ ಮಾಡಿದ ನಂತರ, ಮುಗಿದ ಬಟನ್ ಮೇಲೆ ಟ್ಯಾಪ್ ಮಾಡಿ.
ಅಷ್ಟೆ.! Instagram ಅಪ್ಲಿಕೇಶನ್‌ನಲ್ಲಿ ನೀವು ಆಪ್ತ ಸ್ನೇಹಿತರ ಪಟ್ಟಿಯನ್ನು ರಚಿಸಿದ್ದೀರಾ.

Instagram ಸ್ಟೋರಿಗಳನ್ನು ವೈಯಕ್ತಿಕವಾಗಿ ಹಂಚಿಕೊಳ್ಳಲು ಹೀಗೆ ಮಾಡಿ.
ಇದೀಗ, ನಿಮ್ಮ Instagram ಸ್ಟೋರಿಗಳನ್ನು ಹಂಚಿಕೊಳ್ಳುವ ವೇಳೆ ಈ ಕ್ಲೋಸ್ ಫ್ರೆಂಡ್ಸ್ ಪಟ್ಟಿಯನ್ನು ಆಯ್ಕೆ ಮಾಡಿದರೆ, ನೀವು ಆಯ್ಕೆ ಮಾಡಿದ ಖಾತೆಗಳು ಮಾತ್ರ ಅದನ್ನು ನೋಡಲು ಸಾಧ್ಯವಾಗುತ್ತದೆ.
1,299 ರೂ. ಬೆಲೆಯಲ್ಲಿ 'Dizo Buds P' ಟ್ರೂ ವೈರ್‌ಲೆಸ್ ಇಯರ್‌ಬಡ್ಸ್ ಬಿಡುಗಡೆ!
ಆಪ್ತ ಸ್ನೇಹಿತರನ್ನು ಕ್ಲೋಸ್ ಫ್ರೆಂಡ್ಸ್ ಪಟ್ಟಿಯಿಂದ ತೆಗೆದುಹಾಕುವುದು ಹೇಗೆ?
ನೀವು ಆಪ್ತ ಸ್ನೇಹಿತರನ್ನು ಪಟ್ಟಿಯಿಂದ ತೆಗೆದುಹಾಕಲು ಬಯಸಿದರೆ, ಕೆಳಗೆ ಹಂಚಿಕೊಂಡಿರುವ ಹಂತಗಳನ್ನು ನೀವು ಅನುಸರಿಸಿ.
1. ಮೊದಲು, Instagram ಅಪ್ಲಿಕೇಶನ್ ತೆರೆಯಿರಿ ಮತ್ತು ನಿಮ್ಮ ಪ್ರೊಫೈಲ್ ಚಿತ್ರದ ಮೇಲೆ ಟ್ಯಾಪ್ ಮಾಡಿ. ಪ್ರೊಫೈಲ್ ಪುಟದಲ್ಲಿ, ಹ್ಯಾಂಬರ್ಗರ್ ಮೆನುವನ್ನು ಟ್ಯಾಪ್ ಮಾಡಿ.
2. ಕಾಣಿಸಿಕೊಳ್ಳುವ ಆಯ್ಕೆಗಳ ಪಟ್ಟಿಯಲ್ಲಿ, ನಿಕಟ ಸ್ನೇಹಿತರ ಮೇಲೆ ಟ್ಯಾಪ್ ಮಾಡಿ. ಮುಂದೆ, ಪಟ್ಟಿಯಿಂದ ತೆಗೆದುಹಾಕಲು ಖಾತೆಗಳನ್ನು ಅನ್ಚೆಕ್ ಮಾಡಿ ಮತ್ತು ಡನ್ ಬಟನ್ ಮೇಲೆ ಟ್ಯಾಪ್ ಮಾಡಿ.
ಖಾತೆಗಳನ್ನು ಅನ್ಚೆಕ್ ಮಾಡಿದ ನಂತರ Instagram ನಲ್ಲಿ ನೀವು ಸ್ನೇಹಿತರನ್ನು ಕ್ಲೋಸ್ ಫ್ರೆಂಡ್ಸ್ ಪಟ್ಟಿಯಿಂದ ತೆಗೆದುಹಾಕಬಹುದು.

Instagram ಕ್ಲೋಸ್ ಫ್ರೆಂಡ್ಸ್ ವೈಶಿಷ್ಟ್ಯವು ಹೊಂದಿರುವ ವಿಶೇಷತೆಗಳು ಹೀಗಿವೆ.

1. ಕ್ಲೋಸ್ ಫ್ರೆಂಡ್ಸ್ ಪಟ್ಟಿಗೆ ನೀವು ಯಾವಾಗ ಬೇಕಾದರೂ ಸ್ನೇಹಿರನ್ನು ಸೇರಿಸಬಹುದು ಮತ್ತು ತೆಗೆದುಹಾಕಬಹುದು.
2. ಯಾರಾದರೂ ನಿಮ್ಮನ್ನು ಅವರ ಕ್ಲೋಸ್ ಫ್ರೆಂಡ್ಸ್ ಪಟ್ಟಿಗೆ ಸೇರಿಸಿದ್ದರೆ, ಅವರ ಪ್ರೊಫೈಲ್ ಫೋಟೋದ ಸುತ್ತಲೂ ಹಸಿರು ಉಂಗುರವನ್ನು ನೀವು ನೋಡಬಹುದು.
3. Instagramನಲ್ಲಿ ಇತರರ ಕ್ಲೋಸ್ ಫ್ರೆಂಡ್ಸ್ ಪಟ್ಟಿಯಿಂದ ನಿಮ್ಮನ್ನು ನೀವು ತೆಗೆದುಹಾಕಲು ಸಾಧ್ಯವಿಲ್ಲ. ಆದರೆ, ಖಾತೆಯನ್ನು ಬ್ಲಾಕ್ ಮಾಡಬಹುದು.
4. ಕ್ಲೋಸ್ ಫ್ರೆಂಡ್ಸ್ ಪಟ್ಟಿಯಿಂದ ನೀವು ಸೇರಿಸಿದಾಗ ಅಥವಾ ತೆಗೆದುಹಾಕಿದಾಗ Instagram ಜನರಿಗೆ ತಿಳಿಸುವುದಿಲ್ಲ.