ಫೋನ್ ಪೇ, ಗೂಗಲ್ ಪೇ ನಲ್ಲಿ UPI ಪಿನ್ ಬದಲಿಸುವುದು ಹೇಗೆ?: ಇಲ್ಲಿದೆ ಮಾಹಿತಿ

ಪ್ರಸ್ತುತ ಜನರು ಆನ್‌ಲೈನ್ ಸೇವೆಗಳತ್ತ ಹೆಚ್ಚಾಗಿ ವಾಲುತ್ತಿದ್ದು, ಆ ಪೈಕಿ ಬಳಕೆದಾರರ ಸ್ಮಾರ್ಟ್‌ಫೋನಿನಲ್ಲಿ ಗೂಗಲ್ ಪೇ, ಫೋನ್‌ ಪೇ ಹಾಗೂ ಪೇಟಿಎಮ್‌ ಆ್ಯಪ್ಗಳನ್ನು ಹೆಚ್ಚಾಗಿ ಬಳಸುತ್ತಿದ್ದಾರೆ. ಟೀ ಸ್ಟಾಲ್‌, ತರಕಾರಿ ಅಂಗಡಿ, ಕಿರಾಣಿ ಸ್ಟೋರ್, ಸೂಪರ್ ಮಾರ್ಕೆಟ್‌ ಸೇರಿದಂತೆ ಶೋ ರೂಮ್‌/ಮಾಲ್‌ಗಳಲ್ಲಿಯೂ ಗೂಗಲ್ ಪೇ, ಫೋನ್ ಪೇ UPI ಆ್ಯಪ್‌ಗಳನ್ನು ಬಳಕೆ ಮಾಡಿ ಬಿಲ್ ಪಾವತಿಸುವುದು ಸಾಮಾನ್ಯವಾಗಿದೆ. ಈ ಆ್ಯಪ್‌ಗಳ ಬಳಕೆ ಸರಳ ಮತ್ತು ಸುರಕ್ಷಿತವು ಆಗಿವೆ. ಆದರೆ ಆಪ್‌ಗಳ ಪಾಸ್‌ವರ್ಡ್‌/ಪಿನ್ ವಿಷಯದ ಬಗ್ಗೆ ಗಮನ ನೀಡಲೇಬೇಕು.

ಈ ಆ್ಯಪ್ ಗಳನ್ನು ಬಳಸುವ ಎಲ್ಲರೂ ಬ್ಯಾಂಕ್ ಖಾತೆಯನ್ನು ಲಿಂಕ್ ಮಾಡಲಾಗಿರುತ್ತದೆ ಹಾಗೂ ಸುರಕ್ಷತೆಗಾಗಿ ಯುಪಿಐ ಪಿನ್ ರಚಿಸಿರುತ್ತಾರೆ. ಆರಂಭದಲ್ಲಿ ರಚಿಸಿದ ಯುಪಿಐ ಪಿನ್‌ ಬದಲಾಯಿಸುವುದೇ ಇಲ್ಲ. ಆದರೆ, ಸುರಕ್ಷಿತ ದೃಷ್ಠಿಯಿಂದ ಯುಪಿಐ ಪಿನ್‌ ಅನ್ನು ಆಗಾಗ್ಗೆ ಬದಲಾಯಿಸುವುದು ಅವಶ್ಯಕ. ಹಾಗಾದರೆ ಗೂಗಲ್‌ ಪೇ, ಫೋನ್ ಪೇ, ಹಾಗೂ ಪೇಟಿಎಮ್‌ ಆಪ್‌ಗಳಲ್ಲಿ ಯುಪಿಐ ಪಿನ್ ಬದಲಾಯಿಸುವುದು ಹೇಗೆ?.

ಪ್ರತಿದಿನ 3GB ಡೇಟಾ: ಏರ್ಟೆಲ್, ಜಿಯೋ, ವಿ ಹೊಸ ಪ್ಲ್ಯಾನ್ ವಿವರ ಇಲ್ಲಿದೆ

ಫೋನ್‌ ಪೇಯಲ್ಲಿ UPI ಪಿನ್ ಬದಲಿಸಲು ಮೊದಲು ನೀವು ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿ ಫೋನ್‌ಪೇ ತೆರೆಯಿರಿ. ಪರದೆಯ ಮೇಲಿನ ಬಲ ಮೂಲೆಯಲ್ಲಿ ನೀಡಲಾಗಿರುವ ಮೂರು ಬಾರ್‌ಗಳ ಐಕಾನ್‌ ಅನ್ನು ಟ್ಯಾಪ್ ಮಾಡಿ. ಆಗ ಮೆನು ತೆರೆಯುತ್ತದೆ. ನಂತರ 'ಬ್ಯಾಂಕ್ ಅಕೌಂಟ್ಸ್' ವಿಭಾಗಕ್ಕೆ ಹೋಗಿ. ನಂತರ ನೀವು ಯುಪಿಐ ಪಿನ್ ಬದಲಾಯಿಸಲು ಬಯಸುವ ಬ್ಯಾಂಕ್ ಖಾತೆಯನ್ನು ಆಯ್ಕೆಮಾಡಿ. ಆನಂತರ ನಿಮ್ಮ ಡೆಬಿಟ್ / ಎಟಿಎಂ ಕಾರ್ಡ್‌ನ ಕೊನೆಯ ಆರು ಅಂಕೆಗಳು ಮತ್ತು ಮುಕ್ತಾಯ ದಿನಾಂಕವನ್ನು ನಮೂದಿಸಿ. ನಿಮ್ಮ ಬ್ಯಾಂಕಿನಿಂದ ನೀವು ಸ್ವೀಕರಿಸುವ ಒಟಿಪಿ (ಒನ್ ಟೈಮ್ ಪಾಸ್‌ವರ್ಡ್) ಅನ್ನು ನಮೂದಿಸಿ. ಸಬ್‌ಮಿಟ್‌ ಬಟನ್ ಕ್ಲಿಕ್ ಮಾಡಿ.

ಗೂಗಲ್ ಪೇ UPI ಪಿನ್ ಬದಲಿಸಲು ನಿಮ್ಮ ಮೊಬೈಲ್ ಫೋನ್‌ನಲ್ಲಿ Google Pay ಆ್ಯಪ್ ತೆರೆಯಿರಿ. ಸ್ಕ್ರೀನ್‌ ಮೇಲಿನ ಎಡ ಭಾಗದಲ್ಲಿಯಲ್ಲಿ ಕಾಣುವ ನಿಮ್ಮ ಫೋಟೋವನ್ನು ಟ್ಯಾಪ್ ಮಾಡಿ. ನಂತರ 'ಬ್ಯಾಂಕ್ ಖಾತೆ' ಕ್ಲಿಕ್ ಮಾಡಿ. ನೀವು ಸಂಪಾದಿಸಲು ಬಯಸುವ ಬ್ಯಾಂಕ್ ಖಾತೆಯನ್ನು ಆಯ್ಕೆಮಾಡಿ. 'ಇನ್ನಷ್ಟು' ಟ್ಯಾಪ್ ಮಾಡಿ ನಂತರ 'ಚೇಂಜ್ ಯುಪಿಐ ಪಿನ್' ಆಯ್ಕೆಮಾಡಿ. ಹೊಸ ಯುಪಿಐ ಪಿನ್ ರಚಿಸಿ. *ಅದೇ ಯುಪಿಐ ಪಿನ್ ಅನ್ನು ಮತ್ತೆ ನಮೂದಿಸಿ.

ಸ್ಯಾಮ್ಸಂಗ್ ಗ್ಯಾಲಕ್ಸಿ A31 ಸ್ಮಾರ್ಟ್ ಫೋನ್ ಬೆಲೆಯಲ್ಲಿ ಭರ್ಜರಿ ಇಳಿಕೆ

ಪೇಟಿಎಮ್‌ UPI ಪಿನ್ ಬದಲಿಸಲು ನಿಮ್ಮ ಫೋನ್‌ನಲ್ಲಿ Paytm ಆ್ಯಪ್ ತೆರೆಯಿರಿ. ಪರದೆಯ ಮೇಲಿನ ಎಡ ಭಾಗದಲ್ಲಿ ಲಭ್ಯವಿರುವ ಪ್ರೊಫೈಲ್ ಐಕಾನ್ ಕ್ಲಿಕ್ ಮಾಡಿ (ನಿಮ್ಮ ಹೆಸರಿನ ಪಕ್ಕದಲ್ಲಿಯೇ). ಕೆಳಗೆ ಸ್ಕ್ರಾಲ್ ಮಾಡಿ ಮತ್ತು 'ಸೆಟ್ಟಿಂಗ್‌ಗಳು' ಟ್ಯಾಪ್ ಮಾಡಿ. ನಾಲ್ಕು ಆಯ್ಕೆಗಳನ್ನು ಪರದೆಯ ಮೇಲೆ ಪ್ರದರ್ಶಿಸಲಾಗುತ್ತದೆ, 'ಪಾವತಿ ಸೆಟ್ಟಿಂಗ್' ಅನ್ನು ಟ್ಯಾಪ್ ಮಾಡಿ. ಪಾವತಿ ಸೆಟ್ಟಿಂಗ್ ಅಡಿಯಲ್ಲಿ 'ಉಳಿಸಿದ ಪಾವತಿ ವಿವರಗಳು' ಕ್ಲಿಕ್ ಮಾಡಿ. ನೀವು ಯುಪಿಐ ಪಿನ್ ಬದಲಾಯಿಸಲು ಬಯಸುವ ಬ್ಯಾಂಕ್ ಖಾತೆಯ ಮೇಲೆ ಕ್ಲಿಕ್ ಮಾಡಿ. ಹೊಸ ಯುಪಿಐ ಪಿನ್ ರಚಿಸಿ' ಟ್ಯಾಪ್ ಮಾಡಿ. ನಿಮ್ಮ ಕಾರ್ಡ್ ಮತ್ತು ಮುಕ್ತಾಯ ದಿನಾಂಕದ ಕೊನೆಯ 6 ಅಂಕೆಗಳನ್ನು ನಮೂದಿಸಿ. ಕಂಟಿನ್ಯೂ ಕ್ಲಿಕ್ ಮಾಡಿ.