ನಿಮ್ಮ ವಾಹನಕ್ಕೆ ಎಷ್ಟು ದಂಡ ಬಿದ್ದಿದೆ ಗೊತ್ತೇ?: ಆನ್​ಲೈನ್​ನಲ್ಲಿ ನೋಡುವುದು ಹೇಗೆ?

ಜೀವ ಉಳಿಸುವ, ಅಪಘಾತ ನಿಯಂತ್ರಣ ಮಾಡುವ ಸಲುವಾಗಿ ಸಂಚಾರಿ ನಿಯಮಗಳಲ್ಲಿ ಬದಲಾವಣೆ ತರಲಾಗುತ್ತಿದೆ. ಆದರೆ, ಪ್ರತಿ ವರ್ಷ ಅಪಘಾತಗಳ ಸಂಖ್ಯೆ ಮಾತ್ರ ಅಧಿಕವಾಗುತ್ತಲೇ ಇದೆ. ಸಂಚಾರಿ ನಿಮಯಗಳನ್ನು ಉಲ್ಲಂಘನೆ ಮಾಡುವವರ ಸಂಖ್ಯೆ ಕಡಿಮೆಯಾಗಿಲ್ಲ. ಸಂಚಾರಿ ನಿಯಮಗಳ ಉಲ್ಲಂಘನೆಗಾಗಿ ಭಾರತೀಯ ರಸ್ತೆಗಳಲ್ಲಿ ಅಲಲ್ಲಿ ಕ್ಯಾಮರಾವನ್ನು ಅಳವಡಿಸಲಾಗಿದೆಯಾದರೂ, ಟ್ರಾಫಿಕ್ ರೂಲ್ಸ್ ಬ್ರೇಕ್ ಮಾಡುವವರು ಅನೇಕರಿದ್ದಾರೆ. ಇದರಿಂದ ಫೈನ್ ಬಿದ್ದಿರುತ್ತದೆ.

ಹೀಗೆ ಸಂಚಾರಿ ನಿಯಮಗಳನ್ನು ನೀವು ಉಲ್ಲಂಘಿಸಿ ದಂಡ ಪಾವತಿ ಮಾಡುವಂತಾಗಿದೆಯೇ ಎಂಬುದನ್ನು ನೀವೀಗ ಆನ್ ಲೈನ್ ನಲ್ಲಿ ತಿಳಿದುಕೊಳ್ಳಬಹುದು. ಅಲ್ಲದೆ ನೀವು ಆನ್ ಲೈನ್ ನಲ್ಲಿಯೇ ಪಾವತಿ ಮಾಡುವುದಕ್ಕೆ ಅವಕಾಶವಿರುತ್ತದೆ.

ಕಾರ್ಡ್ ಇಲ್ಲದೆಯೇ ATM ನಿಂದ ಸ್ಮಾರ್ಟ್ ಫೋನ್ ಮೂಲಕ ಹಣ ಪಡೆಯುವುದು ಹೇಗೆ?

ಸಂಚಾರಿ ಉಲ್ಲಂಘನೆಯ ದಂಡವನ್ನು ಆನ್ ಲೈನ್ ನಲ್ಲಿ ಪರಿಶೀಲಿಸಿ ಪಾವತಿಸುವುದು ಹೇಗೆ?

ನಿಮ್ಮ ಲ್ಯಾಪ್ ಟಾಪ್ ಅಥವಾ ಮೊಬೈಲ್ ಮೂಲಕ ಇ-ಚಲನ್ ವೆಬ್ ಸೈಟ್ ಗೆ ತೆರಳಿ.ಇದು 'ಒನ್ ನೇಷನ್ ಒನ್ ಚಲನ್' ಉಪಕ್ರಮವಾಗಿರುತ್ತದೆ.ಈ ಪೇಜ್ ನಲ್ಲಿ ನಿಮಗೆ "ಚೆಕ್ ಚಲನ್ ಸ್ಟೇಟಸ್" ಅನ್ನೋ ಆಯ್ಕೆ ಸಿಗುತ್ತದೆ. ನಿಮ್ಮ ಲೈಸನ್ಸ್ ನಂಬರ್ ಅಥವಾ ಚಲನ್ ನಂಬರ್ ಅಥಾ ವೆಹಿಕಲ್ ರಿಜಿಸ್ಟ್ರೇಷನ್ ಸಂಖ್ಯೆಯನ್ನು ಬಳಸಿ ನೀವು ಚಲನ್ ನ್ನು ಹುಡುಕಾಡುವುದಕ್ಕೆ ಆಯ್ಕೆಯಿರುತ್ತದೆ. ಇದರಲ್ಲಿ ಯಾವುದೇ ವಿವರವನ್ನು ನೀವು ಆಯ್ಕೆ ಮಾಡಿಕೊಂಡು ಕ್ಯಾಪ್ಚಾ ಎಂಟರ್ ಮಾಡಿ ಮುಂದುವರಿಯಬಹುದು.

ಬಂದೆ ಬಿಡ್ತು IPL 2021: ಜಿಯೋ-ಏರ್ಟೆಲ್ ಗ್ರಾಹಕರು ಫ್ರೀ ಆಗಿ ಪಂದ್ಯ ವೀಕ್ಷಿಸಲು ಹೀಗೆ ಮಾಡಿ

ನೀವು ಮೇಲೆ ತಿಳಿಸಿರುವ ಯಾವುದೇ ಆಯ್ಕೆಯನ್ನು ಸೆಲೆಕ್ಟ್ ಮಾಡಿ ವಿವರವನ್ನು ಎಂಟರ್ ಮಾಡಿದ ಕೂಡಲೇ ಚಲನ್ ವಿವರಗಳನ್ನು ಡಿಸ್ಪ್ಲೇ ಆಗುತ್ತದೆ. ಕೆಲವೊಮ್ಮೆ ವೆಹಿಕಲ್ ನಂಬರ್ ಮತ್ತು ಲೈಸನ್ಸ್ ನಂಬರ್ ನಲ್ಲಿ ಸಪರೇಟ್ ಆಗಿ ಎರಡು ವಿವಿಧ ಚಲನ್ ಗಳನ್ನು ಕಾಣುವುದಕ್ಕೂ ಸಾಧ್ಯತೆಗಳಿರುತ್ತದೆ. ಒಂದು ವೇಳೆ ನಿಮ್ಮ ವೆಹಿಕಲ್ ವಿರುದ್ಧ ಪ್ರಕಟವಾಗಿರುವ ಎಲ್ಲಾ ಚಲನ್ ಗಳ ಬಗ್ಗೆ ತಿಳಿದುಕೊಳ್ಳುವುದಕ್ಕೆ ನೀವು ಬಯಸಿದ್ದೇ ಆದಲ್ಲಿ ಎರಡೂ ವಿಧಾನದಲ್ಲೂ ಕೂಡ ನೀವು ಹುಡುಕಾಟವನ್ನು ನಡೆಸಬೇಕಾಗುತ್ತದೆ. ಚಲನ್ ವಿವರಗಳು ಜನರೇಟ್ ಆದ ನಂತರ "ಪೇ ನೌ" ಆಯ್ಕೆಯನ್ನು ಹಿಟ್ ಮಾಡಿ ಆನ್ ಲೈನ್ ಪಾವತಿ ಮಾಡಿ.

ಪಾವತಿ ಮಾಡುವುದಕ್ಕಾಗಿ ನಿಮ್ಮ ಮೊಬೈಲ್ ನಂಬರ್ ನ್ನು ಪರಿಶೀಲನೆ ಮಾಡಲಾಗುತ್ತದೆ. ಅದಕ್ಕಾಗಿ ನಿಮ್ಮ ಮೊಬೈಲ್ ಗೆ ಒಂದು ಓಟಿಪಿಯನ್ನು ಕಳುಹಿಸಲಾಗುತ್ತದೆ. ನಂತರ ನೀವು ಆಯಾ ರಾಜ್ಯದ ಇ-ಚಲನ್ ಪಾವತಿ ವೆಬ್ ಸೈಟ್ ಗೆ ರಿಡೈರೆಕ್ಟ್ ಆಗುತ್ತೀರಿ. ಪಾವತಿ ಕಾನ್ಫಿಗರೇಷನ್ ಪೇಜ್ ನಲ್ಲಿ ನೀವು 'ಪ್ರೊಸೀಡ್ ವಿತ್ ನೆಟ್ ಪೇಮೆಂಟ್' ಆಯ್ಕೆಯನ್ನು ಸೆಲೆಕ್ಟ್ ಮಾಡಿ ಮತ್ತು ನೆಟ್ ಬ್ಯಾಂಕಿಂಗ್, ಕಾರ್ಡ್ ಪೇಮೆಂಟ್ ಇತ್ಯಾದಿ ಯಾವುದೇ ರೀತಿಯ ಪಾವತಿ ಗೇಟ್ ವೇಯನ್ನು ಬಳಸಿ ನೀವು ಪಾವತಿಯನ್ನು ಪೂರ್ಣಗೊಳಿಸಬಹುದು.

ಕೇವಲ 8,999 ರೂ. ಗೆ ಆಕರ್ಷಕ ಸ್ಮಾರ್ಟ್ ಫೋನ್ ರಿಲೀಸ್ ಮಾಡಿದ ಸ್ಯಾಮ್ಸಂಗ್