ವಾಟ್ಸ್ಆಪ್ ವೆಬ್‌ನಲ್ಲಿ ಡಾರ್ಕ್ ಮೋಡ್ ಸಕ್ರಿಯಗೊಳಿಸುವುದು ಹೇಗೆ?

ಸ್ನೇಹಿತರು ಮತ್ತು ಕುಟುಂಬ ಸದಸ್ಯರೊಂದಿಗೆ ಸಂಪರ್ಕದಲ್ಲಿ ಇರಲು ವಿಡಿಯೋ ಕಾಲ್ ಮತ್ತು ಆಡಿಯೋ ಕಾಲ್, ಟೆಕ್ಸ್ಟ್, ಆಡಿಯೊ ಫೈಲ್‌ಗಳು, ಡಾಕ್ಯುಮೆಂಟ್‌ಗಳು, ಕರೆಂಟ್ ಮತ್ತು ಲೈವ್ ಲೋಕೇಷನ್ ಹಂಚಿಕೊಳ್ಳಲು ಮತ್ತು ಡಾಕ್ಯೂಮೆಂಟ್‌ಗಳನ್ನು ಕಳುಹಿಸಲು ಮತ್ತು ಸ್ವೀಕರಿಸಲು ಅವಕಾಶ ಮಾಡಿಕೊಟ್ಟಿರುವ ವಾಟ್ಸ್ಆಪ್ ತನ್ನ ಡೆಸ್ಕ್ಆಪ್‌ನಲ್ಲಿ ಡಾರ್ಕ್ ಮೂಡ್ ಆಯ್ಕೆಯನ್ನು ತದಿರುವುದು ಬಹುತೇಕ ಜನರಿಗೆ ತಿಳಿದಿಲ್ಲ ಎನ್ನಬಹುದು. ವಾಟ್ಸ್‌ಆಪ್ ತನ್ನ ಬಳಕೆದಾರರಿಗಾಗಿ ಹಲವಾರು ಅಪ್‌ಡೇಟ್‌ಗಳನ್ನು ನೀಡುತ್ತಿದ್ದು, ಕ್ಯೂಆರ್ ಕೋಡ್‌ಗಳನ್ನು ಸ್ಕ್ಯಾನಿಂಗ್ ಮಾಡುವ ಹೊಸ ವೈಶಿಷ್ಟ್ಯಗಳ ಜೊತೆಗೆ, ಡೆಸ್ಕ್‌ ಟಾಪ್ ಅಪ್ಲಿಕೇಶನ್‌ಗೆ ಬಹುನಿರೀಕ್ಷಿತ ಡಾರ್ಕ್ ಮೋಡ್ ಫೀಚರ್ ಸೇರ್ಪಡೆಗೊಳಿಸಿದೆ.

ವಾಟ್ಸ್‌ಆಪ್ ಡೆಸ್ಕ್‌ ಟಾಪ್ ಆವೃತ್ತಿಯು ಮೊಬೈಲ್ ಆವೃತ್ತಿಯಂತೆಯೇ ಕಾರ್ಯನಿರ್ವಹಿಸುತ್ತದೆ. ವೆಬ್ ಆವೃತ್ತಿಯಲ್ಲಿಯೂ ಟೆಕ್ಸ್ಟ್‌ಗಳನ್ನು ಕಳುಹಿಸಬಹುದು ಮತ್ತು ಸ್ವೀಕರಿಸಬಹುದು, ವಾಯ್ಸ್‌ ಚಾಟ್‌ಗಳನ್ನು ಕಳುಹಿಸಬಹುದು, ಅವರ ಸಂಪರ್ಕಗಳ ಸ್ಟೇಟಸ್ ಅನ್ನು ವೀಕ್ಷಿಸಬಹುದು. ಆದರೆ ವಿಡಿಯೋ ಮತ್ತು ಆಡಿಯೋ ಕಾಲ್ ಮಾಡುವ ಅವಕಾಶ ಇಲ್ಲ. ಇದೀಗ ವೆಬ್ ಬಳಕೆ ಮಾಡುವ ವಾಟ್ಸ್ಆಪ್ ಬಳಕೆದಾರರಿಗಾಗಿ ಹೊಸ ಡಾರ್ಕ್ ಮೋಡ್ ವೈಶಿಷ್ಟ್ಯವಿದೆ. ಇದು ವಾಟ್ಸ್‌ಆಪ್‌ ಥೀಮ್ ಅನ್ನು ಬಿಳಿ ಬಣ್ಣದಿಂದ ಕಪ್ಪು ಬಣ್ಣಕ್ಕೆ ಬದಲಾಯಿಸುತ್ತದೆ. ವೆಬ್‌ನಲ್ಲಿ ಡಾರ್ಕ್ ಮೋಡ್ ಅನ್ನು ಕೆಲವೇ ಹಂತಗಳಲ್ಲಿ ಸುಲಭವಾಗಿ ಬದಲಾಯಿಸಿಕೊಳ್ಳಬಹುದಾಗಿದೆ.

ವಾಟ್ಸ್ಆಪ್ ವೆಬ್‌ನಲ್ಲಿ ಡಾರ್ಕ್ ಮೋಡ್ ಅನ್ನು ಸಕ್ರಿಯಗೊಳಿಸಲು ನಿಮ್ಮ ಪಿಸಿ ಅಥವಾ ಲ್ಯಾಪ್‌ಟಾಪ್‌ನಲ್ಲಿ ವಾಟ್ಸ್‌ಆಪ್ ವೆಬ್ ತೆರೆಯಿರಿ. ನೀವು ಲಾಗ್ ಇನ್ ಆಗದಿದ್ದರೆ, ಸೈನ್ ಇನ್ ಮಾಡಲು ನಿಮ್ಮ ಲ್ಯಾಪ್‌ಟಾಪ್ / ಕಂಪ್ಯೂಟರ್‌ನಲ್ಲಿ ಕ್ಯೂಆರ್ ಕೋಡ್ ಅನ್ನು ಸ್ಕ್ಯಾನ್ ಮಾಡಲು ನಿಮ್ಮ ಸ್ಮಾರ್ಟ್‌ಫೋನ್ ಬಳಸಿ ವಾಟ್ಸ್ಆಪ್‌ಗೆ ಸೈನ್‌ಇನ್ ಆಗಿ. ನಂತರ ನಿಮ್ಮ ಪ್ರೊಫೈಲ್ ಪಿಕ್ ಪಕ್ಕದಲ್ಲೇ ಕಾಣಿಸುವ ಮೇಲಿನ ಮೂರು-ಡಾಟ್ ಐಕಾನ್‌ಗಳನ್ನು ಟ್ಯಾಪ್ ಮಾಡಿ ಮತ್ತು ಸೆಟ್ಟಿಂಗ್ಸ್ ಆಯ್ಕೆಯನ್ನು ಕ್ಲಿಕ್ ಮಾಡಿ. ಅಲ್ಲಿ ಥೀಮ್ ಎಂಬ ಆಯ್ಕೆ ನಿಮಗೀಗ ಕಾಣಿಸಲಿದೆ. ಥೀಮ್ ಆಯ್ಕೆಯ ಮೇಲೆ ಕ್ಲಿಕ್ ಮಾಡಿದರೆ ಡಾರ್ಕ್ ಮೋಡ್ ಅನ್ವಯಿಸಲು ಆಯ್ಕೆ ಇದೆ. ಅದಕ್ಕೆ ಒಕೆ ಕೊಟ್ಟರೆ ಡಾರ್ಕ್ ಮೋಡ್ ಸಕ್ರಿಯವಾಗುತ್ತದೆ.

ಹಾಗೆಯೇ, ವಾಟ್ಸ್‌ಆಪ್‌ನ ಫೈಲ್‌ಗಳು ಆಟೊ ಡೌನ್‌ಲೋಡ್ ಆಗುವು ಬೇಡ ಎಂದಾದರೆ, ನಿಮ್ಮ ವಾಟ್ಸ್‌ಆಪ್ ತೆರೆದು, ಮೇಲೆ ಬಲ ಭಾಗದಲ್ಲಿ ಕಾಣಿಸುವ ಮೂರು ಚುಕ್ಕೆಗಳುಳ್ಳ ಮೆನುವನ್ನು ಆಯ್ಕೆ ಮಾಡಿ. ಅಲ್ಲಿ ಆಯ್ಕೆಗಳಲ್ಲಿ ಸೆಟ್ಟಿಂಗ್ಸ್ ಆಯ್ಕೆ ಕಾಣುತ್ತದೆ. ಈಗ ಸೆಟ್ಟಿಂಗ್ಸ್ ಮೇಲೆ ಕ್ಲಿಕ್ ಮಾಡಿ 'ಸ್ಟೋರೇಜ್ ಆಂಡ್ ಡೇಟಾ' ಆಯ್ಕೆಯನ್ನು ಆಯ್ದುಕೊಳ್ಳಿ. ನಂತರ ಅಲ್ಲಿ ಕಾಣಿಸುವ ಮೀಡಿಯಾ ಆಟೊ ಡೌನ್‌ಲೋಡ್‌ ಕ್ಲಿಕ್ ಮಾಡಿದರೆ When using mobile data ಎಂಬ ಆಯ್ಕೆ ಇರುತ್ತದೆ. ನೀವು ಇದನ್ನು ಕ್ಲಿಕ್ ಮಾಡಿದರೆ ಫೈಲ್‌ಗಳ ಡೌನ್‌ಲೋಡ್ ಆಯ್ಕೆಯು ಕಾಣಿಸುತ್ತದೆ.
ಇದೀಗ ಕೇವಲ 16,999 ರೂ.ಗೆ ದೊರೆಯಲಿದೆ 'ಪೊಕೊ ಎಕ್ಸ್ 3 ಪ್ರೊ' ಫೋನ್!
When using mobile data ಎಂಬ ಆಯ್ಕೆ ಕ್ಲಿಕ್ ಮಾಡಿದರೆ ನಿಮ್ಮ ಮೊಬೈಲ್ ಡೇಟಾದಲ್ಲಿ ಯಾವ ಫೈಲ್‌ಗಳು ಡೌನ್‌ಲೋಡ್ ಆಗಬೇಕು ಎಂಬ ಆಯ್ಕೆಗಳು ಕಾಣಿಸುತ್ತವೆ. ಅವುಗಳಲ್ಲಿ ನಿಮಗೆ ಫೋಟೊ, ಆಡಿಯೊ, ವಿಡಿಯೊ, ಡಾಕ್ಯುಮೆಂಟ್ ಎಂಬ ನಾಲ್ಕು ಆಯ್ಕೆಗಳಳಿದ್ದು, ಈ ಎಲ್ಲಾ ವಿಷಯಗಳ ಮುಂದೆ ಚೆಕ್ ಬಾಕ್ಸ್ ಇರುತ್ತವೆ. ಅದರಲ್ಲಿ ಯಾವ ಫೈಲ್‍ಗಳು ಆಟೊ ಡೌನ್‌‍ಲೋಡ್ ಆಗಬೇಕು ಎಂಬುದಕ್ಕೆ ಚೆಕ್ ಬಾಕ್ಸ್ ಮೂಲಕ ಆಯ್ಕೆ ಮಾಡಬಹುದು. ಯಾವುದೇ ಫೈಲ್‍ಗಳು ಡೌನ್‌ಲೋಡ್ ಆಗುವುದು ಬೇಡ ಎಂದರೆ ಚೆಕ್ ಬಾಕ್ಸ್ ಖಾಲಿ ಬಿಟ್ಟರೆ ಸಾಕು.!