ಪಾಸ್‌ವರ್ಡ್ ಇಡುವಾಗ ಇದೊಂದು ಟ್ರಿಕ್ಸ್ ಗೊತ್ತಿದ್ದರೆ ನೀವು 100% ಸೇಫ್!

ಇಂದಿನ ಆನ್‌ಲೈನ್ ತಂತ್ರಜ್ಞಾನ ಯುಗದಲ್ಲಿ ಒಂದೊಂದು ವೆಬ್‌ಸೈಟ್‌ಗಳಿಗೂ ಒಂದೊಂದು ಪಾಸ್‌ವರ್ಡ್ ಇಡುವುದು ಸಾಮಾನ್ಯ. ಆದರೆ, ಈ ಎಲ್ಲ ವೆಬ್‌ಸೈಟ್‌ಗಳಿಗೂ ನೀಡಿರುವ ಬೇರೆ ಬೇರೆ ಪಾಸ್‌ವರ್ಡ್‌ಗಳನ್ನು ನೆನಪಿನಲ್ಲಿ ಇಟ್ಟುಕೊಳ್ಳುವುದು ಮಾತ್ರ ಅತ್ಯಂತ ಕಷ್ಟದ ಸಂಗತಿ ಎನ್ನಬಹುದು. ಇದರಿಂದಾಗಿಯೇ ಹಲವು ಎಲ್ಲ ವೆಬ್‌ಸೈಟ್‌ಗಳಿಗೂ ಒಂದೇ ಸುಲಭ ಪಾಸ್‌ವರ್ಡ್ ಇಡುವ ಮೂಲಕ ಸಂಕಷ್ಟಕ್ಕೆ ಸಿಲುಕುತ್ತಾರೆ. ಹೌದು, ಒಂದೇ ರೀತಿಯ ಸುಲಭ ಪಾಸ್‌ವರ್ಡ್ ಅನ್ನು ಎಲ್ಲಾ ಖಾತೆಗಳಿಗೂ ನೀಡುವುದರಿಂದಾಗಿ ಸೈಬರ್ ಕ್ರಿಮಿನಲ್‌ಗಳಿಂದ ವಂಚನೆಗೆ ಒಳಗಾಗುತ್ತಿದ್ದಾರೆ.

ಹಾಗಾಗಿಯೇ, ಇಂದಿನ ಲೇಖನದಲ್ಲಿ ನಿಮಗೊಂದು ಸುಲಭ ಟ್ರಿಕ್ಸ್ ಹೇಳಿಕೊಡುವ ಮೂಲಕ, ಸೈಬರ್ ಕ್ರಿಮಿನಲ್‌ಗಳಿಂದ ವಂಚನೆಗೆ ಒಳಗಾಗದಂತೆ ಪಾಸ್‌ವರ್ಡ್ ಗಳನ್ನು ಇಟ್ಟುಕೊಳ್ಳುವುದು ಹೇಗೆ ಎಂಬುದನ್ನು ತಿಳಿಸಿಕೊಡುತ್ತೇನೆ. ನಾನಿಂದು ನಿಮಗೆ ಹೇಳಿಕೊಡುವ ಈ ಮಾರ್ಗವು ಅತ್ಯಂತ ಸುರಕ್ಷಿತವಾದ ಮಾರ್ಗ ಮಾತ್ರವಲ್ಲದೇ, ನೀವು ಯಾವುದೇ ಪಾಸ್‌ವರ್ಡ್‌ಗಳನ್ನು ನೀಡಿ ಮರೆತಿದ್ದರೂ, ಕ್ಷಣಾರ್ಧದಲ್ಲಿ ಪಡೆಯಬಹುದಾಗಿದೆ. ಇದಕ್ಕೆ ನಿಮಗೆ ಸಹಾಯ ಮಾಡುವುದು ಗೂಗಲ್. ಹಾಗಾದರೆ, ಈ ವಿಶೇಷ ಟ್ರಿಕ್ಸ್ ಬಳಸುವುದು ಹೇಗೆ ಎಂಬುದನ್ನು ತಿಳಿಯೋಣ ಬನ್ನಿ.

ಇಂದಿನ ಸ್ಮಾರ್ಟ್‌ಫೋನ್ ಯುಗದಲ್ಲಿ ಬಹುತೇಕ ಎಲ್ಲರೂ ಗೂಗಲ್ ಕ್ರೋಮ್ ಬ್ರೌಸರ್ ಬಳಸುತ್ತಿದ್ದಾರೆ ಎಂದುಕೊಂಡಿದ್ದೇನೆ. ಇದೇ ಕ್ರೋಮ್‌ ಸರ್ಚ ನಲ್ಲಿ ಪಾಸ್‌ವರ್ಡ್‌ಗಳನ್ನು ನಿರ್ವಹಿಸುವುದು ಅತ್ಯಂತ ಸುಲಭವಾಗಿದೆ. ನೀವು ಗೂಗಲ್ ಕ್ರೋಮ್‌ಗೆ, ಅಂದರೆ, ನಿಮ್ಮ ಗೂಗಲ್‌ ಖಾತೆಗೆ ಒಂದು ಅತ್ಯುತ್ತಮ ಎನಿಸುವ, ನೆನಪಿಡಬಹುದಾದ ಪಾಸ್‌ವರ್ಡ್ ಅನ್ನು ಇಟ್ಟುಕೊಳ್ಳಿ. ( ಮರೆತರೂ ನಿಮ್ಮ ಮೊಬೈಲ್ ಸಂಖ್ಯೆಯ ಮೂಲಕ ಪಾಸ್‌ವರ್ಡ್ ಜನರೇಟ್ ಮಾಡಬಹುದು). ಇದೊಂದು ಪಾಸ್‌ವರ್ಡ್ ಅನ್ನು ನೀವು ಶಕ್ತಿಶಾಲಿಯಾಗಿ ಬಳಸಿ, ನೆನಪಿನಲ್ಲಿ ಇಟ್ಟುಕೊಂಡರೆ ಸಾಕಾಗುತ್ತದೆ.

ನಿಮ್ಮ ಗೂಗಲ್ ಖಾತೆಗೆ ಶಕ್ತಿಯುವ ಪಾಸ್‌ವರ್ಡ್ ಇಟ್ಟುಕೊಂಡ ನಂತರ, ನೀವು ಲಾಗಿನ್ ಆಗುವ ಯಾವುದೇ ವೆಬ್‌ಸೈಟ್‌ಗಳಿಗೆ ಚಿತ್ರ ವಿಚಿತ್ರವಾದ, ನೀವು ಕೂಡ ಮತ್ತೆ ನೆನಪಿನಲ್ಲಿ ಇಡಲು ಸಾಧ್ಯವಾಗದಂತಹ ಪಾಸ್‌ವರ್ಡ್ ಇಟ್ಟುಬಿಡಿ. ನಂತರ ಯಾವುದೇ ವೆಬ್‌ಸೈಟ್‌ನಲ್ಲಿ ಲಾಗಿನ್ ಆಗಲು ಬಳಸುವ ಪಾಸ್‌ವರ್ಡ್ ಅನ್ನು ಗೂಗಲ್ ಕ್ರೋಮ್‌ನಲ್ಲಿ ಆಟೋ ಸೇವ್ ಆಗುವಂತೆ ಮಾಡಿ. ( ಗೂಗಲ್ ಕ್ರೋಮ್ ಯಾವಾಗಲೂ ಆಟೋ ಸೇವ್ ಮಾಡಲು ವಿನಂತಿಸುತ್ತಿರುತ್ತದೆ). ಹೀಗೆ ಆಟೋ ಸೇವ್ ಆದ ಪಾಸ್‌ವರ್ಡ್‌ಗಳು ಗೂಗಲ್ ಕ್ರೋಮ್ ಒಳಗೆ ಭಧ್ರವಾಗಿ ಸೇವ್ ಆಗಿಬಿಡುತ್ತವೆ.
ಯೂರೋಪ್‌ನಲ್ಲಿನ್ನು ಎಲ್ಲಾ ಫೋನ್‌ಗಳಿಗೂ USB-C ಚಾರ್ಜರ್ ಕಡ್ಡಾಯ!..ಏಕೆ ಗೊತ್ತಾ?
ಹೀಗೆ ಸೇವ್ ಆದ ಪಾಸ್‌ವರ್ಡ್‌ಗಳನ್ನು ಯಾವಾಗ ಬೇಕಾದರೂ ತೆರೆದು ನೋಡಬಹುದು. ಇದಕ್ಕಾಗಿ ಕ್ರೋಮ್ ಅಡ್ರಸ್‌ಬಾರ್ ಪಕ್ಕದಲ್ಲಿರುವ ಪ್ರೊಫೈಲ್ ಪಿಕ್ ಮೇಲೆ ಕ್ಲಿಕ್ಕಿಸಿದರೆ ಪಾಸ್‌ವರ್ಡ್ ವಿಭಾಗ ಕಾಣಿಸಿಕೊಳ್ಳುತ್ತದೆ. ಅದರಲ್ಲಿ ಸೇವ್ ಮಾಡಿದ ಪಾಸ್‌ವರ್ಡ್ ಗಳನ್ನು ಸುಲಭವಾಗಿ ಪಡೆಯಬಹುದು. ಹಿಂದೆ ಯಾವುದೋ ವೆಬ್‌ಸೈಟ್‌ನಲ್ಲಿ ಲಾಗಿನ್ ಆಗಲು ಬಳಸಿರಿವ ಪಾಸ್‌ವರ್ಡ್ ಕೂಡ ಅಲ್ಲಿರುತ್ತದೆ. ಇದು ಹೇಗೆ ಲಾಭ ಎಂದರೆ, ಗೂಗಲ್ ಖಾತೆ ಅತ್ಯಂತ ಸುರಕ್ಷಿತವಾಗಿರುವುದರಿಂದ ಹ್ಯಾಕರ್‌ಗಳು ಸುಲಭವಾಗಿ ಪ್ರವೇಶಿಸಲು ಸಾಧ್ಯವಿಲ್ಲ. ಹಾಗಾಗಿ, ಈ ಟ್ರಿಕ್ಸ್ ಬಳಸಿ.