Jio Giga Fiber Broadband: ನೋಂದಣಿ ಹೇಗೆ?

ರಿಲಯನ್ಸ್‌ನ ಬಹುನಿರೀಕ್ಷಿತ ಜಿಯೋ ಗಿಗಾಫೈಬರ್ ಬ್ರಾಡ್‌ಬ್ಯಾಂಡ್ ಸೇವೆಗಳು ಸೆ. 5ರಿಂದ ವಾಣಿಜ್ಯ ಬಳಕೆಗೆ ದೊರೆಯಲಿದೆ. ನೂತನ ಗಿಗಾಫೈಬರ್ ಯೋಜನೆ ಬಗ್ಗೆ ರಿಲಯನ್ಸ್ ಈಗಾಗಲೇ ಟ್ಯಾರಿಫ್ ಯೋಜನೆಯನ್ನು ಪ್ರಕಟಿಸಿದೆ.

ಹೀಗಾಗಿ ಜನರಿಗೆ ಜಿಯೋ ಬ್ರಾಡ್‌ಬ್ಯಾಂಡ್ ಸೇವೆ ಕುರಿತು ನಿರೀಕ್ಷೆಗಳಿವೆ. ನೂತನ ಜಿಯೋ ಗಿಗಾಫೈಬರ್ ಸೇವೆಯನ್ನು ಪಡೆಯಲು ನೋಂದಣಿ ಮಾಡಿಸುವುದು ಕಡ್ಡಾಯ. ಹಂತಹಂತವಾಗಿ ಗ್ರಾಹಕರಿಗೆ ಜಿಯೋ ಬ್ರಾಡ್‌ಬ್ಯಾಂಡ್ ಸೇವೆ ದೊರೆಯಲಿದೆ.

ಜಿಯೋ ಗಿಗಾ ಫೈಬರ್ ಟ್ಯಾರಿಫ್ ತಿಂಗಳಿಗೆ 700 ರೂ.ನಿಂದ ಆರಂಭವಾಗಿ 10,000 ರೂ.ವರೆಗೆ ಇರಲಿದೆ. ಅಲ್ಲದೆ 100 Mbps ವೇಗದಿಂದ 1 Gbpsವರೆಗಿನ ವೇಗ ಇದರ ವಿಶೇಷತೆಯಾಗಿದೆ.

ಜತೆಗೆ ನೀವು ಆಯ್ದುಕೊಂಡ ಮೆಗಾ ಪ್ಲ್ಯಾನ್‌ಗೆ ಅನುಗುಣವಾಗಿ ಉಚಿತ HD ಅಥವಾ 4K LED ಟಿವಿ ಲಭ್ಯವಾಗಲಿದೆ. ಉಳಿದಂತೆ ಉಚಿತ ಲ್ಯಾಂಡ್‌ಲೈನ್ ಸಂಪರ್ಕ, 4K ಸೆಟಪ್ ಬಾಕ್ಸ್ ಕೂಡ ದೊರೆಯಲಿದೆ.

ಹೊಸ ಜಿಯೋ ಗಿಗಾಫೈಬರ್ ಸೇವೆ ಪಡೆಯಲು ನೋಂದಣಿ ಮಾಡಿಕೊಳ್ಳುವುದು ಹೇಗೆ ಎಂಬ ವಿವರ ಇಲ್ಲಿದೆ.
ಮೊದಲು ಜಿಯೋ ಗಿಗಾಫೈಬರ್ ನೋಂದಣಿ ವೆಬ್‌ಸೈಟ್‌ಗೆ ಹೋಗಿ.

ನಂತರ ಎಲ್ಲಿ ಬ್ರಾಡ್‌ಬ್ಯಾಂಡ್ ಸಂಪರ್ಕ ಬೇಕಾಗಿದೆ ಎನ್ನುವ ಬಗ್ಗೆ ವಿಳಾಸ, ವಿವರ ನಮೂದಿಸಿ.

ಅದಾದ ಬಳಿಕ, ಹೆಸರು, ಇ ಮೇಲ್ ಐಡಿ, ಮೊಬೈಲ್ ನಂಬರ್ ಎಂಟರ್ ಮಾಡಿ.
ಬಳಿಕ ಒಟಿಪಿ ಬರುತ್ತದೆ, ಅದನ್ನು ವೆಬ್‌ಸೈಟ್‌ನಲ್ಲಿ ಎಂಟರ್ ಮಾಡಿ.

ನಂತರ, ರಿಲಯನ್ಸ್ ಜಿಯೋ ಪ್ರತಿನಿಧಿ ನಿಮಗೆ ಕರೆ ಮಾಡಿ, ನಿಮ್ಮ ವಿಳಾಸವನ್ನು ದೃಢೀಕರಿಸುತ್ತಾರೆ ಹಾಗೂ ನೀವು ನೀಡಿರುವ ಇತರ ವಿವರಗಳನ್ನು ಪರಿಶೀಲಿಸುತ್ತಾರೆ.

ಫೋನ್ ಕರೆ ದೃಢೀಕರಣದ ಬಳಿಕ, ರಿಲಯನ್ಸ್ ಜಿಯೋ ಪ್ರತಿನಿಧಿ ನಿಮ್ಮ ಮನೆಗೆ ಭೇಟಿ ನೀಡಿ, ವಿಳಾಸ ಮತ್ತು ದಾಖಲೆಗಳ ಪರಿಶೀಲನೆ ಮಾಡುತ್ತಾರೆ. ಆ ಸಂದರ್ಭದಲ್ಲಿ ಪರಿಶೀಲನೆಗೆ ಮೂಲದಾಖಲೆಗಳನ್ನೇ ಒದಗಿಸಬೇಕಾಗುತ್ತದೆ.

Jio GigaFiber: ಸೆ. 5ಕ್ಕೆ ಬಿಡುಗಡೆ, ದರಪಟ್ಟಿ ಪ್ರಕಟ

Reliance AGM 2019: ಪ್ರಮುಖ ಘೋಷಣೆಗಳೇನು?