ಹಾಳಾಗಿರುವ SD ಕಾರ್ಡ್ಅನ್ನು ಬಿಸಾಡಬೇಡಿ: ರಿಪೇರ್ ಮಾಡುವ ಟ್ರಿಕ್ ಇಲ್ಲಿದೆ ನೋಡಿ

ಇಂದಿನ ದಿನದಲ್ಲಿ ಸ್ಮಾರ್ಟ್ ಫೋನ್ ಗಳ ಹಾವಳಿಯೂ ಅಧಿಕವಾದ ಹಿನ್ನಲೆಯಲ್ಲಿ ಹೆಚ್ಚಿನ ಡೇಟಾವನ್ನು ಸೇವ್ ಮಾಡಿಕೊಳ್ಳುವ ಸಲುವಾಗಿ ಮೊಬೈಲ್ ಗಳಲ್ಲಿ SD ಕಾರ್ಡ್ ಬಳಕೆ ಮಾಡುವುದು ಸಾಮಾನ್ಯವಾಗಿದೆ. ಆದರೆ ಕೆಲವು ಸಂದರ್ಭದಲ್ಲಿ SD ಕಾರ್ಡ್ ಹಾಳಾಗುವ ಸಾಧ್ಯತೆಗಳಿದ್ದು, ಅದರಲ್ಲಿದ್ದ ಅಗತ್ಯ ಮಾಹಿತಿಗಳು ನಮಗೆ ದೊರೆಯುವುದಿಲ್ಲ.

ಈ ಹಿನ್ನಲೆಯಲ್ಲಿ ಹಾಳಾಗಿರುವ ನಿಮ್ಮ SD ಕಾರ್ಡ್ಅನ್ನು ರಿಪೇರಿ ಮಾಡುವುದು ಹೇಗೆ ಮತ್ತು ಅದರಲ್ಲಿ ಅಡಕವಾಗಿರುವ ಡೇಟಾವನ್ನು ಸೇವ್ ಮಾಡಿಕೊಳ್ಳುವುದು ಹೇಗೆ ಎಂಬುದನ್ನು ಇಲ್ಲಿ ತಿಳಿಸಲಾಗಿದೆ. ಮುಂದೆ ನಿಮ್ಮ SD ಕಾರ್ಡ್ ಹಾಳಾದ ಸಂದರ್ಭದಲ್ಲಿ ಇದರ ಸಹಾಯವನ್ನು ನೀವು ಪಡೆಯಬಹುದಾಗಿದೆ.

ಶವೋಮಿಯ ಅತಿ ದೊಡ್ಡ ಸ್ಮಾರ್ಟ್ ಟಿವಿ ಇಂದಿನಿಂದ ಖರೀದಿಗೆ ಲಭ್ಯ: ಬೆಲೆ ಎಷ್ಟು?, ಏನು ವಿಶೇಷತೆ?

ಕ್ಲೀನ್ ಮಾಡಿ: ಕೆಲವು ಸಂದರ್ಭದಲ್ಲಿ ನಿಮ್ಮ SD ಕಾರ್ಡ್ ಕಾರ್ಯನಿರ್ವಹಿಸುತ್ತಿಲ್ಲ ಎಂದರೆ ಅದರಲ್ಲಿ ಧೂಳು ಕುಳಿತಿರುವ ಸಾಧ್ಯತೆ ಇರಲಿದೆ. ಈ ಹಿನ್ನಲೆಯಲ್ಲಿ ಎಸ್ಡಿ ಕಾರ್ಡ್ ಹಾಳಾಗಿದೆ ಎಂದು ಬಿಸಾಡುವ ಮುನ್ನ ಮೊದಲಿಗೆ ನಿಮ್ಮ SD ಕಾರ್ಡ್ಅನ್ನು ಬಟ್ಟೆಯಿಂದ ಕ್ಲಿನ್ ಮಾಡಿ ನೋಡಿರಿ. ಇದರಿಂದಲೂ ಕಾರ್ಯ ಚಾಲನೆಯಾಗುವ ಸಾಧ್ಯತೆ ಇದೆ.

ಫಾರ್ಮೆಟ್ ಮಾಡಿ: ನಿಮ್ಮ SD ಕಾರ್ಡ್ ಕ್ರಾಷ್ ಆಗಿದ್ದ ಸಂದರ್ಭದಲ್ಲಿ ಮತ್ತೆ ಕಾರ್ಯ ನಿರ್ವಹಿಸುವಂತೆ ಮಾಡುವ ಸಲುವಾಗಿ ಅದನ್ನು ಕಂಪ್ಯೂಟರ್ ನೊಂದಿಗೆ ಜೋಡಿಸಿ ಫಾರ್ಮೆಟ್ ಮಾಡಿರಿ. ಹೀಗೆ ಮಾಡುವುದರಿಂದಲೂ ಮತ್ತೆ SD ಕಾರ್ಡ್ ಕಾರ್ಯನಿರ್ವಹಿಸಲು ಶಕ್ತವಾಗುತ್ತದೆ.

ಭಾರತದಲ್ಲಿ ಕೇವಲ 7,499 ರೂ. ಗೆ ರಿಲೀಸ್ ಆಗಿದೆ ಆಕರ್ಷಕ ಫೀಚರ್ನ ಐಟೆಲ್ ಸ್ಮಾರ್ಟ್ಫೋನ್

ಟ್ರಬಲ್ ಶೂಟ್ ಮಾಡಿ: ಅಲ್ಲದೇ ನಿಮ್ಮ ಮೆಮೊರಿ ಕಾರ್ಡ್ ನಲ್ಲಿ ಯಾವುದಾರು ತೊಂದರೆಗಳಿದ್ದಲ್ಲಿ ತೋರಿಸುವ ಸಲುವಾಗಿ ನಿಮ್ಮ SD ಕಾರ್ಡ್ ಅನ್ನು ಕಂಪ್ಯೂಟರ್ ನೊಂದಿಗೆ ಜೋಡಿಸಿ ಮತ್ತು ಅದರಲ್ಲಿ ಟ್ರಬಲ್ ಶೂಟ್ ಮಾಡಿರಿ. ಇದರಿಂದಾಗಿಯೂ ನಿಮ್ಮ SD ಕಾರ್ಡ್ ಹಿಂದಿನಂತೆ ಕಾರ್ಯನಿರ್ವಹಿಸಲು ಶುರು ಮಾಡುತ್ತದೆ.