Internet Shutdown: ಟ್ವೀಟ್ ಮಾಡುವುದು ಹೇಗೆ?

ದೇಶದಲ್ಲಿ ಯಾವುದಾದರೂ ಗಲಾಟೆ ನಡೆದರೆ, ಟೆಲಿಕಾಂ ಸಚಿವಾಲಯ ಮತ್ತು ಪೊಲೀಸ್ ಇಲಾಖೆ ನಿಗದಿತ ಪ್ರದೇಶದಲ್ಲಿ ಇಂಟರ್‌ನೆಟ್ ಸಂಪರ್ಕವನ್ನು ಕಡಿತಗೊಳಿಸುತ್ತದೆ. ಅಂದರೆ ಜನರು ವದಂತಿ ಹರಡುವುದು, ಗದ್ದಲ ಸೃಷ್ಟಿಸುವುದನ್ನು ತಡೆಯುವ ಉದ್ದೇಶ ಇದಕ್ಕಿರುತ್ತದೆ. ಹೀಗಾಗಿ ಮೊಬೈಲ್ ಇಂಟರ್‌ನೆಟ್ ಮತ್ತು ಬ್ರಾಡ್‌ಬ್ಯಾಂಡ್ ಸಂಪರ್ಕ ಕಡಿತಗೊಂಡಿದ್ದರೆ, ಅಂತಹ ಸಂದರ್ಭದಲ್ಲಿ ನೀವು ಟ್ವೀಟ್ ಮಾಡಬೇಕಾಗಿದ್ದರೆ ಏನು ಮಾಡಬಹುದು?

ಟ್ವಿಟರ್ ಒಂದು ಪ್ರಭಾವಶಾಲಿ ಮಾಧ್ಯಮವಾಗಿದೆ. ಹೀಗಾಗಿ ನಿಮ್ಮ ಅಭಿಪ್ರಾಯ ವ್ಯಕ್ತಪಡಿಸಲು, ಟ್ವಿಟರ್ ಬಳಸಬಹುದು. ಇಂಟರ್‌ನೆಟ್ ಸಂಪರ್ಕವೇ ಇಲ್ಲದೆ, ಎಸ್‌ಎಂಎಸ್ ಮೂಲಕವೂ ಟ್ವೀಟ್ ಮಾಡಬಹುದು.

ಮಾಡಬೇಕಾಗಿರುವುದೇನು?
ನಿಮ್ಮ ಟ್ವಿಟರ್ ಖಾತೆಗೆ ಮೊಬೈಲ್ ನಂಬರ್ ಸೇರಿಸಿರಬೇಕು. ಟ್ವಿಟರ್ ಖಾತೆಯಲ್ಲಿ ನಂಬರ್ ಸೇರ್ಪಡೆಯಾಗಿದ್ದರೆ, ನೀವು ಇಂಟರ್‌ನೆಟ್ ಇಲ್ಲದಿದ್ದರೂ, ಮೊಬೈಲ್‌ನಲ್ಲಿ ಎಸ್‌ಎಂಎಸ್ ಮೂಲಕ ಟ್ವೀಟ್ ಮಾಡಬಹುದು. ಅದಕ್ಕಾಗಿ ಟ್ವಿಟರ್ ಶಾರ್ಟ್ ಕೋಡ್ ಅನ್ನು ನೀವು ಬಳಸಬೇಕಾಗುತ್ತದೆ. ದೇಶದಲ್ಲಿ ಟ್ವಿಟರ್ ಕೋಡ್, 9248948837 ಆಗಿದೆ.

ಎಸ್‌ಎಂಎಸ್ ಮೂಲಕ ಟ್ವೀಟ್ ಮಾಡುವುದು ಹೇಗೆ?
ಟ್ವಿಟರ್ ಸಪೋರ್ಟ್ ಪುಟದಲ್ಲಿ ಹೇಳಿರುವಂತೆ, ಬಳಕೆದಾರರು 9248948837 ಸಂಖ್ಯೆಗೆ ಎಸ್‌ಎಂಎಸ್ ಮಾಡುವ ಮೂಲಕ ಟ್ವೀಟ್ ಮಾಡಬಹುದು. ಅವರಿಗೆ TWITTR ಹೆಸರಿನಿಂದ ಮೆಸೇಜ್ ಬರುತ್ತದೆ.

Online Fraud: ನಕಲಿ ಕೆವೈಸಿ ಜಾಲದ ಕುರಿತು ಎಚ್ಚರಿಕೆ

ನೀವು ಏನೇ ಟ್ವೀಟ್ ಮಾಡಬೇಕಿದ್ದರೂ, ಅದನ್ನು ಟೆಕ್ಸ್ಟ್ ಮೆಸೇಜ್ ಮೂಲಕ ಟೈಪ್ ಮಾಡಿ, 9248948837 ಸಂಖ್ಯೆಗೆ ಕಳುಹಿಸಿದರೆ ಆದು ಟ್ವೀಟ್ ಆಗಿ ನಿಮ್ಮ ಖಾತೆಯಿಂದ ಪೋಸ್ಟ್ ಆಗಲಿದೆ.

ಈ ವಿಧಾನವು ಇಂಟರ್‌ನೆಟ್ ಸ್ಥಗಿತಗೊಂಡಿದ್ದ ಸಂದರ್ಭದಲ್ಲಿ ಮಾತ್ರ ಕೆಲಸ ಮಾಡುತ್ತದೆ. ಆದರೆ ಗಲಭೆಯ ಸಂದರ್ಭದಲ್ಲಿ ಇಂಟರ್‌ನೆಟ್ ಜತೆಗೆ, ಎಸ್‌ಎಂಎಸ್ ಸೇವೆಯೂ ಸ್ಥಗಿತಗೊಂಡಿದ್ದರೆ, ಆ ಸಂದರ್ಭದಲ್ಲಿ ಕೆಲಸ ಮಾಡುವುದಿಲ್ಲ.

New MNP Rules: ಬದಲಾದ ನಿಯಮದ ಬಗ್ಗೆ ತಿಳಿಯಿರಿ