ಜಿಯೋ ಫೋನಿನಲ್ಲಿ ಯೂಟ್ಯೂಬ್‌ ವಿಡಿಯೋ ಡೌನ್‌ಲೋಡ್‌ ಮಾಡಲು ಈ ಟ್ರಿಕ್ ಬಳಸಿ

ಯೂ ಟ್ಯೂಬ್ ಇಂದು ಸಾಕಷ್ಟು ಪ್ರಸಿದ್ಧಿ ಪಡೆದಿದ್ದು, ವಿವಿಧ ವಲಯಗಳಿಂದ ಅನೇಕ ವಿಡಿಯೋಗಳನ್ನು ಒದಗಿಸುವ ಮೂಲಕ ಬಳಕೆದಾರ ಹತ್ತಿರವಾಗುತ್ತಿದೆ. ಸ್ಮಾರ್ಟ್‌ಫೋನ್‌ಗಳಲ್ಲಿ ಯೂಟ್ಯೂಬ್ ವಿಡಿಯೋಗಳನ್ನು ಸುಲಭವಾಗಿ ಡೌನ್‌ಲೋಡ್‌ ಮಾಡಲು ಸಪೋರ್ಟ್ ಮಾಡಲು ಹಲವು ಆ್ಯಪ್‌ಗಳು ಇವೆ. ಅದೇ ರೀತಿ ರಿಲಾಯನ್ಸ್‌ ಜಿಯೋ ಫೋನಿನಲ್ಲಿಯೂ ಸಹ ಬಳಕೆದಾರರು ಅವರಿಗೆ ಇಷ್ಟವಾದ ಯೂಟ್ಯೂಬ್‌ ವಿಡಿಯೋಗಳನ್ನು ನೇರವಾಗಿ ಡೌನ್‌ಲೋಡ್‌ ಮಾಡಬಹುದಾಗಿದೆ.

ವಿಡಿಯೋಗಳನ್ನು ಡೌನ್‌ಲೋಡ್ ಮಾಡುವ ಮೊದಲು, ಬಳಕೆದಾರರು ತಮ್ಮ ಜಿಯೋ ಫೋನ್‌ಗಳಲ್ಲಿ ಯೂಟ್ಯೂಬ್ ಅಪ್ಲಿಕೇಶನ್ ಅನ್ನು ಡೌನ್‌ಲೋಡ್ ಮಾಡಬೇಕಾಗುತ್ತದೆ. ಜಿಯೋ ಫೋನ್‌ಗಳಲ್ಲಿ ಯೂಟ್ಯೂಬ್ ಡೌನ್‌ಲೋಡ್ ಮಾಡಲು, ಜಿಯೋ ಸ್ಟೋರ್ ಅಪ್ಲಿಕೇಶನ್ ತೆರೆಯಿರಿ ಮತ್ತು ಲಿಸ್ಟ್‌ನಿಂದ ಯೂಟ್ಯೂಬ್ ಅಪ್ಲಿಕೇಶನ್‌ಗಾಗಿ ಸರ್ಚ್ ಮಾಡಿರಿ. ನಂತರ ಇನ್‌ಸ್ಟಾಲ್‌ ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ. ಇದಕ್ಕೂ ಮೊದಲು ಜಿಯೋ ಫೋನ್ ಇತ್ತೀಚಿನ ಕೈಯೋಸ್ 2.5 ಆವೃತ್ತಿಯನ್ನು ಚಲಾಯಿಸುತ್ತಿದೆಯೆ ಎಂದು ಖಚಿತಪಡಿಸಿಕೊಳ್ಳಿ.

ಭಾರತ ಸರ್ಕಾರದ ವಿರುದ್ಧ ನಿಂತು ಹೈಕೋರ್ಟ್ ಮೆಟ್ಟಿಲೇರಿದ ವಾಟ್ಸ್ಆ್ಯಪ್!

ಜಿಯೋ ಫೋನ್‌ನಲ್ಲಿ ಯೂಟ್ಯೂಬ್ ವಿಡಿಯೋಗಳನ್ನು ಡೌನ್‌ಲೋಡ್ ಹೇಗೆ?

ಮೊದಲು ಯೂಟ್ಯೂಬ್ ಅಪ್ಲಿಕೇಶನ್ ತೆರೆಯಿರಿ ಮತ್ತು ನೀವು ಡೌನ್‌ಲೋಡ್ ಮಾಡಲು ಬಯಸುವ ವಿಡಿಯೋವನ್ನು ಸರ್ಚ್‌ ಮಾಡಿ. ವಿಡಿಯೋ ತೆರೆದ ನಂತರ, ಸರ್ಚ್‌ ಮೇಲೆ ಕ್ಲಿಕ್ ಮಾಡುವ ಎಡ ಭಾಗದ ಗುಂಡಿಯನ್ನು ಒತ್ತಿ. ನೀವು ಎಡ ಗುಂಡಿಯನ್ನು ಒತ್ತಿದ ನಂತರ ವೀಡಿಯೊದ URL ಅನ್ನು ಆಯ್ಕೆ ಮಾಡಲಾಗುತ್ತದೆ. ಯೂಟ್ಯೂಬ್ ವಿಡಿಯೋ ಡೌನ್‌ಲೋಡ್ ಮಾಡಲು, ನಿಮ್ಮ ಜಿಯೋ ಫೋನ್‌ನಲ್ಲಿ ವೀಡಿಯೊದ URL ಅನ್ನು ಬದಲಾಯಿಸಿ ಮತ್ತು ಯೂಟ್ಯೂಬ್ URL ಗೆ ಮೊದಲು ‘ss' ಅನ್ನು ಸೇರಿಸಿ.

ನೀವು ವೀಡಿಯೊದ URL ಅನ್ನು ಬದಲಾಯಿಸಿದ ನಂತರ, ನಿಮ್ಮನ್ನು ಹೊಸ ವೆಬ್‌ಸೈಟ್‌ಗೆ ಮರು ನಿರ್ದೇಶಿಸಲಾಗುತ್ತದೆ, ಅದು ನಿಮಗೆ ವಿಡಿಯೋ ಡೌನ್‌ಲೋಡ್ ಮಾಡುವ ಆಯ್ಕೆಯನ್ನು ನೀಡುತ್ತದೆ. ಹೊಸ ವೆಬ್‌ಸೈಟ್‌ನಲ್ಲಿ ಕೆಳಗೆ ಸ್ಕ್ರಾಲ್ ಮಾಡಿ ಮತ್ತು ಡೌನ್‌ಲೋಡ್ ಬಟನ್ ಹುಡುಕಿ. ವಿಡಿಯೋಯೊದ ಗುಣಮಟ್ಟವನ್ನು ಆಯ್ಕೆ ಮಾಡಿ ಮತ್ತು ಡೌನ್‌ಲೋಡ್ ಬಟನ್ ಕ್ಲಿಕ್ ಮಾಡಿ.

22W ಫಾಸ್ಟ್ ಚಾರ್ಜಿಂಗ್ ಬೆಂಬಲವಿರುವ Mi 11 Lite ಸ್ಮಾರ್ಟ್ ಫೋನ್ ಬಿಡುಗಡೆಗೆ ಸಿದ್ಧತೆ

ಜಿಯೋ ಫೋನ್ ಬಳಕೆದಾರರು ತಮ್ಮ ಫೋನ್‌ನಲ್ಲಿ ಯೂಟ್ಯೂಬ್ ವಿಡಿಯೋಗಳನ್ನು ಡೌನ್‌ಲೋಡ್ ಮಾಡಲು ಅನುಮತಿಸುವ ಇನ್ನೂ ಅನೇಕ ವೆಬ್‌ಸೈಟ್‌ಗಳಿವೆ. ಉದಾಹರಣೆಗೆ, ನಿಮ್ಮ ಆದ್ಯತೆಯ ವಿಡಿಯೋಗಳನ್ನು ಡೌನ್‌ಲೋಡ್ ಮಾಡಲು ನೀವು ಯೂಟ್ಯೂಬ್ ವಿಡಿಯೋ ಡೌನ್‌ಲೋಡರ್ ಅನ್ನು ಪ್ರಯತ್ನಿಸಬಹುದು.