ಸ್ಮಾರ್ಟ್​ ಫೋನಿನ ಪವರ್ ಬಟನ್ ವರ್ಕ್ ಆಗದಿದ್ದರೆ ಏನು ಮಾಡಬೇಕು?: ಈ ಟ್ರಿಕ್ ಬಳಸಿ

ಯಾವುದೇ ಅತ್ಯುತ್ತಮ ಸ್ಮಾರ್ಟ್ಪೋನ್ ಖರೀದಿಸಿದರೂ ಕೆಲವೊಮ್ಮೆ ಸಣ್ಣ ಪುಟ್ಟ ರಿಪೇರಿ ಬಂದೆ ಬರುತ್ತದೆ. ಸ್ಮಾರ್ಟ್ಫೋನಿನಲ್ಲಿ ಪ್ರತಿ ಬಟನ್ ತನ್ನ ಮಹತ್ವವನ್ನು ಹೊಂದಿದ್ದು, ಯಾವುದೇ ಬಟನ್ ಹಾಳಾದರು ಸ್ಮಾರ್ಟ್ಫೋನ್ ಕೆಲಸದಲ್ಲಿ ಏರುಪೇರು ಆಗುವುದು ಕಂಡಿತ. ಸ್ಮಾರ್ಟ್ಫೋನಿನಲ್ಲಿ ಹೆಚ್ಚಾಗಿ ಬಳಕೆಯಾಗುವುದು ಪವರ್ಬಟನ್‌. ಏನಾದರೂ ಇದೇ ಕೈಕೊಟ್ಟರೆ ಸ್ಮಾರ್ಟ್ಫೋನ್ ಇದ್ದು ಇಲ್ಲದಂತಾಗುತ್ತದೆ.

ಆದರೆ, ಪವರ್ ಬಟನ್ ಹಾಳಾದರೆ ಹಲವು ಪರ್ಯಾಯ ಮಾರ್ಗಗಳಿದ್ದು, ಅವುಗಳನ್ನು ಅನುಸರಿಸುವ ಮೂಲಕ ಪವರ್ಬಟನ್ ಸ್ಥಾನವನ್ನು ತುಂಬ ಬಹುದಾಗಿದೆ. ಹಾಗಾದರೇ ಪವರ್ ಬಟನ್ ಗೆ ಪರ್ಯಾಯವಾಗಿ ಸ್ಮಾರ್ಟ್ಫೋನಿನಲ್ಲಿ ಕೆಲಸ ಮಾಡಬಲ್ಲ ಸ್ಮಾರ್ಟ್ ದಾರಿಗಳು (ಫೀಚರ್ಸ್‌) ಯಾವುವು ಎಂಬುದನ್ನು ನೋಡೋಣ.

ಬಂಪರ್ ಕೊಡುಗೆಯೊಂದಿಗೆ 398 ರೂ. ಪ್ಲಾನ್ ರೀ ಲಾಂಚ್ ಮಾಡಿದ BSNL

ಗೆಸ್ಚರ್ ಫೀಚರ್ ಬಳಸಬಹುದು: ಇತ್ತೀಚಿನ ಸ್ಮಾರ್ಟ್ಫೋನ್ಗಳಲ್ಲಿ ಗೆಸ್ಚರ್ ಫೀಚರ್ (ಸನ್ನೆ/ಸೂಚನೆ ಸೆನ್ಸಾರ್ಮೂಲಕ) ಆಯ್ಕೆ ಇದ್ದೇ ಇರುತ್ತದೆ. ಈ ಆಯ್ಕೆ ಬಳಸುವ ಮೂಲಕವು ಸ್ಮಾರ್ಟ್ಫೋನ್ ಅನ್ಲಾಕ್ ಮಾಡಬಹುದಾಗಿದ್ದು, ಸೆಟ್ಟಿಂಗ್ ನಲ್ಲಿ ಗೆಸ್ಚರ್ ಆನ್ ಮಾಡಿಕೊಂಡಿರಬೇಕು. ಉದಾಹರಣಗೆ ಡಬಲ್ ಟ್ಯಾಪ್ ಮಾಡಿದರೇ ಡಿಸ್ಪ್ಲೇ ಆನ್ ಆಗುವುದು, ಕೈ ಸನ್ನೆಯಿಂದ ಫೋಟೋ ಕ್ಲಿಕ್ಕಿಸುವುದು.

ಥರ್ಡ್ ಪಾರ್ಟಿ ಆ್ಯಪ್: ಪವರ್ ಬಟನ್ ಗೆ ಪರ್ಯಾಯವಾಗಿ ಕೆಲಸ ಮಾಡಬಲ್ಲ ಅನೇಕ ಆ್ಯಪ್ ಗಳು ಗೂಗಲ್ ಪ್ಲೇ ಸ್ಟೋರ್ನಲ್ಲಿ ದೊರೆಯುತ್ತವೆ. ಇವು ಪವರ್ ಬಟನ್ ಬದಲಿಗೆ ವ್ಯಾಲ್ಯೂಮ್ ಬಟನ್ ಆಯ್ಕೆಯನ್ನು ನೀಡಿ ಸ್ಮಾರ್ಟ್ಫೋನ್ ಆನ್ ಆಫ್ ಮಾಡಲು ನೆರವಾಗುತ್ತವೆ. ಗ್ರ್ಯಾವಿಟಿ ಸ್ಕ್ರೀನ್, ಪ್ರೊಕ್ಸಿಮಿಟಿ ಆಕ್ಷನ್ಸ್, ಸೇರಿದಂತೆ ಇಂಥಹ ಆಪ್ಗಳನ್ನು ಬಳಸಬಹುದಾಗಿದೆ.

Paytm ನಿಂದ ಮನೆಯಲ್ಲೇ ಕುಳಿತು 2 ಲಕ್ಷ ರೂ. ಪಡೆಯುವುದು ಹೇಗೆ ಗೊತ್ತೇ?

ಫಿಂಗರ್ ಪ್ರಿಂಟ್ ಸ್ಕ್ಯಾನರ್‌: ಪ್ರಸ್ತುತ ಎಲ್ಲ ಸ್ಮಾರ್ಟ್ಫೋನ್ಗಳಲ್ಲಿ ಫಿಂಗರ್ಪ್ರಿಂಟ್ ಸ್ಕ್ಯಾನರ್ ಫೀಚರ್ ಅನ್ನು ನೀಡಲಾಗುತ್ತಿದೆ. ಫಿಂಗರ್ಪ್ರಿಂಟ್ ಸ್ಕ್ಯಾನರ್ನಿಂದ ಪವರ್ ಬಟನ್ ಇಲ್ಲದೇ ಸ್ಮಾರ್ಟ್ಫೋನ್ ಅನ್ಲಾಕ್ ಮಾಡಬಹುದಾಗಿದೆ. ಸ್ಮಾರ್ಟ್ಫೋನ್ ಸೆಟ್ಟಿಂಗ್ಗಳಲ್ಲಿ ಈ ಆಯ್ಕೆಯನ್ನು ಆನ್ ಮಾಡಿಕೊಂಡಿರಬೇಕು.

ಇನ್ನೂ ಸ್ಮಾರ್ಟ್ ಫೋನಿನಲ್ಲಿ ಅಲಾರಂ ಇಟ್ಟಾಗ, ಅಲಾರಂ ಸೌಂಡ್ ಮಾಡುವುದರ ಜೊತೆಗೆ ಡಿಸ್ಪ್ಲೇ ಆನ್ ಆಗುತ್ತದೆ. ಹಾಗೇ ಕೆಲವೊಂದು ಸ್ಮಾರ್ಟ್ ಫೋನುಗಳು ಚಾರ್ಜಿಂಗ್ ಮಾಡುವಾಗ ಡಿಸ್ಪ್ಲೇ ಆನ್ಆಗುವುದು ಮತ್ತು ನೋಟಿಫಿಕೇಶನ್ಆಯ್ಕೆಗಳು ಕಾಣಿಸಿಕೊಳ್ಳುತ್ತವೆ.