Jio Saarthi: ರಿಲಯನ್ಸ್ ಡಿಜಿಟಲ್ ಅಸಿಸ್ಟೆಂಟ್

ರಿಲಯನ್ಸ್ ಜಿಯೋ ಬಳಕೆದಾರರು ಇನ್ನು ಹೊಸದಾಗಿ ಆನ್‌ಲೈನ್ ರೀಚಾರ್ಜ್ ಅಥವಾ ಯಾವುದೇ ಡಿಜಿಟಲ್ ಪಾವತಿ ಸೇವೆ ಬಳಸಿಕೊಳ್ಳಬೇಕಾದರೆ ಜಿಯೋ ಸಾರ್ಥಿಯ ನೆರವು ದೊರೆಯಲಿದೆ.

ರಿಲಯನ್ಸ್ ಜಿಯೋ ಆ್ಯಪ್‌ನಲ್ಲಿ ಜಿಯೋ ಸಾರ್ಥಿ ಡಿಜಿಟಲ್ ಅಸಿಸ್ಟೆಂಟ್ ಲಭ್ಯವಿದೆ. ಅದು ಮೊದಲ ಬಾರಿಗೆ, ಆನ್‌ಲೈನ್/ಡಿಜಿಟಲ್ ರೀಚಾರ್ಜ್ ಮಾಡಿಸಿಕೊಳ್ಳುವವರಿಗೆ ಜಿಯೋ ಸಾರ್ಥಿ ನೆರವಾಗುತ್ತದೆ.

ವಿವಿಧ ಪ್ಲ್ಯಾನ್ ಆಯ್ಕೆ ಮಾಡಿಕೊಳ್ಳಲು, ರೀಚಾರ್ಜ್‌ ಮಾಡುವಲ್ಲಿ ಜಿಯೋ ಸಾರ್ಥಿ ಯಾವ ರೀತಿ ರೀಚಾರ್ಜ್ ಮಾಡಬೇಕು, ಯಾವ ಮಾಹಿತಿಯನ್ನು ನಮೂದಿಸಬೇಕು ಎಂದು ಹೇಳಲಿದೆ.

ಅಲ್ಲದೆ ಪ್ರಸ್ತುತ ಇಂಗ್ಲಿಷ್ ಮತ್ತು ಹಿಂದಿಯಲ್ಲಿ ಮಾತ್ರ ಲಭ್ಯವಿರುವ ಸಾರ್ಥಿ, ಮುಂದೆ ದೇಶದ 12 ಪ್ರಮುಖ ಪ್ರಾಂತೀಯ ಭಾಷೆಗಳಲ್ಲಿ ಲಭ್ಯವಿದೆ.
ನೀವು ರಿಲಯನ್ಸ್ ಜಿಯೋ ಆ್ಯಪ್ ಬಳಸಿ ಈಗಾಗಲೇ ಆನ್‌ಲೈನ್ ರೀಚಾರ್ಜ್ ಮಾಡಿದ್ದರೆ, ನಿಮ್ಮ ಆ್ಯಪ್‌ನಲ್ಲಿ ಸಾರ್ಥಿ ಕಾಣಿಸಿಕೊಳ್ಳುವುದಿಲ್ಲ.

ಪ್ರಸ್ತುತ ರೀಚಾರ್ಜ್ ಸಂಬಂಧಿತ ನೆರವನ್ನು ಸಾರ್ಥಿ ನೀಡುತ್ತಿದ್ದು, ಮುಂದೆ ಇತರ ಹಲವು ಕಾರ್ಯಗಳಲ್ಲಿ ನೆರವಾಗುವ ಸಾಧ್ಯತೆಯಿದೆ.