ಗೂಗಲ್‌ ಡ್ರೈವ್‌ನಲ್ಲಿ ಡಾಕ್ಯುಮೆಂಟ್ ಸ್ಕ್ಯಾನ್ ಮಾಡುವುದು ಹೇಗೆ?

ನಿಮ್ಮ ಸ್ಮಾರ್ಟ್‌ಫೋನ್ ಮೂಲಕ ಡಾಕ್ಯುಮೆಂಟ್ ಅಥವಾ ಫೈಲ್‌ಗಳನ್ನು ಸ್ಕ್ಯಾನ್ ಮಾಡಿಕೊಳ್ಳಬಹುದು. ಇದಕ್ಕಾಗಿ ಹತ್ತಾರು ಅಪ್ಲಿಕೇಷನ್‌ಗಳಿವೆ ಎಂಬುದನ್ನು ನೀವು ಈಗಾಗಲೇ ತಿಳಿದಿರುತ್ತದೆ. ಆದರೆ ನಿಮಗೆ ಗೊತ್ತಾ?, ನೀವು ಗೂಗಲ್ ಡ್ರೈವ್ (Google Drive) ಅಪ್ಲಿಕೇಶನ್ ನಲ್ಲೂ ಸಹ ಈ ಕಾರ್ಯವನ್ನು ಮಾಡಬಹುದು.! ಮೊಬೈಲ್ ಬಳಕೆದಾರರ ಅಚ್ಚುನೆಚ್ಚಿನ ಡ್ರೈವ್ ಅಪ್ಲಿಕೇಶನ್ ಆಗಿರುವ ಗೂಗಲ್ ಡ್ರೈವ್‌ನಲ್ಲಿ ಡಾಕ್ಯುಮೆಂಟ್ ಅನ್ನು ಸ್ಕ್ಯಾನ್ ಮಾಡಲು ಅವಕಾಶವನ್ನು ನೀಡಲಾಗಿದೆ. ಆಂಡ್ರಾಯ್ಡ್ ಬಳಕೆದಾರರು ಗೂಗಲ್ ಡ್ರೈವ್ ಮೂಲಕ ಕ್ಯಾಮರಾವನ್ನು ಬಳಸಿಕೊಂಡು ಯಾವುದೇ ಡಾಕ್ಯುಮೆಂಟ್ ಸ್ಕ್ಯಾನ್ ಮಾಡಬಹುದು ಮತ್ತು ಅಲ್ಲಿಯೇ ಸೇವೆ ಮಾಡಬಹುದು ಹಾಗೂ ಇತರರಿಗೆ ಶೇರ್ ಮಾಡಲು ಸಹ ಅವಕಾಶವಿದೆ.

ಇತರೆ ಥರ್ಡ್ ಪಾರ್ಟಿ ಅಪ್ಲಿಕೇಶನ್‌ಗಳಿಗೆ ಹೋಲಿಸಿದರೆ ಹೆಚ್ಚು ಜನಪ್ರಿಯ ಹಾಗೂ ಸುರಕ್ಷಿತವಾಗಿರುವ ಗೂಗಲ್ ಡ್ರೈವ್ ಇದೀಗ ಕೇವಲ ಕ್ಲೌಡ್ ಶೇಖರಣಾ ಮಾದ್ಯಮವಾಗಿ ಉಳಿಯದೇ ಹಲವು ಹೊಸ ಹೊಸ ಸೇವೆಗಳಿಗೆ ತನ್ನನ್ನು ತೆರೆದುಕೊಳ್ಳುತ್ತಿದೆ. ಇದರಲ್ಲಿ ಈ ಸ್ಕ್ಯಾನ್ ಮಾಡಬಹುದಾದ ಆಯ್ಕೆ ಕೂಡ ಒಂದಾಗಿದ್ದು, ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್ ಬಳಕೆದಾರರಿಗೆ ಮಾತ್ರ ಈ ಸೇವೆ ಲಭ್ಯವಿದೆ (iOS ಮತ್ತು Android ಎರಡಕ್ಕೂ Google ಡ್ರೈವ್ ಅಪ್ಲಿಕೇಶನ್‌ ಬಹುತೇಕ ಒಂದೇ ಆಗಿದೆ. ಆದರೆ Android ಸಾಧನಗಳಲ್ಲಿ ಮಾತ್ರ ಈ ಸ್ಕ್ಯಾನಿಂಗ್ ವೈಶಿಷ್ಟ್ಯ ಕಾರ್ಯನಿರ್ವಹಿಸಲಿದೆ.). ಹಾಗಾದರೆ, ನಿಮ್ಮ ಆಂಡ್ರಾಯ್ಡ್ ಸ್ಮಾರ್ಟ್‌ಫೋನಿನಲ್ಲಿ ಗೂಗಲ್‌ ಡ್ರೈವ್‌ ಸಹಾಯದಿಂದ ಡಾಕ್ಯುಮೆಂಟ್‌ಗಳನ್ನು ಸ್ಕ್ಯಾನ್‌ ಮಾಡುವುದು ಹೇಗೆ ಎಂಬುದನ್ನು ತಿಳಿಯೋಣ ಬನ್ನಿ.

ಗೂಗಲ್‌ ಡ್ರೈವ್‌ ನಲ್ಲಿ ಯಾವುದೇ ಡಾಕ್ಯುಮೆಂಟ್ ಸ್ಕ್ಯಾನ್ ಮಾಡುವುದು ಹೇಗೆ?

ಹಂತ:1 ನಿಮ್ಮ ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್‌ನಲ್ಲಿ ಗೂಗಲ್‌ ಡ್ರೈವ್ ಅಪ್ಲಿಕೇಶನ್ ತೆರೆಯಿರಿ
ಹಂತ:2 ಇದರಲ್ಲಿ ಹೋಮ್ ಸ್ಕ್ರೀನ್ ಕೆಳಭಾಗದಲ್ಲಿರುವ ಆಡ್ "+" ಐಕಾನ್ ಮೇಲೆ ಟ್ಯಾಪ್ ಮಾಡಿ
ಹಂತ:3 ನಂತರ "ಸ್ಕ್ಯಾನ್" ಆಯ್ಕೆ ಕಾಣಿಸುತ್ತದೆ. ಇದರ ಮೇಲೆ ಟ್ಯಾಪ್ ಮಾಡಿ
ಹಂತ:4 ನಿಮ್ಮ ಡಾಕ್ಯುಮೆಂಟ್‌ನ ಚಿತ್ರಗಳನ್ನು ತೆಗೆಯಲು ಅನುಮತಿಸುತ್ತದೆ.
ಹಂತ:5 ಡಾಕ್ಯುಮೆಂಟ್ ಸ್ಕ್ಯಾನ್ ಮಾಡಿ, ಸರಿಯಾಗಿದ್ದರೆ ಓಕೆ ಎಂದು ಟ್ಯಾಪ್ ಮಾಡಿ
ಹಂತ:6 ಇದೀಗ ನಿಮ್ಮ ಡಾಕ್ಯುಮೆಂಟ್ ಸೇವ್ ಮಾಡಿ ಮತ್ತು "ಡನ್" ಮೇಲೆ ಟ್ಯಾಪ್ ಮಾಡಿ.

ಗೂಗಲ್‌ ಡ್ರೈವ್‌ ಮೂಲಕ ನೀವು ಸ್ಕ್ಯಾನ್ ಮಾಡಿದ ಡಾಕ್ಯುಮೆಂಟ್ ನಿಮ್ಮ ಡ್ರೈವ್‌ನಲ್ಲಿ ಸೇವ್ ಆಗುತ್ತದೆ. ಸ್ಕ್ಯಾನ್ ಆಗಿರುವ ಡಾಕ್ಯುಮೆಂಟ್ ಅನ್ನು ನೀವು ಗೂಗಲ್‌ ಡ್ರೈವ್‌ ನಲ್ಲಿಯೇ ಎಡಿಟ್ ಮಾಡಬಹುದಾದ ಮತ್ತು ಶೇರ್ ಮಾಡಬಹುದಾದ ಆಯ್ಕೆಗಳು ಸೇರಿದಂತೆ ಹಲವು ಹೆಚ್ಚಿನ ಕಾರ್ಯಗಳನ್ನು ನಿರ್ವಹಿಸಬಹುದು. ಈ ಅಪ್ಲಿಕೇಶನ್‌ನಲ್ಲಿ ಡಾಕ್ಯುಮೆಂಟ್‌ಗಳನ್ನು ಸುರಕ್ಷಿತವಾಗಿ ಕಾಪಾಡಿಕೊಳ್ಳಲು ಸಾಧ್ಯವಿರುವುದರಿಂದ ಇದು ನಿಮ್ಮ ನೆಚ್ಚಿನ ಆಯ್ಕೆಯಾಗಬಹುದು.