ನೀವು ಸ್ಮಾರ್ಟ್‌ಟಿವಿ ಖರೀದಿಸುವ ಮುನ್ನ ತಿಳಿದಿರಲೇಬೇಕಾದ ಪ್ರಮುಖ ವಿಷಯಗಳಿವು

ಈಗಂತು ವಿಶ್ವವೇ ಸ್ಮಾರ್ಟ್ ಆಗಿರುವಾಗ ನಿಮ್ಮ ಮನೆಯಲ್ಲಿನ ಟಿವಿಯೂ ಸ್ಮಾರ್ಟ್ ಆಗಿರಬೇಡವೇ?. ಹಾಗಾಗಿ, ಹೊಸ ಟಿವಿ ಖರೀದಿಸುತ್ತೀರಾದರೆ, ಅವುಗಳಲ್ಲಿ ಏನೇನು ವೈಶಿಷ್ಟ್ಯಗಳಿರಬೇಕು ಎಂಬುದನ್ನು ಗಮನಿಸಬೇಕು. ಟಿವಿಯ ಗಾತ್ರ ದಿಂದ ಹಿಡಿದು, ಟಿವಿಯಲ್ಲಿರುವ ಗುಣ ವಿಶೇಷತೆಗಳೆಲ್ಲವನ್ನು ಸಹ ನೀವು ತಿಳಿದುಕೊಂಡಿರಬೇಕು.

ಹಾಗಾಗಿ, ಇಂದಿನ ಲೇಖನದಲ್ಲಿ ಒಂದು ಸ್ಮಾರ್ಟ್‌ಟಿವಿಯನ್ನು ಮನೆಗೆ ಕೊಂಡೊಯ್ಯಬೇಕಾದರೆ ನೀವು ಏನೆಲ್ಲಾ ತಿಳಿದಿರಬೇಕು ಎಂಬುದನ್ನು ನಾವು ನಿಮಗೆ ಹೇಳಲಿದ್ದೇವೆ. ಹಲವು ಬ್ರ್ಯಾಂಡ್‌ಗಳ ವೈವಿಧ್ಯಮಯ ಟಿವಿಗಳಲ್ಲಿ ಯಾವ ಟಿವಿಯನ್ನು ಇದೀಗ ಆಯ್ಕೆ ಮಾಡಿಕೊಳ್ಳಬೇಕು ಎಂಬ ಬಗ್ಗೆ ಮಾಹಿತಿ ಇಲ್ಲಿದೆ.

ಒಪ್ಪೋದಿಂದ ಭಾರತದಲ್ಲಿ ಇ-ಕಾಮರ್ಸ್ ಮಳಿಗೆ ಆರಂಭ; ಮೊದಲ ದಿನವೇ ಬಂಪರ್ ಆಫರ್

ಟಿವಿಯ ಗಾತ್ರ ಮತ್ತು ವೀಕ್ಷಣೆ

42 ಇಂಚು ಪರದೆಯ 1080ಪಿಕ್ಸೆಲ್ ಸ್ಕ್ರೀನ್ ಇರುವ ಟಿವಿಯನ್ನು ನೋಡಲು ಪ್ರಶಸ್ತವಾದ ಅಂತರವೆಂದರೆ 5.5 ಅಡಿ. 46 ಇಂಚಿನ ಟಿವಿ ನೋಡಬೇಕಾದ ಪ್ರಶಸ್ತ ಅಂತರ 6 ಅಡಿ. ಅಂತರಕ್ಕೆ ತಕ್ಕಂತೆ ಸ್ಕ್ರೀನ್ ಗಾತ್ರವಿರುವ ಟಿವಿಯನ್ನು ಆಯ್ಕೆ ಮಾಡಿಕೊಳ್ಳಬೇಕು. ಅಂತೆಯೆ ಹೆಚ್ಚು ರೆಸೊಲ್ಯುಶನ್ ಇದ್ದಷ್ಟೂ ಟಿವಿಯಲ್ಲಿ ಚಿತ್ರಗಳು ಸ್ಪಷ್ಟವಾಗಿ ಕಾಣಿಸುತ್ತವೆ. ಹೀಗಾಗಿ, ನಿಮ್ಮ ಬಜೆಟ್ ಹೆಚ್ಚಿನದ್ದಾಗಿದ್ದರೆ 4ಕೆ ಟಿವಿ ಉತ್ತಮ. ಇಲ್ಲವಾಗಿದ್ದರೆ ಕನಿಷ್ಠಪಕ್ಷ ಫುಲ್ ಹೆಚ್‌ಡಿ ಟಿವಿ ಖರೀದಿಸಿ. ಮುಖ್ಯವಾಗಿ HD ರೆಡಿ (1366 x 768 ಪಿಕ್ಸೆಲ್ಸ್), ಫುಲ್ HD (1920 x 1080 ಪಿಕ್ಸೆಲ್ಸ್) ಮತ್ತು 4K (3840 x 2160 ಪಿಕ್ಸೆಲ್ಸ್) ಟಿವಿಗಳನ್ನು ಖರೀದಿ ಮಾಡಿ.

LED ಅಥವಾ OLED

OLED (ಆರ್ಗ್ಯಾನಿಕ್ ಲೈಟ್ ಎಮಿಟಿಂಗ್ ಡಯೋಡ್) ಡಿಸ್‌ಪ್ಲೇ ತಂತ್ರಜ್ಞಾನವು ಸಾಮಾನ್ಯ LED ಟಿವಿಗಳಿಗಿಂತ ಉತ್ತಮ. ಏಕೆಂದರೆ, ಸ್ಮಾರ್ಟ್‌ಫೋನ್‌ನಲ್ಲಿರುವಂತೆಯೇ OLED ಟಿವಿಗಳಲ್ಲಿ ನಿರ್ದಿಷ್ಟ ಪಿಕ್ಸೆಲ್‌ಗಳನ್ನು ಆನ್/ಆಫ್ ಮಾಡಬಹುದಾಗಿದೆ. ಇದು ವಿದ್ಯುತ್ ಉಳಿತಾಯಕ್ಕೆ ಪೂರಕ. OLED ಗಳಲ್ಲಿ ವೀಕ್ಷಣೆಯ ಕೋನವೂ ವಿಸ್ತಾರವಾಗಿರುತ್ತದೆ ಮತ್ತು ಬಣ್ಣಗಳು ಉತ್ತಮವಾಗಿ ಗೋಚರಿಸುತ್ತವೆ. ಇನ್ನೂ ಹೊಸ ಟಿವಿ ಖರೀದಿಸುವಾಗ ಹೆಚ್ಚಿನವರು ನಿರ್ಲಕ್ಷಿಸುವುದೆಂದರೆ ಅದರಲ್ಲಿ ಎಷ್ಟು ಪೋರ್ಟ್‌ಗಳಿರಬೇಕು ಎಂಬ ಅಂಶ. ಹೆಚ್ಚು ಪೋರ್ಟ್‌ಗಳಿದ್ದಷ್ಟು ಹೆಚ್ಚು ಸಾಧನಗಳನ್ನು ನಿಮ್ಮ ಟಿವಿಗೆ ಸಂಪರ್ಕಿಸಬಹುದಾಗಿದೆ. ಹೀಗಾಗಿ, ಕನಿಷ್ಠ 3 ಹೆಚ್‌ಡಿಎಂಐ ಪೋರ್ಟ್‌ಗಳು, ಎರಡು ಯುಎಸ್‌ಬಿ ಪೋರ್ಟ್‌ಗಳು ಹಾಗೂ ಆಪ್ಟಿಕಲ್ ಆಡಿಯೋ ಪೋರ್ಟ್ ಇರುವ ಟಿವಿ ಖರೀದಿಸುವುದು ಉತ್ತಮ.

ರೆಡ್ಮಿ ಹಿಂದೆಂದೂ ತಯಾರಿಸಿದ ಸ್ಮಾರ್ಟ್ ಫೋನ್ ಬಗ್ಗೆ ಹೊರಬಿತ್ತು ಅಚ್ಚರಿ ಮಾಹಿತಿ

ಇನ್ನೂ ಯಾವುದೇ ಸ್ಮಾರ್ಟ್ ಟಿವಿಯಲ್ಲಿ ಆನ್‌ಲೈನ್ ಮೂಲಗಳು ಅಥವಾ ಸ್ಥಳೀಯ ಸಾಧನಗಳಿಂದ ವೈವಿಧ್ಯಮಯ ಆಡಿಯೋ-ವೀಡಿಯೋ ಫೈಲುಗಳನ್ನು ಸ್ವೀಕರಿಸುವ ಇಂಟರ್ಫೇಸ್ ಇರುತ್ತದೆ. ಕೆಲವು ಟಿವಿಗಳಲ್ಲಿ ಆ್ಯಪ್‌ಗಳು, ಸೋಷಿಯಲ್ ನೆಟ್‌ವರ್ಕ್ ಆಪ್‌ಗಳನ್ನು ಇನ್‌ಸ್ಟಾಲ್ ಮಾಡಿಕೊಳ್ಳುವ ಸೌಲಭ್ಯವಿರುತ್ತದೆ. ಹಾಗಾಗಿ, ಆಂಡ್ರಾಯ್ಡ್ ಅಥವಾ ವೆಬ್ಒಎಸ್ ಇರುವ ಟಿವಿಗಳು ಅತ್ಯುತ್ತಮ ಆಯ್ಕೆ.

ಪ್ರಚಾರವಿರದ ಬ್ರ್ಯಾಂಡ್‌ಗಳನ್ನು ನಂಬಬಹುದೇ?:

ಹೆಚ್ಚಿನ ಖರೀದಿದಾರರು ಸ್ಯಾಮ್ಸಂಗ್, ಎಲ್‌ಜಿ, ಸೋನಿ, ಪ್ಯಾನಾಸೋನಿಕ್ ಮತ್ತು ಫಿಲಿಪ್ಸ್‌ನಂಥ ಹೆಚ್ಚು ಪ್ರಚಾರದಲ್ಲಿರುವ ಬ್ರ್ಯಾಂಡ್‌ಗಳಿಗೇ ಮೊರೆ ಹೋಗುತ್ತಾರೆ. ಆದರೆ, ಕಡಿಮೆ ಪ್ರಚಾರ ಇರುವವುಗಳ ಗುಣಮಟ್ಟವೇನೂ ತೀರಾ ಕಳಪೆಯಾಗಿರುವುದಿಲ್ಲ. ಶವೋಮಿ, ಧಾಮ್ಸ್ನ್ ವಿಯು ಮತ್ತು ಇಂಟೆಕ್ಸ್ ಮುಂತಾದ ಕಂಪನಿಗಳ ಟಿವಿಗಳು ಚೆನ್ನಾಗಿವೆ ಮತ್ತು ಬೆಲೆ ಕೂಡ ಓಕೆ.

ನಿಮ್ಮ ಸೆಲ್ಫಿ ಫೋಟೋ ಚೆನ್ನಾಗಿ ಬರಬೇಕೆ?: ಹಾಗಿದ್ರೆ ಈ ಟಿಪ್ಸ್‌ಗಳನ್ನು ಗಮನಿಸಿ