Online Shopping: ಆನ್‌ಲೈನ್‌ನಲ್ಲಿ ಹೊಸ ಫೋನ್ ಖರೀದಿಸುತ್ತಿದ್ದೀರಾ? ಗಮನಿಸಿ..

ಆನ್‌ಲೈನ್ ಶಾಪಿಂಗ್ ಎನ್ನುವುದು ದಿನನಿತ್ಯದ ಖರೀದಿ ಮತ್ತು ಜನಜೀವನದಲ್ಲಿ ವಿಶೇಷ ಸ್ಥಾನ ಪಡೆದಿದೆ. ಕೇವಲ ಗ್ಯಾಜೆಟ್, ಸ್ಮಾರ್ಟ್‌ಫೋನ್ ಮಾತ್ರವಲ್ಲದೆ ವಿವಿಧ ಅಗತ್ಯಗಳಿಗಾಗಿ ಜನರು ಆನ್‌ಲೈನ್ ಮೊರೆಹೋಗುತ್ತಿದ್ದಾರೆ. ಆದರೆ ಆನ್‌ಲೈನ್‌ನಲ್ಲಿ ಹೊಸ ಫೋನ್ ಖರೀದಿಗೂ ಮೊದಲು ಗಮನಿಸಬೇಕಾದ ಪ್ರಮುಖ ಅಂಶಗಳ ಬಗ್ಗೆ ಇಲ್ಲಿ ವಿವರಿಸಲಾಗಿದೆ.

ಹೊಸ ಫೋನ್ ಬಿಡುಗಡೆ ಕುರಿತು ಆಯಾ ಕಂಪನಿಗಳು ವೆಬ್‌ಸೈಟ್ ಮತ್ತು ಸೋಶಿಯಲ್ ಮೀಡಿಯಾ ಹಾಗೂ ವಿವಿಧ ಮಾಧ್ಯಮಗಳ ಮೂಲಕ ಪ್ರಚಾರ ನೀಡುತ್ತವೆ.

ಸೆಲೆಬ್ರಿಟಿ ಪ್ರಚಾರಕ್ಕೆ ಮಾರುಹೋಗಬೇಡಿ
ವಿವಿಧ ಕಂಪನಿಗಳು ಹೊಸ ಫೋನ್ ಬಿಡುಗಡೆಯ ಸಂದರ್ಭದಲ್ಲಿ ಸೆಲೆಬ್ರಿಟಿಗಳನ್ನು ಕರೆಸಿ ಭರ್ಜರಿ ಪ್ರಚಾರ ನಡೆಸುತ್ತಾರೆ. ಆದರೆ ನಟ ಅಥವಾ ನಟಿ ಅದಕ್ಕಾಗಿ ಹಣ ಪಡೆದುಕೊಂಡು, ಜಾಹೀರಾತು ಪ್ರಚಾರ ಮಾಡುತ್ತಾರೆ ಎನ್ನುವುದು ನೆನಪಿರಲಿ. ನಿಮ್ಮ ನೆಚ್ಚಿನ ನಟರು ಫೋನ್ ಪ್ರಚಾರ ಮಾಡುತ್ತಾರೆ ಎಂದಮಾತ್ರಕ್ಕೆ ಅವರು ಕೂಡ ಅದೇ ಫೋನ್ ಬಳಸುತ್ತಾರೆ ಎನ್ನುವುದು ಭ್ರಮೆ.

ವಿಮರ್ಶೆ ಬಗ್ಗೆ ತಲೆಕೆಡಿಸಿಕೊಳ್ಳಬೇಡಿ
ವಿವಿಧ ಇ ಕಾಮರ್ಸ್ ತಾಣಗಳಲ್ಲಿ ಹೊಸ ಫೋನ್ ಬಿಡುಗಡೆಯ ಬಳಿಕ ಪ್ರಶಂಸೆಯ ವಿಮರ್ಶೆ, ಉತ್ತಮ ಎನ್ನುವ ರಿವ್ಯೂ ಕಾಣಿಸಿಕೊಳ್ಳುತ್ತದೆ. ಆದರೆ ಅವು ಎಲ್ಲವೂ ನಿಜವಲ್ಲ, ಬದಲಾಗಿ ಅವು ಕೆಲವು ಪಾವತಿ ಪಡೆದ ರಿವ್ಯೂ ಆಗಿರಬಹುದು ಮತ್ತು ಋಣಾತ್ಮಕ ರಿವ್ಯೂವನ್ನು ಅಲ್ಲಿ ಪ್ರಕಟಿಸದೇ ಇರಬಹುದು.

ಟೆಸ್ಟ್‌ ರಿಸಲ್ಟ್ ಅಂತಿಮವಲ್ಲ
ಕೆಲವೊಂದು ಸ್ಮಾರ್ಟ್‌ಫೋನ್ ಬ್ರ್ಯಾಂಡ್‌ಗಳು ಫೋನ್ ಬ್ಯಾಟರಿ ಮತ್ತು ಕಾರ್ಯಕ್ಷಮತೆಯ ಕುರಿತಾದ ಬೆಂಚ್‌ಮಾರ್ಕ್ ಸ್ಕೋರ್‌ಗಳನ್ನು ಪ್ರಕಟಿಸಿರುತ್ತವೆ. ಅವುಗಳ ಬಗ್ಗೆ ಹೆಚ್ಚು ಚಿಂತಿಸಬೇಕಾಗಿಲ್ಲ.


ಶಿಪ್‌ಮೆಂಟ್ ಮತ್ತು ಮಾರಾಟ ಕುರಿತ ಮಾಹಿತಿ ಸರಿಯಿರುವುದಿಲ್ಲ
ಅತ್ಯಂತ ಹೆಚ್ಚು ಫೋನ್ ಮಾರಾಟ ಮಾಡಿದ್ದೇವೆ, ಅತಿ ಹೆಚ್ಚು ಫೋನ್ ಭಾರತಕ್ಕೆ ಆಮದು ಮಾಡಿಕೊಳ್ಳಲಾಗಿದೆ, ಕಂಪನಿ ಟಾಪ್ ಬ್ರ್ಯಾಂಡ್ ಆಗಿದೆ ಎಂಬ ಬಗ್ಗೆ ಹೇಳಿಕೊಳ್ಳುವ ಕಂಪನಿಗಳ ಉತ್ಪನ್ನಗಳೆಲ್ಲವೂ ಉತ್ಕೃಷ್ಠ ಮಟ್ಟದ್ದು ಎನ್ನಲಾಗದು.

Nokia 8.1: ನೋಕಿಯಾ ಫೋನ್ ಬೆಲೆ ಇಳಿಕೆ

ಫೋಟೋ ಗುಣಮಟ್ಟದ ಬಗ್ಗೆ
ಕೆಲವೊಂದು ಬ್ರ್ಯಾಂಡ್‌ಗಳು DxOMark ಮಾರ್ಕ್ ಮೂಲಕ ತಮ್ಮ ಫೋನ್, ಕ್ಯಾಮರಾ ಮತ್ತು ಚಿತ್ರದ ಗುಣಮಟ್ಟ ಬಗ್ಗೆ ಪ್ರಚಾರ ಮಾಡುತ್ತವೆ. ಆದರೆ ಲ್ಯಾಬ್ ಪರಿಶೀಲನೆಗೆ ಒಳಪಡಿಸಿದರೆ, ನೈಜ ಫಲಿತಾಂಶಕ್ಕೆ ಅದು ಭಿನ್ನವಾಗಿರುತ್ತದೆ..

ಒಂದೇ ಫೀಚರ್‌ ನೋಡಬೇಡಿ
ಹೊಸ ಫೋನ್ ಕೊಳ್ಳುವಾಗ, ಅದರಲ್ಲಿನ ಒಂದೇ ಫೀಚರ್‌ಗೆ ಮಾರುಹೋಗಬೇಡಿ. ಅದರ ಬದಲಾಗಿ ಡಿಸ್‌ಪ್ಲೇ, ಬ್ಯಾಟರಿ, ಕ್ಯಾಮರಾ ಹೀಗೆ ಎಲ್ಲ ಉತ್ತಮ ಅಂಶಗಳನ್ನು ಪರಿಗಣಿಸಿ.

ಫ್ಲ್ಯಾಶ್ ಸೇಲ್‌ಗೆ ಮರುಳಾಗಬೇಡಿ
ಕೆಲವೊಂದು ಬ್ರ್ಯಾಂಡ್‌ಗಳು ಫ್ಲ್ಯಾಶ್ ಸೇಲ್ ಮೂಲಕ ಮಾತ್ರ ಮೊಬೈಲ್ ಮಾರಾಟ ಮಾಡುತ್ತವೆ, ಆದರೆ ಯಾವುದೇ ಕಂಪನಿ ಕೂಡ ಮಾರಾಟವಾದ ಫೋನ್ ಕುರಿತು ನಿಖರ ಮಾಹಿತಿ ನೀಡುವುದಿಲ್ಲ. ಫ್ಲ್ಯಾಶ್ ಸೇಲ್ ಮೂಲಕ ಜನರಲ್ಲಿ ಅತ್ಯಂತ ಬೇಡಿಕೆಯ ಫೋನ್ ಎಂಬ ಭಾವನೆ ಮೂಡಿಸಲಾಗುತ್ತದೆ.

ಫೋನ್ ಟೆಸ್ಟಿಂಗ್ ನಂಬಬೇಡಿ
ಕೆಲವೊಂದು ಫೋನ್‌ಗಳನ್ನು ಎತ್ತರದಿಂದ ಬೀಳಿಸಿ, ನೆಲಕ್ಕೆ ಗುದ್ದುವ ಮೂಲಕ ವಿವಿಧ ರೀತಿಯ ಪರಿಶೀಲನೆಗೆ ಒಳಪಡಿಸುವ ವಿಡಿಯೋ ಪ್ರದರ್ಶಿಸಲಾಗುತ್ತದೆ. ಆದರೆ ಕೆಳಗಡೆ ಬಿದ್ದರೆ ಯಾವುದೇ ಫೋನ್ ಆದರೂ, ಅದರ ಗಾಜಿನ ಮೇಲ್ಮೈ ಒಡೆಯುತ್ತದೆ ಎನ್ನುವುದು ನೆನಪಿರಲಿ, ಜತೆಗೆ ವಾಟರ್ ರೆಸಿಸ್ಟೆಂಟ್ ಮಾದರಿ ಬಗ್ಗೆಯೂ ಎಚ್ಚರ ವಹಿಸಿ.

ಫೋನ್ ಕಂಪನಿ ಸಿಇಒ, ಎಕ್ಸೆಕ್ಯುಟಿವ್ ಮಾತು ನಂಬಬೇಡಿತಮ್ಮ ಬ್ರ್ಯಾಂಡ್ ಮತ್ತು ಫೋನ್ ಮಾರಾಟ ಮಾಡುವ ಸಲುವಾಗಿ ಕಂಪನಿ ಸಿಇಒ, ಮಾರಾಟ ಪ್ರತಿನಿಧಿ, ಬ್ರ್ಯಾಂಡ್ ಪ್ರಮೋಟರ್‌ಗಳು ಹೇಳುವ ಮಾತನ್ನು ನಂಬಬೇಡಿ.