ಸ್ಪೀಕರ್, ಅಲಾರ್ಮ್ ಕ್ಲಾಕ್
ಹೋಟೆಲ್ ರೂಮ್‌ನಲ್ಲಿ ಸ್ಪೀಕರ್ ಮತ್ತು ಅಲಾರ್ಮ್ ಕ್ಲಾಕ್‌ನಲ್ಲಿ ಸುಲಭದಲ್ಲಿ ಹಿಡನ್ ಕ್ಯಾಮರಾ ಇರಿಸುತ್ತಾರೆ. ಹೀಗಿರುವಾಗ ನೀವು ಅವುಗಳನ್ನು ಬಳಸುವುದಿಲ್ಲ ಎಂದಾದರೆ, ಟಿಶ್ಯು ಪೇಪರ್ ಬಳಸಿ ಮುಚ್ಚಿ. ಗೋಡೆ ಗಡಿಯಾರದಲ್ಲೂ ರಹಸ್ಯ ಕ್ಯಾಮರಾ ಇರಬಹುದು. ಹೀಗಾಗಿ ಅವುಗಳ ಬಗ್ಗೆ ಗಮನ ವಹಿಸಬೇಕು.
ಟಿವಿ, ಸೆಟಪ್ ಬಾಕ್ಸ್‌ ನೋಡಿ..
ಹೋಟೆಲ್ ರೂಮ್‌ನಲ್ಲಿರುವ ಟಿವಿ, ಡಿಟಿಎಚ್ ಕೇಬಲ್ ಸೆಟಪ್ ಬಾಕ್ಸ್‌ನಲ್ಲಿಯೂ ದುಷ್ಟರು ಪುಟ್ಟ ಹಿಡನ್ ಕ್ಯಾಮರಾ ಇರಿಸುವ ಸಾಧ್ಯತೆಯಿದೆ.
ಡೆಕೊರ್ ಲ್ಯಾಂಪ್, ರೀಡಿಂಗ್ ಲ್ಯಾಂಪ್
ಹೋಟೆಲ್ ಕೊಠಡಿಯನ್ನು ಅಲಂಕರಿಸಲು ಬಳಸುವ ವಿವಿಧ ರೀತಿಯ ಡೆಕೊರೇಶನ್, ದೀಪಗಳು, ರೀಡಿಂಗ್ ಲ್ಯಾಂಪ್ ಮತ್ತು ಫೋಟೋ ಫ್ರೇಮ್‌ನಲ್ಲಿ ಗುಪ್ತ ಕ್ಯಾಮರಾ ಇರುತ್ತದೆ. ಹೀಗಾಗಿ ಅವುಗಳನ್ನು ಬಳಸುವ ಮುನ್ನ ಎಚ್ಚರಿಕೆ ವಹಿಸಬೇಕು.
ಎಸಿ, ಕೂಲರ್ ಗಮನಿಸಿ..
ಹೋಟೆಲ್ ಕೊಠಡಿಯಲ್ಲಿ ಇರಿಸಿದ ಕೂಲರ್, ಗೋಡೆಗೆ ಫಿಕ್ಸ್ ಮಾಡಿರುವ ಎಸಿ, ಎಸಿ ವಿಂಡೋದಲ್ಲೂ ಕ್ಯಾಮರಾ ಇರಿಸುವವರು ಇದ್ದಾರೆ. ಹೀಗಾಗಿ ಸಂಶಯಾಸ್ಪದ ಎಂದು ಕಂಡುಬಂದರೆ, ಕೂಡಲೇ ಪರಿಶೀಲಿಸಿ.
ಪ್ಲಗ್, ಅಡಾಪ್ಟರ್ , ಹುಕ್ಸ್‌ನಲ್ಲೂ ಇರಬಹುದು!
ಹಿಡನ್ ಕ್ಯಾಮರಾವನ್ನು ಪ್ಲಗ್, ಅಡಾಪ್ಟರ್, ಹುಕ್ಸ್ ಮತ್ತು ಸ್ವಿಚ್‌ನಲ್ಲೂ ಇರಿಸಬಹುದು. ಬಾತ್‌ರೂಮ್, ಹೋಟಲ್ ಕೊಠಡಿಯ ಹ್ಯಾಂಗರ್‌ನಲ್ಲಿ ಕೂಡ ಗುಪ್ತ ಕ್ಯಾಮರಾ ಇರಬಹುದು. ಹೀಗಾಗಿ ಅವುಗಳ ಬಗ್ಗೆ ಎಚ್ಚರಿಕೆ ವಹಿಸಬೇಕು.
ಫೈರ್ ಅಲಾರ್ಮ್, ಹ್ಯಾಂಡಲ್ ನೋಡಿ..
ಹೋಟೆಲ್ ಕೊಠಡಿಯಲ್ಲಿ ಸಾಮಾನ್ಯವಾಗಿ ಹೆಚ್ಚು ಗಮನ ನೀಡದೇ ಇರುವ ಸ್ಮೋಕ್ ಡಿಟೆಕ್ಟರ್, ಫೈರ್ ಅಲಾರ್ಮ್‌ನಲ್ಲಿ ಸುಲಭದಲ್ಲಿ ರಹಸ್ಯ ಕ್ಯಾಮರಾ ಇರಿಸುತ್ತಾರೆ. ಅದರ ಜತೆಗೇ ಡೋರ್ ಹ್ಯಾಂಡಲ್, ಕರ್ಟೈನ್ ರಾಡ್‌, ಸ್ವಿಚ್ ಪ್ಯಾನಲ್, ಡ್ರಾವರ್‌ನಲ್ಲಿ ಕೂಡ ಹಿಡನ್ ಕ್ಯಾಮರಾ ಇರಬಹುದು. ಹೀಗಾಗಿ ಕಡಿಮೆ ದರದ ಹೋಟೆಲ್ ಎಂದು ಆಫರ್ ಆಸೆಗೆ ಹೋಟೆಲ್ ವಸತಿಗೆ ಹೋದರೆ ಸಮಸ್ಯೆ ಎದುರಾಗಬಹುದು. ದಂಪತಿ ಮಾತ್ರವಲ್ಲದೆ, ಕುಟುಂಬ ಸಮೇತ ಹೋಟೆಲ್‌ನಲ್ಲಿ ತಂಗುವವರು ಕೂಡ ಇದರಿಂದ ತೊಂದರೆ ಎದುರಿಸಬೇಕಾಗಬಹುದು. ಹೀಗಾಗಿ ಹೋಟೆಲ್‌ನಲ್ಲಿ ತಂಗಬೇಕಾಗಿ ಬಂದರೆ, ಒಮ್ಮೆ ಪರಿಶೀಲಿಸಿಕೊಳ್ಳುವುದು ಒಳಿತು.