ವಾಟ್ಸ್ಆಪ್ ಬಳಕೆದಾರರಿಗೆ ಮತ್ತೊಂದು ಭರ್ಜರಿ ಸಿಹಿಸುದ್ದಿ!

ಹಲವು ವರ್ಷಗಳ ಪರೀಕ್ಷಾರ್ಥ ಬಳಕೆಯ ಬಳಿಕ ಕೊನೆಗೂ ಕಾರ್ಯನಿರ್ವಹಿಸುತ್ತದಿರುವ ವಾಟ್ಸ್ಆಪ್ ಪೇ ಮೂಲಕ ಕ್ಯಾಶ್‌ಬ್ಯಾಕ್ ಸೌಲಭ್ಯವಳನ್ನು ನೀಡಲು ವಾಟ್ಸ್ಆಪ್ ಕಂಪೆನಿ ನಿರ್ಧರಿಸಿದೆ. ಭಾರತದಲ್ಲಿ ಕೋಟ್ಯಾಂತರ ಗ್ರಾಹಕರನ್ನು ಹೊಂದಿರುವ ಮೆಸೇಜಿಂಗ್ ಆಪ್ ವಾಟ್ಸ್ಆಪ್ ತನ್ನ ಯುಪಿಐ ಪೇ ಹಣ ವರ್ಗಾವಣೆ ಬಳಕೆಯನ್ನು ಹೆಚ್ಚಿಸಲು ಈ ಕ್ರಮ ಕೈಗೊಂಡಿದ್ದು, ಗೂಗಲ್ ಪೇ, ಫೋನ್ ಪೇ ಮತ್ತು ಇನ್ನಿತರ ಪೇಮೆಂಟ್ ಆಪ್‌ಗಳಲ್ಲಿ ನೀಡಲಾಗುತ್ತಿರುವ ಇನ್‌ಸ್ಟಂಟ್ ಕ್ಯಾಶ್‌ಬ್ಯಾಕ್ ಅನ್ನು ನೀಡುವ ಮೂಲಕ ತನ್ನ ಪೇಮೆಂಟ್ ಸೇವೆ ಬಳಕೆಯನ್ನು ಹೆಚ್ಚಿಸಲು ಮುಂದಾಗಿದೆ.
ಇಂಟರ್‌ನೆಟ್ ಸ್ಪೀಡ್‌ ವಿಶ್ವ ದಾಖಲೆ: ಜಪಾನ್ ಡೇಟಾ ವೇಗವನ್ನು ನೀವು ಊಹಿಸಲು ಸಾಧ್ಯವಿಲ್ಲ!
ವಾಟ್ಸ್ಆಪ್ ಪೇ ಮೂಲಕ ಭಾರತದಲ್ಲಿ UPI ಪಾವತಿಗಳನ್ನು ಬಳಕೆ ಮಾಡಬಹುದಾಗಿದ್ದು, ಬಳಕೆದಾರರು 10 ರೂ. ಕ್ಯಾಶ್‌ಬ್ಯಾಕ್ ಪಡೆಯಬಹುದು ಎಂದು Wabetainfo ವರದಿ ಮಾಡಿದೆ. ವಾಟ್ಸ್ಆಪ್ ಪೇ ಮೂಲಕ ಪಾವತಿ ಮಾಡುವ ಬಳಕೆದಾರರು ಅದನ್ನು 48 ಗಂಟೆಗಳಲ್ಲಿ ಸ್ವೀಕರಿಸುತ್ತಾರೆ. ಆದಾಗ್ಯೂ, ಈ ವೈಶಿಷ್ಟ್ಯದ ಅಧಿಕೃತ ಬಿಡುಗಡೆಯ ನಂತರ, ಕ್ಯಾಶ್‌ಬ್ಯಾಕ್ ಮೊತ್ತ ಮತ್ತು ಕ್ಯಾಶ್‌ಬ್ಯಾಕ್‌ಗಳ ಸಂಖ್ಯೆಯು ಬದಲಾಗುವ ಸಾಧ್ಯತೆಯಿದೆ ಎಂದು ವರದಿ ತಿಳಿಸಿದೆ. ಈ ಮೂಲಕ ದೇಶದ ಆನ್‌ಲೈನ್ ಪೇಮೆಂಟ್ ವ್ಯವಸ್ಥೆಗೆ ವಾಟ್ಸ್ಆಪ್ ಸಕಲ ಸಿದ್ಧತೆ ಮಾಡಿಕೊಂಡಿದೆ.

ಭಾರತ ದೇಶದಲ್ಲಿ ಅತ್ಯಧಿಕ ಸಂಖ್ಯೆಯ ವಾಟ್ಸ್ಆಪ್ ಬಳಕೆದಾರರಿದ್ದು, ವಾಟ್ಸ್ಆಪ್ ಹೊಸ ಪಾವತಿ ಸೇವೆ ಡಿಜಿಟಲ್ ಇಂಡಿಯಾ ಯೋಜನೆಗೆ ಪೂರಕವಾಗಿರಲಿದೆ ಎಂದು ವಾಟ್ಸ್ಆಪ್ ಕಂಪೆನಿ ಹೆಳಿಕೊಂಡಿದೆ. ಅಲ್ಲದೆ, ಈಗಾಗಲೇ ಬಳಕೆಯಲ್ಲಿರುವ ಗೂಗಲ್ ಪೇ, ಫೋನ್‌ಪೇ, ಪೇಟಿಎಂ ಮತ್ತು ಅಮೆಜಾನ್ ಪೇ, ಭೀಮ್ ಯುಪಿಐ ಮುಂತಾದ ಆನ್‌ಲೈನ್, ವ್ಯಾಲೆಟ್ ಸೇವೆಗಳಿಗೆ ತೀವ್ರ ಸ್ಪರ್ಧೆ ಒಡ್ಡಲಿದೆ ಎನ್ನಲಾಗಿದೆ. ಹಾಗಾದರೆ, ವಾಟ್ಸ್ಆಪ್ ಪೇ ಮೂಲಕ ಭಾರತದಲ್ಲಿ UPI ಪಾವತಿಗಳನ್ನು ಮಾಡುವುದು ಹೇಗೆ ಎಂಬುದನ್ನು ಇಂದಿನ ಲೇಖನದಲ್ಲಿ ಓದಿ ತಿಳಿಯೋಣ ಬನ್ನಿ.
ಇಂದು 23ನೇ ಹುಟ್ಟುಹಬ್ಬದ ಸಂಭ್ರಮದಲ್ಲಿರುವ ಗೂಗಲ್‌ ಎಂಬ ಮಾಯಾ ಪ್ರಪಂಚದ ಕಥೆ!
ವಾಟ್ಸ್ಆಪ್ ಪೇ ಸೇವೆಯನ್ನು ಬಳಕೆ ಮಾಡಲು ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್ ಬಳಕೆದಾರರು ಗೂಗಲ್ ಪ್ಲೇ ಸ್ಟೋರ್‌ಗೆ ಹೋಗಿ, ವಾಟ್ಸ್ಆಪ್ ಲೇಟೆಸ್ಟ್ ಆವೃತ್ತಿಯನ್ನು ಅಪ್‌ಡೇಟ್ ಮಾಡಿಕೊಳ್ಳಿ.ಬಳಿಕ ವಾಟ್ಸ್ಆಪ್ ತೆರೆದು, ಮೆನು ಕ್ಲಿಕ್ ಮಾಡಿ ಪೇಮೆಂಟ್ ಎಂದಿರುವುದನ್ನು ಸೆಲೆಕ್ಟ್ ಮಾಡಿ. ಕಂಟಿನ್ಯೂ ಎಂದು ನೀಡಿದರೆ, ನಿಮ್ಮ ಡೆಬಿಟ್ ಕಾರ್ಡ್ ಆಯ್ಕೆ ಮಾಡಲು ಸೂಚಿಸುತ್ತದೆ. ಈಗ ನಿಮ್ಮ ಡೆಬಿಟ್ ಕಾರ್ಡ್ ವಿವರ ಭರ್ತಿ ಮಾಡಿ, ಎಕ್ಸ್‌ಪೈರಿ ದಿನಾಂಕ ಕೂಡ ನಮೂದಿಸಿ ಡನ್ ಎಂಬ ಆಯ್ಕೆಯನ್ನು ಕ್ಲಿಕ್ ಮಾಡಿದರೆ ಒಟಿಪಿ ಬರುತ್ತದೆ. ನಂತರ ಯುಪಿಐ ಪಿನ್ ಆಯ್ಕ ಸಿಗುತ್ತದೆ.

ಎಕ್ಸ್‌ಪೈರಿ ದಿನಾಂಕ ಕೂಡ ನಮೂದಿಸಿ ಡನ್ ಎಂಬ ಆಯ್ಕೆಯನ್ನು ಕ್ಲಿಕ್ ಮಾಡಿದರೆ ಒಟಿಪಿ ಬರುತ್ತದೆ. ನಂತರ ಯುಪಿಐ ಪಿನ್ ಆಯ್ಕ ಸಿಗುತ್ತದೆ. ಅಲ್ಲಿ ಸೆಟಪ್ ಯುಪಿಐ ಪಿನ್ ಎಂದಿರುವುದನ್ನು ಸೆಲೆಕ್ಟ್ ಮಾಡಿ ಒಟಿಪಿ ನಮೂದಿಸಿ. ನಂತರ ಹೊಸ ಯುಪಿಐ ಪಿನ್ ಅನ್ನು ಸೆಟಪ್ ಯುಪಿಐ ಪಿನ್ ಎಂದಿರುವಲ್ಲಿ ಕೊಡಿ.ಸಬ್‌ಮಿಟ್ ಕೊಡಿ. ಯುಪಿಐ ಪೂರ್ತಿಯಾದ ಬಳಿಕ, ಡನ್ ಕೊಡಿ. ನಂತರ, ಯಾರಿಗೆ ಹಣ ಕಳುಹಿಸಬೇಕು ಎಂದಿದ್ದೀರೋ, ಅವರ ಚಾಟ್ ಓಪನ್ ಮಾಡಿ, ಅಟ್ಯಾಚ್ ಎಂದಿರುವಲ್ಲಿ, ಪೇಮೆಂಟ್ ಎನ್ನುವುದನ್ನು ಸೆಲೆಕ್ಟ್ ಮಾಡುವ ಮೂಲಕ ಹಣವನ್ನು ಕಳುಹಿಸಿ.