ಜಾಮಾ ಮಸೀದಿ ಸಮೀಪದಲ್ಲಿವೆ 4 ಜನಪ್ರಿಯ ಪ್ರವಾಸಿ ಸ್ಥಳಗಳು

PC: Unsplash
ದೆಹಲಿಯ ಜಾಮಾ ಮಸೀದಿಯ ಸಮೀಪದಲ್ಲಿ ಅನೇಕ ಪಾರಂಪರಿಕ ಪ್ರೇಕ್ಷಣೀಯ ಸ್ಥಳಗಳಿವೆ. ಜೊತೆಗೆ ಶಾಪಿಂಗ್‌ ತಾಣಗಳು, ಮನರಂಜನಾತ್ಮಕ ತಾಣಗಳು ಇವೆ. ಒಂದು ಸಮಯದಲ್ಲಿ ಮುಸ್ಲಿಮರಿಗೆ ಆರಾಧನಾ ಸ್ಥಳವಾಗಿತ್ತು. ಕಾಲಾನಂತರದಲ್ಲಿ ಇದು ದೊಡ್ಡ ಪಿಕ್ನಿಕ್ ತಾಣವಾಗಿ ಮಾರ್ಪಟಾಗಿದೆ. ಪ್ರತಿನಿತ್ಯ ಬಹುದೊಡ್ಡ ಸಂಖ್ಯೆಯಲ್ಲಿ ಪ್ರವಾಸಿಗರನ್ನು ಆಹ್ವಾನಿಸುತ್ತದೆ.

ಜಾಮಾ ಮಸೀದಿಯನ್ನು1656 ರಲ್ಲಿ ಷಹಜಹಾನ್ ನಿರ್ಮಿಸಿದನು. ಮಸೀದಿಯ ಆಸುಪಾಸು ಪ್ರಶಾಂತವಾದ ವಾತಾವರಣವಿದೆ. ಜಾಮಾ ಮಸೀದಿಯ ಸಮೀಪದಲ್ಲಿರುವ 4 ಪ್ರವಾಸಿ ಆಕರ್ಷಣೆಗಳ ಬಗ್ಗೆ ಇಲ್ಲಿ ಮಾಹಿತಿ ನೀಡಲಾಗಿದೆ ಓದಿ.

೧. ಕೆಂಪು ಕೋಟೆ

ದೆಹಲಿಯ ಹೆಗ್ಗುರುತಾಗಿರುವ ಕೆಂಪು ಕೋಟೆಯನ್ನು ನೋಡಲು ದೇಶದ ನಾನಾ ಭಾಗಗಳಿಂದಲೇ ಅಲ್ಲದೇ ವಿದೇಶಿಗಳಿಂದಲು ಸಂದರ್ಶಕರು ಭೇಟಿ ನೀಡುತ್ತಾರೆ. ದೇಶದ ಜನಪ್ರಿಯ ಐತಿಹಾಸಿಕ ಕಟ್ಟಡಗಳಲ್ಲಿ ಇದು ಕೂಡ ಒಂದು.

ಶ್ರೀಮಂತ ಮೊಘಲ್‌ ಇತಿಹಾಸವನ್ನು ನೆನಪಿಸುವ ಕೆಂಪು ಕೋಟೆ, ಹುಮಾಯೂನ್‌ ಸಮಾಧಿ ಸೇರಿದಂತೆ ಅನೇಕ ತಾಣಗಳು ದೆಹಲಿಯಲ್ಲಿದೆ.

೨. ರಾಜಘಾಟ್

ದೆಹಲಿಯ ರಾಜಘಾಟ್‌ನಲ್ಲಿ ರಾಷ್ಟ್ರಪಿತ ಮಹಾತ್ಮ ಗಾಂಧಿಯವರ ಸಮಾಧಿ ಇದೆ. ಗಾಂಧಿಯವರ ತತ್ವಗಳನ್ನು ಹಾಗು ಮಹಾತ್ಮ ಗಾಂಧಿಯವರ ವ್ಯಕ್ತಿತ್ವವನ್ನು ನೀವು ಇಷ್ಟಪಡುವವರಾಗಿದ್ದರೆ ಈ ಸ್ಥಳಕ್ಕೆ ಭೇಟಿ ನೀಡುವುದನ್ನು ಮರೆಯದಿರಿ. ಇದು ಜಾಮಾ ಮಸೀದಿಯ ಸಮೀಪದಲ್ಲಿಯೇ ಇದೆ.

೩. ಮೀನಾ ಬಜಾರ್

ದೆಹಲಿಗೆ ಹೋದಾಗ ಶಾಪಿಂಗ್‌ ಮಾಡದೇ ಹಿಂದಿರುವುದಕ್ಕೆ ಆಗುತ್ತಾ? ಜಾಮಾ ಮಸೀದಿಯ ಸಮೀಪದಲ್ಲಿ ಮೀನಾ ಮಾರ್ಕೆಟ್‌ ಇದೆ. ಇಲ್ಲಿ ಆಕರ್ಷಕವಾದ ಸರಕುಗಳು, ಬಟ್ಟೆಗಳು, ಆಭರಣಗಳು ಸೇರಿದಂತೆ ಗೃಹಬಳಕೆಯ ವಸ್ತುಗಳು ದೊರೆಯುತ್ತವೆ.

ಶಾಪಿಂಗ್‌ ಮಾಡಲು ಬಯಸುವ ಬಹುತೇಕರು ತಪ್ಪದೇ ಈ ಮೀನಾ ಬಜಾರ್‌ಗೆ ಭೇಟಿ ನೀಡುತ್ತಾರೆ. ಈ ಮಾರುಕಟ್ಟೆಯು ಬೆಳಿಗ್ಗೆ 11:30 ರಿಂದ ಸಂಜೆ 6 ರವರೆಗೆ ತೆರೆದಿರುತ್ತದೆ.

೪. ಇಂಡಿಯಾ ಗೇಟ್

ದೆಹಲಿಯ ಮತ್ತೊಂದು ಪ್ರಖ್ಯಾತ ಪ್ರವಾಸಿ ಆಕರ್ಷಣೆಯೆಂದರೆ ಅದು ಇಂಡಿಯಾ ಗೇಟ್ ಆಗಿದೆ. ಇದು ಜಾಮಾ ಮಸೀದಿಯಿಂದ ಕೆಲವೇ ಕೆಲವು ಕಿ.ಮೀ ದೂರದಲ್ಲಿದೆ. ಇಂಡಿಯಾ ಗೇಟ್‌ ಅತ್ಯುನ್ನತವಾದ ಉದ್ಯಾನವನ್ನು ಹೊಂದಿದೆ. ಒಂದೊಳ್ಳೆ ಪಿಕ್ನಿಕ್‌ಗಾಗಿ ಇಂಡಿಯಾ ಗೇಟ್‌ಗೆ ಹೋಗಬಹುದು.

ಇದನ್ನೂ ಓದಿ: ಫೆಬ್ರವರಿ ತಿಂಗಳಿನಲ್ಲಿ ಗೋವಾ ಟ್ರಿಪ್‌ ಯೋಜಿಸುವವರು ಈ ಲೇಖನ ಓದಿ