ಕೇರಳ ಆಹ್ಲಾದಕರವಾದ ಹಿನ್ನೀರು, ಮನಸ್ಸಿಗೆ ಮುದವನ್ನು ಉಂಟು ಮಾಡುವ ಪ್ರಾಕೃತಿಕ ದೃಶ್ಯಗಳು, ಸುಂದರವಾದ ವನ್ಯಜೀವಿಧಾಮಗಳಿಗೆ ನೆಲೆಯಾಗಿದೆ. ಇಲ್ಲಿನ ಗಿರಿಧಾಮಗಳು ಭಾರತದ ಪ್ರವಾಸಿಗರಿಗೆ ಮಾತ್ರವಲ್ಲದೇ, ವಿದೇಶಿ ಪ್ರವಾಸಿಗರನ್ನು ಕೂಡ ಸೆಳೆಯುತ್ತದೆ.
ಕೇರಳ ರಾಜ್ಯವು ಅನೇಕ ಶ್ರೀಮಂತ ರಾಷ್ಟ್ರೀಯ ಉದ್ಯಾನವನಗಳನ್ನು ಹೊಂದಿವೆ. ಅವುಗಳ ಬಗ್ಗೆ ಸಂಪೂರ್ಣವಾದ ಮಾಹಿತಿ ಇಲ್ಲಿ ನೀಡಲಾಗಿದೆ ಓದಿ.
ಅನಮುಡಿ ಶೋಲಾ ರಾಷ್ಟ್ರೀಯ ಉದ್ಯಾನವನ
ಕೇರಳ ರಾಜ್ಯದ ಈ ಅನಮುಡಿ ಶೋಲಾ ರಾಷ್ಟ್ರೀಯ ಉದ್ಯಾನವನವು ಕೇರಳದ ಇಡುಕ್ಕಿ ಜಿಲ್ಲೆಯ ಮುನ್ನಾರ್‌ನಿಂದ ಪಶ್ಚಿಮ ಘಟ್ಟಗಳ ಉದ್ದಕ್ಕೂ ಸುಮಾರು 45 ಕಿ.ಮೀ ದೂರದಲ್ಲಿದ. ಚಿತ್ತಾಕರ್ಷಕ ಸೊಬಗನ್ನು ಹೊಂದಿರುವ ಈ ಉದ್ಯಾನವನದಲ್ಲಿ ಟ್ರೆಕ್ಕಿಂಗ್ ಅನ್ನು ಕೈಗೊಳ್ಳಬಹುದು. ಇಲ್ಲಿ ಸ್ಥಳೀಯ ಜೀವಿಗಳು ಮತ್ತು ವೈವಿಧ್ಯಮಯ ಸಸ್ಯಗಳಿಗೆ ನೆಲೆಯಾಗಿದೆ.
ಈ ರಾಷ್ಟ್ರೀಯ ಉದ್ಯಾನವನದಲ್ಲಿ ನೀವು 62 ವಿಧದ ಸಸ್ಯಗಳು ಮತ್ತು 174 ರೀತಿಯ ಗಿಡಮೂಲಿಕೆಗಳನ್ನು ಒಳಗೊಂಡ ಸಸ್ಯಗಳನ್ನು ಅನ್ವೇಷಣೆ ಮಾಡಬಹುದು. ಕಾಡು ಬೆಕ್ಕು, ಚಿರತೆಗಳು, ಕಾಡೆಮ್ಮೆ, ತೋಳಗಳು, ಹುಲಿಗಳು, ಚಿರತೆ, ಆನೆಗಳು ಸೇರಿದಂತೆ ಇನ್ನು ಆನೇಕ ಕಾಡು ಪ್ರಾಣಿಗಳನ್ನು ನೀವು ಇಲ್ಲಿ ವೀಕ್ಷಿಸಬಹುದು.
ಭೇಟಿ ನೀಡಲು ಅತ್ಯುತ್ತಮ ಸಮಯ: ಅಕ್ಟೋಬರ್‌ನಿಂದ ಮಾರ್ಚ್‌ ತಿಂಗಳ ನಡುವೆ.
ಮತ್ತಿಕೆಟ್ಟನ್‌ ಶೋಲಾ ರಾಷ್ಟ್ರೀಯ ಉದ್ಯಾನವನ
ಈ ಮತ್ತಿಕೆಟ್ಟನ್‌ ಶೋಲಾ ರಾಷ್ಟ್ರೀಯ ಉದ್ಯಾನವನವು ಕೇರಳದ ಸುಂದರವಾದ ರಾಷ್ಟ್ರೀಯ ಉದ್ಯಾನವನಗಳಲ್ಲಿ ಒಂದಾಗಿದೆ. ಇದು ಇಡುಕ್ಕಿ ಜಿಲ್ಲೆಯಲ್ಲಿದ್ದು, ಕೇರಳ-ತಮಿಳುನಾಡು ಅಂತರರಾಜ್ಯ ಗಡಿಯಲ್ಲಿದೆ.
ಈ ರಾಷ್ಟ್ರೀಯ ಉದ್ಯಾನವನವು ವಿಶಿಷ್ಟವಾದ ಅರಣ್ಯ ಪರಿಸರ ವ್ಯವಸ್ಥೆಯನ್ನು ಹೊಂದಿದೆ. ಇಲ್ಲಿ ಚಿರತೆ, ಏಷ್ಯನ್ ಆನೆ, ಸಾಂಬಾರ್, ಕಾಡು ನಾಯಿ, ಗೌರ್ ಸಿವೆಟ್ಸ್, ಕಾಡು ಹಂದಿ, ಕಪ್ಪು ಹದ್ದು, ಕಾಡು ಬೆಕ್ಕುಗಳು, ಮಲಬಾರ್ ಇನ್ನು ಹಲವಾರು ಪ್ರಾಣಿಗಳನ್ನು ಕಾಣಬಹುದು.
ಭೇಟಿ ನೀಡಲು ಅತ್ಯುತ್ತಮ ಸಮಯ: ನವೆಂಬರ್‌ನಿಂದ ಏಪ್ರಿಲ್‌ ತಿಂಗಳ ನಡುವೆ.
ಎರವಿಕುಲಂ ರಾಷ್ಟ್ರೀಯ ಉದ್ಯಾನವನ
ಕೇರಳದ ರಾಜ್ಯದ ಮತ್ತೊಂದು ಸುಂದರವಾದ ಉದ್ಯಾನವೆಂದರೆ ಅದು ಎರವಿಕುಲಂ ರಾಷ್ಟ್ರೀಯ ಉದ್ಯಾನವನ. 1975 ರಲ್ಲಿ ವನ್ಯಜೀವಿ ಅಭಯಾರಣ್ಯದ ರೂಪದಲ್ಲಿ ಸ್ಥಾಪಿಸಲಾಗಿದ್ದು, 1978 ರಲ್ಲಿ ರಾಷ್ಟ್ರೀಯ ಉದ್ಯಾನವನದ ಸ್ಥಾನಮಾನವನ್ನು ನೀಡಲಾಯಿತು.
ಇಲ್ಲಿ ಅಳಿವಿನಂಚಿನಲ್ಲಿರುವ ಹಲವಾರು ಪ್ರಾಣಿಗಳನ್ನು ವೀಕ್ಷಿಸಬಹುದು. ಇಲ್ಲಿ ಚಿರತೆ, ಕಾಡು ನಾಯಿ, ದೈತ್ಯ ಅಳಿಲು, ಅಟ್ಲಾಸ್‌ ಚಿಟ್ಟೆ, ಜಂಗಲ್‌ ಬೆಕ್ಕು ಮತ್ತು ಸಿವೆಟ್‌ ಬೆಕ್ಕುಗಳು, ಸೋಮಾರಿ ಕರಡಿಗಳು ಸೇರಿದಂತೆ ಇನ್ನು ಅನೇಕ ವೈವಿಧ್ಯಮಯ ಪ್ರಾಣಿಗಳನ್ನು ಕಂಡು ಆನಂದಿಸಬಹುದು.
ಭೇಟಿ ನೀಡಲು ಅತ್ಯುತ್ತಮ ಸಮಯ: ನವೆಂಬರ್‌ನಿಂದ ಏಪ್ರಿಲ್‌ ತಿಂಗಳ ನಡುವೆ.
ಪಂಪಾಡುಮ್‌ ಶೋಲಾ ರಾಷ್ಟ್ರೀಯ ಉದ್ಯಾನವನ
ಕೇರಳದ ಇಡುಕ್ಕಿ ಜಿಲ್ಲೆಯ ಮರಯೂರ್ ಪಟ್ಟಣದಲ್ಲಿ ನೆಲೆಗೊಂಡಿರುವ ಈ ರಾಷ್ಟ್ರೀಯ ಉದ್ಯಾನವನವು ವಿಶ್ವದ ಪ್ರಕೃತಿ ಪ್ರಿಯರನ್ನು ಆಕರ್ಷಿಸುತ್ತದೆ. 2004 ರಲ್ಲಿ ಇದನ್ನು ರಾಷ್ಟ್ರೀಯ ಉದ್ಯಾನವನವೆಂದು ಘೋಷಿಸಿದಾಗಿನಿಂದ, ವನ್ಯಜೀವಿ ಪ್ರೇಮಿಗಳ ಫೇವರೆಟ್ ಪ್ಲೇಸ್‌ ಇದಾಗಿದೆ.
ಇಲ್ಲಿ 93 ಕ್ಕೂ ಹೆಚ್ಚು ಜಾತಿಯ ಚಿಟ್ಟೆಗಳು, ವೈವಿಧ್ಯಮಯ ಪ್ರಾಣಿಗಳಿಗೆ ನೆಲೆಯಾಗಿದೆ.
ಭೇಟಿ ನೀಡಲು ಅತ್ಯುತ್ತಮ ಸಮಯ: ಅಕ್ಟೋಬರ್‌ನಿಂದ ಮೇ ತಿಂಗಳ ನಡುವೆ.
ಇದನ್ನು ಓದಿ: ರಾಕ್‌ ಕ್ಲೈಂಬಿಂಗ್‌, ಕಯಾಕಿಂಗ್‌, ಟ್ರೆಕ್ಕಿಂಗ್, ರಾಫ್ಟಿಂಗ್‌ ಮಾಡಬೇಕಾ? ಈ ತಾಣ ಬೆಸ್ಟ್….
ಇದನ್ನು ಓದಿ: ಮೇ ತಿಂಗಳ ಪ್ರವಾಸಕ್ಕೆ ಉತ್ತರ ಭಾರತದ ಈ ತಾಣಗಳನ್ನು ಆಯ್ಕೆ ಮಾಡಿಕೊಳ್ಳಿ….
ಪೆರಿಯಾರ್ ರಾಷ್ಟ್ರೀಯ ಉದ್ಯಾನವನ
ಪೆರಿಯಾರ್ ರಾಷ್ಟ್ರೀಯ ಉದ್ಯಾನವನವು ಕೇರಳ ರಾಜ್ಯದ ಥೆಕ್ಕಡಿಯಲ್ಲಿದೆ. ಇದು ಕೇರಳದ ಅತ್ಯಂತ ಜನಪ್ರಿಯವಾದ ಉದ್ಯಾನಗಳಲ್ಲಿ ಒಂದಾಗಿದೆ. ಇದು ಸುಮಾರು 26 ಚದರ ಕಿಲೋಮೀಟರ್‌ಗಳಷ್ಟು ವಿಸ್ತೀರ್ಣವನ್ನು ಹೊಂದಿದೆ.
ಇಲ್ಲಿ ಬೆಂಗಾಲ್ ಟೈಗರ್, ಗೌರ್, ಆನೆಗಳು, ಮಲಬಾರ್ ದೈತ್ಯ ಅಳಿಲು, ಸಾಬಾರ್, ಹಾರುವ ಅಳಿಲುಗಳು, ಮರಕುಟಿಗ, ಮಿಂಚುಳ್ಳಿ, ಸೇರಿದಂತೆ ಇನ್ನು ಅನೇಕ ಜೀವಿಗಳಿಗೆ ಆವಾಸಸ್ಥಾನವಾಗಿದೆ.
ಭೇಟಿ ನೀಡಲು ಅತ್ಯುತ್ತಮ ಸಮಯ: ಅಕ್ಟೋಬರ್‌ನಿಂದ ಮೇ ತಿಂಗಳ ನಡುವೆ.