ಡಿಸೆಂಬರ್ ನಲ್ಲಿ ಭೇಟಿ ನೀಡಬಹುದಾದ ಸೂಕ್ತತಾಣಗಳು
ನೀವು ಈ ತಿಂಗಳು ಯಾವುದಾದರೂ ಉತ್ತಮ ಸ್ಥಳಕ್ಕೆ ಪ್ರವಾಸ ಹೋಗಬೇಕೆಂದು ಬಯಸಿದರೆ, ಡಿಸೆಂಬರ್ ನಲ್ಲಿ ಭೇಟಿ ನೀಡಬಹುದಾದ ಪ್ರಮುಖ ಸ್ಥಳಗಳ ಬಗ್ಗೆ ಇಲ್ಲಿ ನೀಡಲಾಗಿದೆ.
ಜೈಸಲ್ಮೇರ್
ಸಂಪೂರ್ಣ ರಾಜಸ್ಥಾನ ಡಿಸೆಂಬರ್ ಪ್ರವಾಸಕ್ಕೆ ಸೂಕ್ತವಾಗಿದ್ದರೂ, ಜೈಸಲ್ಮೇರ್ ಎಲ್ಲಾ ಸ್ಥಳಗಳಿಗಿಂತ ಭಿನ್ನವೆನಿಸುತ್ತದೆ. ಇಲ್ಲಿನ ಚಿನ್ನದ ಮರಳುಗಳು, ಪಾರಂಪರಿಕ ಹೋಟೆಲ್ ಗಳು, ಮರುಭೂಮಿ ಕ್ಯಾಂಪ್ ಗಳು, ಒಂಟೆ ಸವಾರಿ ಇವೆಲ್ಲವೂ ನಿಮಗೆ ವಿಶ್ರಾಂತಿ ನೀಡಿ, ಸಮಸ್ಯೆರಹಿತ ರಜಾದಿನ ನೀಡುತ್ತದೆ. ಈ ಚಳಿಗಾಲದಲ್ಲಿ ಈ ಆಕರ್ಷಕ ಸ್ಥಳಕ್ಕೆ ಭೇಟಿ ನೀಡಿದರೆ ಹೋಂಸ್ಟೇ ಗೆ ಆದ್ಯತೆ ನೀಡುವಂತೆ ನಾವು ಸಲಹೆ ನೀಡುತ್ತೇವೆ.
ಹಂಪಿ
ಡಿಸೆಂಬರ್ ನಲ್ಲಿ ನೀವು ಛಾಯಾಚಿತ್ರಗಳಿಗೆ ಸೂಕ್ತವಾದ ಹಂಪಿಗೆ ಭೇಟಿ ನೀಡಬಹುದು. ಯುನೆಸ್ಕೋ ಸೈಟ್ ನಲ್ಲಿ, ಈ ಒಂದು ನಿಶ್ಶಬ್ದ ಸ್ಥಳ ವಿಶ್ವಾದ್ಯಂತ ಪ್ರವಾಸಿಗರ ಪ್ರಮುಖ ಆಕರ್ಷಣೆಯಾಗಿ ಸ್ಥಾನ ಪಡೆದಿದೆ. ಇದು ಬಂಡೆಗಳನ್ನೇರುವ ವ್ಯಕ್ತಿಗಳಲ್ಲಿ ಇದು ಪ್ರಸಿದ್ಧಿ ಪಡೆದಿದೆ. ಇದು ವಿಜಯನಗರ ಸಾಮ್ರಾಜ್ಯದ ಕೇಂದ್ರವಾಗಿದ್ದು, ಶತಮಾನಗಳ ನಂತರವೂ ಇಲ್ಲಿನ ವಾಸ್ತುಕಲೆ ಮತ್ತು ದೇವಸ್ಥಾನಗಳು ಆಕರ್ಷಣೀಯವಾಗಿವೆ.
ಗೋವಾ
ಪ್ರತೀ ಡಿಸೆಂಬರ್ ನಲ್ಲಿನೀವು ಭಾರತದಲ್ಲಿ ಯಾವುದಾದರೂ ಸ್ಥಳಕ್ಕೆ ಭೇಟಿ ನೀಡಲು ಬಯಸಿದರೆ, ನೀವು ಗೋವಾವನ್ನು ಮರೆಯಲಾಗುವುದಿಲ್ಲ. ಭಾರತದ ಈ ಹಸಿರು ರಾಜ್ಯ ಬೀಚ್ ತಾಣವಾಗಿದ್ದು, ಚಳಿಗಾಲದಲ್ಲಿ ಸೂರ್ಯಸ್ನಾನ ಮಾಡುವ ಮತ್ತು ಈಜುವ ಮನಸ್ಸಿದ್ದರೆ, ನೀವಿಲ್ಲಿಗೆ ಭೇಟಿ ನೀಡಲೇಬೇಕು. ನೀವು ಜನಜಂಗುಳಿ ಇರುವ ಬೀಚ್ ಗಳಿಗೆ ಭೇಟಿ ನೀಡುವುದಾದರೆ, ಮಾಸ್ಕ್ ಧರಿಸಿ, ಅಗತ್ಯವಿರುವ ಎಲ್ಲಾ ಸುರಕ್ಷಾ
ನಿಯಮಗಳನ್ನು ಅನುರಿಸುವುದು ಮುಖ್ಯ, ಗೋವಾ ಚಳಿಗಾಲದಲ್ಲಿ ಅನೇಕ ಪ್ರವಾಸಿಗರನ್ನು ಆಕರ್ಷಿಸುತ್ತದೆ ಮತ್ತು ಸಾಂಕ್ರಾಮಿಕ ಇನ್ನೂ ಅಸ್ತಿತ್ವದಲ್ಲಿರುವುದರಿಂದ ಎಚ್ಚರಿಕೆ ವಹಿಸುವುದು.
ರಣ್ ಆಫ್ ಕಛ್
ನೀವು ಭಿನ್ನ ಅನುಭವ ಬಯಸುವವರಾಗಿದ್ದರೆ ಗುಜರಾತಿನ ಕಛ್ ನಲ್ಲಿರುವ ರಣ್ ಗೆ ಭೇಟಿ ನೀಡಬಹುದು. ಡಿಸೆಂಬರ್ ನಲ್ಲಿ ಪ್ರಸಿದ್ಧ ರಣ್ ಉತ್ಸವ ನಡೆಯುತ್ತದೆ. ಇಲ್ಲಿ ನೋಡಬೇಕಾದ್ದು ಬಹಳ ಇರುವುದರಿಂದ ಈ ಬಾರಿ ಜನಜಂಗುಳಿಯನ್ನು ಆರಾಮವಾಗಿ ತಪ್ಪಿಸಬಹುದು. ನೀವು ಪಕ್ಷಿ ವೀಕ್ಷಣೆ, ಕಲಾ ಗ್ರಾಮ ಇತ್ಯಾದಿ ಅನೇಕ ಸ್ಥಳಗಳಲ್ಲಿ ಸಮಯ ಕಳೆಯಬಹುದು. ಒಮ್ಮೆ ನೀವು ಡೋಲಾವಿರಾ ಸ್ಥಳಕ್ಕೆ ಪ್ರವಾಸ ಮಾಡಲು ಬಯಸಿದರೆ, ಹಿಂದೂ ಕಣಿವೆಯ ನಾಗರಿಕತೆಯ ಅವಶೇಷಗಳನ್ನು ನೋಡಬಹುದು. ಈ ತಾಣ ಕಾರವಾನ್ ನಲ್ಲಿ ಪ್ರವಾಸ ಮಾಡುವವರಿಗೆ ಇಷ್ಟವಾದ ಸ್ಥಳವಾಗಿದ್ದು, ಕೋವೀಡ್ 19 ಇನ್ನೂ ಅಸ್ತಿತ್ವದಲ್ಲಿದ್ದರೂ ಪ್ರಯಾಣಿಸಲು ಸುರಕ್ಷಿತವಾದ ಸ್ಥಳಗಳಲ್ಲಿ ಒಂದಾಗಿದೆ.
ಕೊಲ್ಕತ್ತಾ
ಭಾರತದಲ್ಲಿ ಕ್ರಿಸ್ಮಸ್ ಅನ್ನು ಕೊಲ್ಕತ್ತಾದಲ್ಲಿ ಅದ್ಧೂರಿಯಾಗಿ ಆಚರಿಸಲಾಗುತ್ತದೆ. ಉತ್ತರ ಭಾರತ ಕ್ರಿಸ್ಮಸ್ ಮತ್ತು ಹೊಸ ವರ್ಷದ ಆಚರಣೆಯಲ್ಲಿ ಆಕರ್ಷಣೀಯವಾಗಿದ್ದು, ಕೊಲ್ಕತ್ತಾ ಭಿನ್ನ ಅನುಭವ ನೀಡುತ್ತದೆ. ಇದು ದೇಶದ ಅತ್ಯಂತ ದೊಡ್ಡ ಕ್ರಿಸ್ಮಸ್ ಕಾರ್ನಿವಾಲ್ ಗಳಲ್ಲಿ ಒಂದಾಗಿದೆ. ಹಬ್ಬಗಳು ಈ ವರ್ಷ ಆಕರ್ಷಣೆ ಕಳೆದುಕೊಂಡಿದ್ದರೂ, ಕೊಲ್ಕತ್ತಾದ ಕ್ರಿಸ್ಮಸ್ ಆಕರ್ಷಣೆ ಮರೆಯಲಾಗದಂತದ್ದು.
ಮುನ್ಸಿಯಾರಿ
ಉತ್ತರಾಖಂಡದ ಮುನ್ಸಿಯಾರಿ ಡಿಸೆಂಬರ್ ತಿಂಗಳಿನಲ್ಲಿ ಹಿಮದಿಂದ ಮುಚ್ಚಿಹೋಗುವ ತಾಣವಾಗಿದೆ. ನೀವು ಚಳಿ ಮತ್ತು ಹಿಮದೊಂದಿಗೆ ಇರಲು ಬಯಸಿದರೆ, ಮುನ್ಸಿಯಾರಿ, ಡಿಸೆಂಬರ್ ನಲ್ಲಿ ನಿಮಗೆ ಅತ್ಯಂತ ಸೂಕ್ತ ಸ್ಥಳವಾಗಲಿದೆ. ಹೆಚ್ಚಿನ ಜನರಿಗೆ, ಇದು ಸಾಮಾಜಿಕ ಅಂತರ ನಿರ್ವಹಿಸಲು ಅತ್ಯಂತ ಸೂಕ್ತ ಸ್ಥಳ.
To Read in English Click: DECEMBER IS HERE, AND SO IS OUR TRAVEL WISHLIST