ನೀವು ಚುಮು ಚುಮು ಚಳಿಯನ್ನು ಆನಂದಿಸಲು ಇಷ್ಟ ಪಡುವವರಾಗಿದ್ದರೆ ಹಾಗು ಟ್ರಕ್ಕಿಂಗ್ ಮಾಡಲು ಇಷ್ಟ ಪಡುವವರಾಗಿದ್ದರೆ, ಲೇಖನವು ನಿಮಗೆ ಅತ್ಯುತ್ತಮವಾದ ಮಾಹಿತಿ ನೀಡುತ್ತದೆ.
ನಮ್ಮ ಯುವ ಪೀಳಿಕೆಯು ಹಿಮಗಳ ಮಧ್ಯೆ ಬೆನ್ನಟ್ಟಲು ಇಷ್ಟಪಡುತ್ತಾರೆ. ವಿಶೇಷವಾಗಿ ಚಳಿಯಲ್ಲಿಯೇ ಭಾರತದ ಈ ತಾಣಗಳಿಗೆ ಚಾರಣ ಕೈಗೊಳ್ಳಬೇಕು. ಯುವ ಜನತೆಯು ಜೀವನದಲ್ಲಿ ಒಮ್ಮೆಯಾದರೂ ಪರ್ವತಗಳ ಸುಂದರವಾದ ನೋಟವನ್ನು ಆನಂದಿಸಲು ಚಳಿಗಾಲದಲ್ಲಿ ಟ್ರೆಕ್ಕಿಂಗ್ ಮಾಡಲು ಬಯಸುತ್ತಾರೆ.
ನೀವು ಈ ವರ್ಷಾಂತ್ಯದಲ್ಲಿ ಟ್ರೆಕ್ಕಿಂಗ್ ಮಾಡಲು ಆಯೋಜಿಸಿದ್ದರೆ, ಒಮ್ಮೆ ಲೇಖನವನ್ನು ಸಂಪೂರ್ಣವಾಗಿ ಓದಿ.
೧. ದೋಡಿಟಲ್ ಟ್ರೆಕ್
PC: Sumita Roy Dutta
ದೋಡಿಕಾಲ್ ಉತ್ತರಕಾಶಿ ಜಿಲ್ಲೆಯಲ್ಲಿ ನೆಲೆಗೊಂಡಿರುವ ಒಂದು ಸಣ್ಣ ಸರೋವರವಾಗಿದೆ. ಈ ಸಂದರವಾದ ತಾಣವು ಸಮುದ್ರ ಮಟ್ಟದಿಂದ ಸುಮಾರು ೩೦೦೦ ಮೀ ಎತ್ತರದಲ್ಲಿ ನೆಲೆಗೊಂಡಿದೆ.
ಇಲ್ಲಿ ನೀವು ಸುಂದರವಾದ ಚಾರಣ ಅನುಭವವನ್ನು ಪಡೆಯಬಹುದು. ಸಣ್ಣ ನದಿಗಳು, ದಟ್ಟವಾದ ಕಾಡುಗಳು, ದೊಡ್ಡ ಹುಲ್ಲು ಗಾವಲುಗಳು ಮತ್ತು ಪ್ರಕೃತಿಯ ಪ್ರಾಚೀನ ಸೌಂದರ್ಯದ ಸೊಗನ್ನು ಕಣ್ತುಂಬಿಕೊಳ್ಳುತ್ತಾ ಸಾಗಬಹುದು.
೨. ಹರ್ ಕಿ ಡನ್ ಟ್ರೆಕ್
PC: Metanish
ಇಲ್ಲಿನ ಪ್ರಾಕೃತಿಕ ಮಡಲಿನ ಟ್ರೆಕ್ಕಿಂಗ್ ಜೀವನದಲ್ಲಿ ಎಂದೂ ಮರೆಯಲಾಗದಂತಹ ಅನುಭವವನ್ನು ನೀಡುವುದರಲ್ಲಿ ಅನುಮಾನವೇ ಇಲ್ಲ. ಸಮುದ್ರ ಮಟ್ಟದಿಂದ ಸುಮಾರು ೩೫೦೦ ಮೀ ಎತ್ತರದ್ಲಲಿರುವ ಈ ಹಿಮಾಲದಲ್ಲಿ ಅತ್ಯುತ್ತಮವಾದ ಚಾರಣವನ್ನು ಪಡೆಯಬಹುದು.
ಈ ಸುಂದರವಾದ ಟ್ರೆಕ್ಕಿಂಗ್ ಮಾಡಬಹುದಾದ ತಾಣವು ಉತ್ತರಾಖಂಡದ ಗರ್ವಾಲ್ ಹಿಮಾಲಯದಲ್ಲಿದೆ. ಹಿಮದಿಂದ ಆವೃತವಾದ ಪರ್ವತಗಳು ನಿಮ್ಮ ಚಾರಣವನ್ನು ಸ್ವಾಗತಿಸುತ್ತದೆ.
೩. ರೂಪಕುಂಡ ಟ್ರೆಕ್
PC: Djds4rce
ಉತ್ತರಾಖಂಡದ ಅತ್ಯಂತ ಆಕರ್ಷಕವಾದ ಹಾಗು ರಹಸ್ಯಗಳನ್ನು ಹೊಂದಿರುವ ಮತ್ತೊಂದು ಹಿಮಾಲಯದ ತಾಣವೆಂದರೆ ಅದು ರೂಪಕುಂಡ. ಇದೊಂದು ರೋಮಾಂಚಕಾರಿ ರಹಸ್ಯವನ್ನು ತನ್ನಲ್ಲಿ ಅಡಗಿಸಿಕೊಂಡಿದೆ. ಈ ಸರೋವರವನ್ನು ‘ಅಸ್ಥಿಪಂಜರದ ಸರೋವರ’ ಎಂದೂ ಕೂಡ ಕರೆಯುತ್ತಾರೆ.
ಟ್ರೆಕ್ಕಿಂಗ್ ಮಾಡಲು ಭಾರತದಾದಂತ್ಯ ಅನೇಕ ಚಾರಣಿಗರು ಈ ರಹಸ್ಯಮಯವಾದ ತಾಣಕ್ಕೆ ಭೇಟಿ ನೀಡುತ್ತಾರೆ. ಇಲ್ಲಿ ಅಸ್ಥಿಪಂಜರಗಳು, ಮೂಳೆಗಳು ಮತ್ತು ತಲೆಬುರುಡೆಗಳು ಸೇರಿದಂತೆ ಮಾನವ ದೇಹದ ಅವಶೇಷಗಳು ಎಂಥವರನ್ನು ದಿಗ್ಭ್ರಮೆ ಗೊಳಿಸದೇ ಇರದು.
೪. ಬರಾದ್ಸರ್ ಲೇಕ್ ಟ್ರೆಕ್
PC: Maverick34
ಬರಾದ್ಸರ್ ಎಂಬ ಸುಂದರವಾದ ಸರೋವರವು ಹಿಮಾಚಲ ಪ್ರದೇಶದಲ್ಲಿರುವ ಅದ್ಭುತವಾದ ಟ್ರೆಕ್ಕಿಂಗ್ ತಾಣವಾಗಿದೆ. ಇದೊಂದು ಮಾಂತ್ರಿಕ ಸೌಂದರ್ಯವನ್ನು ಹೊಂದಿದ್ದು, ಚಾರಣಿಗರಿಗೆ ಅದ್ಭುತವಾದ ಅನುಭವವನ್ನು ನೀಡುತ್ತದೆ. ಈ ಪ್ರಾಚೀನವಾದ ಸರೋವರದ ಚಾರಣವು ಸಾಹಸಮಯವಾಗಿರುತ್ತದೆ. ಕಡಿದಾದ ದಾರಿ, ಬೆಟ್ಟ ಗುಡ್ಡಗಳನ್ನು ಹಾದು ಹೋಗುವ ಮೂಲಕ ನಿಮ್ಮ ಚಾರಣವು ಪ್ರಾರಂಭವಾಗುತ್ತದೆ.
ಟ್ರಕ್ಕಿಂಗ್ ಪ್ರಿಯರೇ: ಕರ್ನಾಟಕದ ೪ ನೇ ಅತಿ ಎತ್ತರದ ಶಿಖರಕ್ಕೆ ಎಂದಾದರೂ ಭೇಟಿ ನೀಡಿದ್ದೀರಾ?
೫. ಸ್ಟಾಕ್ ಕಂಗ್ರಿ ಟ್ರೆಕ್
PC: Aksveer
ಲಡಾಖ್ ಒಂದು ಅದ್ಭುತವಾದ ಪ್ರಪಂಚವನ್ನು ಹೊಂದಿರುವ ಸುಂದರವಾದ ತಾಣವಾಗಿದೆ. ಲಡಾಖ್ ನ ಈ ಸ್ಟಾಕ್ ಕಂಗ್ರಿ ಟ್ರೆಕ್ ಪ್ರತಿಯೊಬ್ಬ ಚಾರಣಿಗನ ಕನಸು ಎಂದೇ ಹೇಳಬಹುದು. ಇಲ್ಲಿನ ಈಡೀ ಶಿಖರವು ಚಾರಣಕ್ಕೆ ಯೋಗ್ಯವಾಗಿದೆ. ಇಲ್ಲಿನ ಎತ್ತರದ ಹಾದಿಗಳು, ಶುಷ್ಕ ಭೂ ದೃಶ್ಯಗಳು ನಿಮ್ಮ ಚಾರಣವನ್ನು ಸುಗಮವಾಗಿಸುತ್ತದೆ.
ರಾತ್ರಿ ಟ್ರಕ್ಕಿಂಗ್ ಮಾಡಬೇಕಾ ಹಾಗಾದರೆ ಇಲ್ಲಿಗೆ ಹೋಗಿ
೬. ಚಾದರ್ ಟ್ರೆಕ್
PC: Goutam1962
ಲಡಾಖ್ ನಲ್ಲಿರುವ ಕಷ್ಟಕರವಾದ ಚಾರಣಗಳಲ್ಲಿ ಚಾದರ್ ಟ್ರೆಕ್ಕಿಂಗ್ ಪ್ಲೇಸ್ ಕೂಡ ಒಂದು. ಇಲ್ಲಿನ ಟ್ರೆಕ್ಕಿಂಗ್ ಅನ್ನು ಭಾರತದ ಅತ್ಯಂತ ಕಷ್ಟಕರವಾದ ಚಾರಣಗಳಲ್ಲಿ ಒಂದು ಎಂದು ಗುರುತಿಸಲಾಗಿದೆ. ಇದೊಂದು ಸವಾಲಿ ಚಾರಣವಾಗಿದ್ದು, ಹೆಪ್ಪುಗಟ್ಟಿದ ನದಿಯನ್ನು ದಾಟಬೇಕಾಗಿರುತ್ತದೆ.
ಟ್ರಕ್ಕಿಂಗ್ ವೇಳೆ ಅಪ್ಪಿ ತಪ್ಪಿಯೂ ಈ ವಸ್ತುಗಳನ್ನು ಮರೆಯಬೇಡಿ
೭. ನಂದಾ ದೇವಿ ಟ್ರೆಕ್
PC: Sumod K Mohan
ನಂದಾ ದೇವಿಯ ಟ್ರೆಕ್, ಹಿಮಾಲಯದ ಟ್ರೆಕ್ ಆಗಿದೆ. ಇದು ಗರ್ವಾಲ್ ಎಂಬ ಪ್ರದೇಶ ಪ್ರಮುಖವಾದ ಆಕರ್ಷಣೆಗಳಲ್ಲಿ ಒಂದಾಗಿದೆ. ಸಮುದ್ರಮಟ್ಟದಿಂದ ಸುಮಾರು ೨೨೯೦ ಮೀಟರ್ ಎತ್ತರದಲ್ಲಿರುವ ಮುನ್ಸಿಯಾರಿಯಿಂದ ಟ್ರೆಕ್ ಪ್ರಾರಂಭವಾಗುತ್ತದೆ. ಈ ಸುಂದರವಾದ ತಾಣವು ನಿಗೂಢವಾದ ನೈಸರ್ಗಿಕ ಸೌಂದರ್ಯವನ್ನು ತನ್ನಲ್ಲಿ ಅಡಗಿಸಿಕೊಂಡಿದೆ.
ಇದು ಕೂಡ ಭಾರತದಲ್ಲಿನ ಅತ್ಯಂತ ಕಷ್ಟಕರವಾದ ಚಾರಣಗಳಲ್ಲಿ ಒಂದಾಗಿದೆ.
Read In English: BEAUTIFUL WINTER TREKS IN INDIA IF YOU LOVE CHASING SNOW