ಭಾರತ: ಈ ಗ್ರಾಮದ ಜನರು ಸಂವಿಧಾನದ ನಿಮಯಗಳನ್ನು ಪಾಲಿಸುವುದಿಲ್ಲವಂತೆ…!

PC:Jaypee

ಈ ಮಲಾನಾ ಗ್ರಾಮ ಇರುವುದು ಹಿಮಾಚಲ ಪ್ರದೇಶ ರಾಜ್ಯದ ಕುಲು ಜಿಲ್ಲೆಯಲ್ಲಿ. ಈ ಗ್ರಾಮವು ಸಮುದ್ರಮಟ್ಟದಿಂದ ಸುಮಾರು 12,000 ಅಡಿ ಎತ್ತರದಲ್ಲಿದೆ. ಮಲಾನಾ ಗ್ರಾಮವು ನಿಜಕ್ಕೂ ಪ್ರಕೃತಿಯಿಂದ ಆರ್ಶೀವದಿಸ್ಪಟ್ಟಿದೆ. ಗ್ರಾಮ ಆಳವಾದ ಹಳ್ಳಗಳು ಹಾಗು ಪರ್ವತಗಳಿಂದ ಆವೃತವಾಗಿದೆ.

ಇದು ಭಾರತದ ಅತ್ಯಂತ ವಿಚಿತ್ರವಾದ ಗ್ರಾಮಗಳಲ್ಲಿ ಒಂದು ಎಂದೆನಿಸಿಕೊಂಡಿದೆ. ಇಲ್ಲಿ ಭಾರತೀಯ ಕಾನೂನನ್ನು ಜನರು ಅನುಸರಿಸುವುದಿಲ್ಲ. ಹಳ್ಳಿಗರು ತಮ್ಮದೇ ಆದ ಕೆಲವು ನಿಯಮಗಳನ್ನು ಹಾಗು ಸಂಸತ್ತನ್ನು ಹೊಂದಿದೆ. ಅವರ ಆಧಾರದ ಮೇಲೆ ಮಾತ್ರ ಎಲ್ಲಾ ನಿರ್ಧಾರಗಳು ತೆಗೆದುಕೊಳ್ಳಲಾಗುತ್ತದೆ.

PC: Rohansandhu

ಈ ಗ್ರಾಮವು ತನ್ನದೇ ಆದ ವಿಭಿನ್ನ ಸಂವಿಧಾನವನ್ನು ಹೊಂದಿದೆ. ಗ್ರಾಮವು ಎರಡು ಸದನಗಳನ್ನು ಹೊಂದಿದೆ. ಅವುಗಳೆಂದರೆ, ಮೇಲ್ಮನೆ ಮತ್ತು ಕೆಳಮನೆ. ಮೇಲ್ಮನೆಯಲ್ಲಿ 11 ಸದಸ್ಯರಿದ್ದಾರೆ. ಇವರಲ್ಲಿ ಮೂವರು ಕಾರದಾರ, ಗುರು ಹಾಗು ಪೂಜಾರಿ. ಅವರು ಖಾಯಂ ಸದಸ್ಯರು ಎಂಬುದನ್ನು ನಾವು ನಿಮಗೆ ಹೇಳಬೇಕು.

ಉಳಿದ 8 ಸದಸ್ಯರನ್ನು ಗ್ರಾಮಸ್ಥರು ಮತದಾನದ ಮೂಲಕ ಆಯ್ಕೆ ಮಾಡುತ್ತಾರೆ. ಅಚ್ಚರಿ ಏನಪ್ಪ ಅಂದರೆ, ಸದನದ ಪ್ರತಿ ಮನೆಯಿಂದ ಒಬ್ಬ ಸದಸ್ಯರು ಪ್ರತಿನಿಧಿಯಾಗಿರುತ್ತಾರೆ. ಸಂಸತ್ ಭವನವಾಗಿ ಇಲ್ಲಿ ಚೌಪಲ್ ಇದೆ. ಅಲ್ಲಿ ಎಲ್ಲಾ ವಿವಾದಗಳನ್ನು ಮತ್ತು ಎಲ್ಲಾ ನಿರ್ಧಾರಗಳು ಇತ್ಯರ್ಥವಾಗುತ್ತದೆ.

​

PC:Accesscrawl

ಜೊತೆಗೆ ಈ ಹಳ್ಳಿಯು ಕೆಲವು ನಿಯಮಗಳನ್ನು ಹೊಂದಿದೆ. ಅದೇನೆಂದರೆ, ಗ್ರಾಮದಲ್ಲಿರುವ ಗೋಡೆಗಳನ್ನು ಯಾರು ಮುಟ್ಟುವಂತಿಲ್ಲ. ಇದೇನಿದು? ಎಂದು ಆಶ್ಚರ್ಯ ಪಡುತ್ತಿದ್ದೀರಾ? ಹೌದು. ಗ್ರಾಮದ ಗೋಡೆಗಳನ್ನು ಹೊರಗಿನ ಜನರು ಸ್ಪರ್ಶಿಸುವಂತಿಲ್ಲ. ಒಂದು ವೇಳೆ ಗೋಡೆಯನ್ನು ಮುಟ್ಟಿದ್ದೆ ಆದರೆ ಅವರಿಗೆ ಕಠಿಣವಾದ ಶಿಕ್ಷೆಯನ್ನು ವಿಧಿಸಲಾಗುತ್ತದೆ.

PC:Shepi003

ಈ ಗ್ರಾಮದ ಜನರು ಕನಾಶಿ ಎಂಬ ವಿಭಿನ್ನವಾದ ಭಾಷೆಯನ್ನಾಡುತ್ತಾರೆ. ಈ ಭಾಷೆಯನ್ನು ಹೊರಗಿನವರು ಕಲಿಯಲು ನಿಷೇಧಿಸಲಾಗಿದೆ. ಪ್ರವಾಸಿಗರು ಗ್ರಾಮದಲ್ಲಿ ಉಳಿಯಲು ಸಾಧ್ಯವಿಲ್ಲದಿದ್ದರೂ, ಟೆಂಟ್‌ಗಳನ್ನು ಹಾಕಿಕೊಳ್ಳುವ ಮೂಲಕ ಉಳಿಯಬಹುದು.

ಇದನ್ನೂ ಓದಿ: ನಿಮ್ಮ ನೆಚ್ಚಿನ ಆಟಗಾರ ಹಾರ್ದಿಕ್‌ ಪಾಂಡ್ಯ ವಿವಾಹವಾದ ಈ ಐಷಾರಾಮಿ ಹೋಟೆಲ್‌ನ ಬಾಡಿಗೆ ಎಷ್ಟು ಗೊತ್ತಾ?

PC:Rohit Roy

ಮಲಾನಾ ಗ್ರಾಮವು ಕುಲುವಿನಿಂದ ಸುಮಾರು 45 ಕಿ.ಮೀ ದೂರದಲ್ಲಿದೆ. ರೈಲು ನಿಲ್ದಾಣವು ಹಳ್ಳಿಯಿಂದ ಹೆಚ್ಚು ದೂರದಲ್ಲಿರುವ ಕಾರಣ ಬಸ್ಸುಗಳ ಮೂಲಕ ಗ್ರಾಮಕ್ಕೆ ತಲುಪುವುದು ಉತ್ತಮ.

ಬಸ್‌ ನಿಲ್ದಾಣದಿಂದ ಸುಮಾರು 3 ರಿಂದ 4 ಕಿ.ಮೀ ಕಾಲ್ನಡಿಗೆಯ ಮೂಲಕ ಗ್ರಾಮವನ್ನು ತಲುಪಬೇಕು. ಇನ್ನು, ಗ್ರಾಮವು ಪಾರ್ಕಿಂಗ್‌ ಸೌಲಭ್ಯವನ್ನು ಹೊಂದಿಲ್ಲ.

ಇದನ್ನೂ ಓದಿ: ತಾಜ್‌ ಮಹಲ್‌: ಫೆಬ್ರವರಿ ತಿಂಗಳ ಈ 3 ದಿನಗಳು ಉಚಿತ ಪ್ರವೇಶ ಪಡೆಯಬಹುದು