ಶ್ರೀಲಂಕಾದಲ್ಲಿ ಪ್ರಾಚೀನವಾದ ಕಲ್ಲಿನ ಕೋಟೆ ಇದೆ. ಇದು ಶ್ರೀಲಂಕಾದ ಪ್ರಸಿದ್ಧವಾದ ಮತ್ತು ಐತಿಹಾಸಿಕ ತಾಣ ಎಂದು ಕೂಡ ಖ್ಯಾತಿಯನ್ನು ಪಡೆದಿದೆ. ಇದು ಸುಮಾರು 180 ಮೀಟರ್‌ ಎತ್ತರದ ಬಂಡೆಯ ಬೃಹತ್‌ ಸ್ತಂಭದಿಂದ ಪ್ರಾಬಲ್ಯ ಹೊಂದಿದೆ.
ಪುರಾತನ ಶ್ರೀಲಂಕಾದ ರಾಜವಂಶದ ವೃತ್ತಾಂತದ ಪ್ರಕಾರ, ಈ ಪ್ರದೇಶವು ಒಂದು ಕಾಲದಲ್ಲಿ ದಟ್ಟವಾದ ಅರಣ್ಯವಾಗಿತ್ತು. ಬಿರುಗಾಳಿ ಮತ್ತು ಭೂಕುಸಿತಗಳ ಕಾರಣ ಅದು ಬೆಟ್ಟವಾಗಿ ಪರಿರ್ವತನೆಯಾಯಿತು. ರಾಜ ಕಶ್ಯಪ, ಈ ತಾಣವನ್ನು ತನ್ನ ಹೊಸ ರಾಜಧಾನಿಯಾಗಿ ಆಯ್ಕೆ ಮಾಡಿಕೊಂಡನು.
ತನ್ನ ಸುಂದರವಾದ ಅರಮನೆಯನ್ನು ಒಂದು ಬಂಡೆಯ ಮೇಲೆ ನಿರ್ಮಿಸಬೇಕು ಎಂದು ಯೋಜನೆಯನ್ನು ರೂಪಿಸಿದನು. ಹಾಗಾದರೆ ಆ ಬಂಡೆ ಯಾವುದು? ಎಲ್ಲಿದೆ? ಎಂಬುದನ್ನು ಸಂಕ್ಷಿಪ್ತವಾಗಿ ಲೇಖನದ ಮೂಲಕ ತಿಳಿಯಿರಿ.
ಎಲ್ಲಿದೆ ಆ ಬಂಡೆ?
PC: Cherubino
ಸಿಗರಿಯಾ ಅಥವಾ ಸಿಂಹಗಿರಿಯು ಶ್ರೀಲಂಕಾದ ಮಧ್ಯ ಪ್ರಾಂತ್ಯದ ಡಂಬುಲ್ಲಾ ಪಟ್ಟಣದ ಬಳಿ ಇದೆ. ಇದು ಉತ್ತರ ಮಾತಾಲೆ ಜಿಲ್ಲೆಯಲ್ಲಿ ನೆಲೆಗೊಂಡಿರುವ ಪ್ರಾಚೀನ ಕಲ್ಲಿನ ಕೋಟೆಯಾಗಿದೆ. ರಾಜ ಕಶ್ಯಪನು ಬೆಟ್ಟದ ಮೇಲೆ ಸುಂದರವಾದ ಅರಮನೆಯನ್ನು ನಿರ್ಮಿಸಿದನು. ಬಂಡೆಗಳಲ್ಲಿ ವರ್ಣರಂಜಿತ ಹಸಿಚಿತ್ರಗಳಿಂದ ಅಲಂಕರಿಸಿದನು.
ಈ ಬಂಡೆಯ ಅರ್ಧ ಭಾಗದ ಸಿಂಹದ ರೂಪದಲ್ಲಿ ಗೇಟ್‌ವೇ ಅನ್ನು ನಿರ್ಮಿಸಿದನು. ಹಾಗಾಗಿಯೇ ಈ ಸ್ಥಳಕ್ಕೆ ಸಿಂಹಗಿರಿ ಎಂಬ ಹೆಸರು ಬಂದಿತು.
ದಂತ ಕಥೆಯ ಪ್ರಕಾರ
PC: Venkasub
ಈ ಸಿಗರಿಯಾ ಕೋಟೆಯನ್ನು ಸಿಂಹದ ಬಂಡೆ ಎಂದೂ ಕೂಡ ಕರೆಯುತ್ತಾರೆ. ಏಕೆಂದರೆ ದಟ್ಟವಾದ ಕಾಡಿನ ನಡುವೆ ಸಿಂಹವು ಎತ್ತರವಾಗಿ ನಿಂತಿರುವಂತೆ ವಿನ್ಯಾಸಗೊಳಿಸಲಾಗಿದೆ.
ದಂತಕಥೆಯ ಪ್ರಕಾರ, ಸಿಗರಿಯಾವನ್ನು ‘ಅಲಕಮಾಂಡವ’ ಎಂದು ಕರೆಯಲಾಗುತ್ತಿತ್ತು. ಇದನ್ನು ದೇವತೆಗಳ ನಗರ ಎಂದೇ ಭಾವಿಸಲಾಗಿತ್ತು. ಅಂದರೆ ಹಿಂದೂಗಳ ಸಂಪತ್ತಿನ ದೇವರಾದ ಕುಬೇರನಿಂದ ಈ ತಾಣವು ನಿರ್ಮಿಸಲ್ಪಟ್ಟಿದೆ ಎಂದು ನಂಬಲಾಗಿದೆ.
ರಾವಣನು ಅಧಿಕಾರ ವಹಿಸಿಕೊಳ್ಳುವ ಮೊದಲು ಸಂಪತ್ತಿನ ದೇವರಾದ ಕುಬೇರನು ಲಂಕಾವನ್ನು ಆಳುತ್ತಿದ್ದನಂತೆ. ಮಧ್ಯಶಿಲಾಯುಗದಿಂದಲೂ ಇಲ್ಲಿ ಮನುಷ್ಯರು ವಾಸಿಸುತ್ತಿದ್ದರಂತೆ ಎಂದು ಪುರಾತ್ತತ್ವ ಶಾಸ್ತ್ರಗಳು ತಿಳಿಸುತ್ತವೆ.
ಯುನೆಸ್ಕೋ ವಿಶ್ವ ಪರಂಪರೆಯ ತಾಣ
ರಾಜನ ಮರಣದ ನಂತರ ರಾಜಧಾನಿ ಮತ್ತು ರಾಜಮನೆತನವನ್ನು ಕೈಬಿಡಲಾಯಿತು. ಈ ತಾಣವನ್ನು 14 ನೇ ಶತಮಾನದವರೆಗೂ ಬೌದ್ಧ ವಿಹಾರವಾಗಿ ಬಳಸಲಾಗುತ್ತಿತ್ತು. ಸಿಗರಿಯಾ ಇಂದು ಯುನೆಸ್ಕೋ ಪಟ್ಟಿ ಮಾಡಿದ ವಿಶ್ವ ಪರಂಪರೆಯ ತಾಣವಾಗಿದೆ.
ಇಲ್ಲಿನ ಕಲ್ಲಿನ ಕೋಟೆಯನ್ನು ಮೂರು ಭಾಗಗಳಾಗಿ ವಿಂಗಡಿಸಲಾಗಿದೆ. ಅರಮನೆಯು ಮೇಲಿನ ಭಾಗದ ಅವಶೇಷವಾಗಿದ್ದು, ಮಧ್ಯದ ಭಾಗವು ಸಿಂಹ ದ್ವಾರ, ಕನ್ನಡಿ ಗೋಡೆಗಳು ಮತ್ತು ಅದರ ಹಸಿಚಿತ್ರಗಳನ್ನು ಒಳಗೊಂಡಿದೆ.
ಕೆಳಗಿನ ಭಾಗವು ಕೋಟೆಯನ್ನು ರಕ್ಷಿಸುವ ಉದ್ಯಾನಗಳು ಮತ್ತು ಕಂದಕಗಳನ್ನು ಹೊಂದಿದೆ.
ಇದನ್ನು ಓದಿ: ಮೌಂಟ್‌ ಅಬು: ರಾಜಸ್ಥಾನದ ಏಕೈಕ ಸುಂದರ ಗಿರಿಧಾಮಈ ಕಲ್ಲಿನ ಕೋಟೆಯ ವಿಶೇಷತೆಗಳು
ಸಿಗರಿಯಾ ರಾಕ್ ಫೋರ್ಟ್‌ ಶ್ರೀಲಂಕಾದ ಅತ್ಯಂತ ಜನಪ್ರಿಯವಾದ ದೃಶ್ಯ ವೀಕ್ಷಣೆಯನ್ನು ಒಳಗೊಂಡಿರುವ ತಾಣವಾಗಿದೆ. ಈ ಕಲ್ಲಿನ ಕೋಟೆಯು ಸುಮಾರು 1200 ಮೆಟ್ಟಿಲುಗಳನ್ನು ಒಳಗೊಂಡಿದೆ. ಸುಮಾರು 1 ಗಂಟೆಗೂ ಹೆಚ್ಚು ಕಾಲ ಬೆಟ್ಟಕ್ಕೆ ತಲುಪಲು ಸಮಯ ತೆಗೆದುಕೊಳ್ಳಬಹುದು.
ಕೆಲವು ಪ್ರದೇಶಗಳಲ್ಲಿ ಕಡಿದಾದ ದಾರಿ ಇರುವುದರಿಂದ ವಯಸ್ಸಾದವರಿಗೆ ಆರೋಹಣ ಕಷ್ಟವಾಗಬಹುದು. ಯುವಕರಿಗೆ ಶ್ರೀಲಂಕಾದ ಈ ಕಲ್ಲಿನ ಕೋಟೆ ಫೆವರೇಟ್‌ ಸ್ಪಾಟ್‌ ಎಂದರೆ ತಪ್ಪಾಗಲಾರದು. ಶ್ರೀಲಂಕಾಗೆ ಭೇಟಿ ನೀಡುವ ಸಾಕಷ್ಟು ಮಂದಿ ಈ ಸಿಗರಿಯಾ ರಾಕ್ ಫೋರ್ಟ್‌ಗೆ ಭೇಟಿ ನೀಡಲು ಇಷ್ಟ ಪಡುತ್ತಾರೆ.
ಇದನ್ನು ಓದಿ: ಕೊಡೈಕೆನಾಲ್‌ನಲ್ಲಿ ಯಾವೆಲ್ಲಾ ತಾಣಗಳಿಗೆ ಹೋಗಿ ಎಂಜಾಯ್ ಮಾಡಬೇಕು ಗೊತ್ತಾ?
ಇದನ್ನು ಓದಿ: ಆಗ್ರಾ: ಮಾರ್ಚ್ 20 ರಿಂದ ತಾಜ್‌ ಮಹೋತ್ಸವ ಆಚರಿಸಲು ಸಜ್ಜಾಗಿದೆ..
ಸಿಗರಿಯಾದ ಪ್ರವೇಶ ಸಮಯ
PC: V. Epiney
ಸಿಗರಿಯಾದ ಕಲ್ಲಿನ ಕೋಟೆಯ ಪ್ರವೇಶ ಸಮಯ ಬೆಳಗ್ಗೆ 7 ರಿಂದ ಸಂಜೆ 4 ಗಂಟೆಯವರೆಗೆ.
ಪ್ರವೇಶ ಶುಲ್ಕ: ಈ ಸುಂದರವಾದ ತಾಣವನ್ನು ಅನ್ವೇಷಣೆ ಮಾಡಲು ಒಬ್ಬರಿಗೆ 4500 ರೂಪಾಯಿ.
ಸೂಕ್ತವಾದ ಸಮಯ: ಶ್ರೀಲಂಕಾದ ಈ ತಾಣಗಳನ್ನು ಅನ್ವೇಷಣೆ ಮಾಡಲು ಸೂಕ್ತವಾದ ಸಮಯವೆಂದರೆ ಅದು ಜನವರಿ ತಿಂಗಳಿನಿಂದ ಏಪ್ರಿಲ್‌ ತಿಂಗಳ ನಡುವೆ. ಈ ಸಮಯದಲ್ಲಿ ಶ್ರೀಲಂಕಾದ ಪ್ರವಾಸವು ಆಹ್ಲಾದಕರವಾಗಿರುತ್ತದೆ.
ಇದನ್ನು ಓದಿ: ರಾಮೋಜಿ ಫಿಲ್ಮ್‌ ಸಿಟಿಯ ಪ್ರವೇಶ ಶುಲ್ಕ, ಪ್ರವೇಶ ಸಮಯದ ಕಂಪ್ಲೀಟ್‌ ಡೀಟೇಲ್ಸ್ ಇಲ್ಲಿದೆ….