ಹಿಮಾಚಲ ಪ್ರದೇಶದ ಸೊಬಗಿನ ಕಿರೀಟದ ಮುತ್ತುಗಳು ಈ ಸುಂದರ ಗ್ರಾಮಗಳು...

| Image Courtesy : wikipedia/Harvinder Chandigarh

ಹಿಮಾಚಲ ಪ್ರದೇಶದ ಸುಂದರ ಗ್ರಾಮಗಳಲ್ಲಿ ಬರೋತ್ ಕೂಡಾ ಒಂದು. ಮಂಡಿ ಜಿಲ್ಲೆಯ ಪ್ರವಾಸಿ ಸ್ಥಳ ಇದು. ಮಂಡಿ ಜಿಲ್ಲೆ ಸಾಕಷ್ಟು ಸಂಖ್ಯೆಯಲ್ಲಿ ಪ್ರವಾಸಿಗರನ್ನು ಆಕರ್ಷಿಸುತ್ತದೆ. ಮಂಡಿಯ ಸೊಬಗಿನ ತಾಣಗಳಲ್ಲಿ ಬರೋತ್ ಕೂಡಾ ಒಂದು. ಜೋಗಿಂದರ್‌ನಗರದಿಂದ ಸುಮಾರು 40 ಕಿಮೀ ದೂರದಲ್ಲಿ ಈ ಸುಂದರ ಗ್ರಾಮವಿದೆ. ಇಲ್ಲಿ ಚಾರಣಕ್ಕೆ ಬೇಕಾದ ಸಾಕಷ್ಟು ಅವಕಾಶಗಳೂ ಇವೆ. ಹಸಿರ ಕಾಡಿನ ಸುಂದರ ಬೆಟ್ಟಗಳು ಮತ್ತು ಹಿಮಾಲಯದ ಸುಂದರ ನೋಟವನ್ನು ಇಲ್ಲಿ ಸವಿಯಬಹುದು. ಪ್ರಕೃತಿಯ ಸೊಬಗನ್ನು ಆಸ್ಪಾದಿಸುವ ಸಲುವಾಗಿ ಇಲ್ಲಿಗೊಮ್ಮೆ ಭೇಟಿ ನೀಡಬಹುದು. ಇಲ್ಲಿನ ಪ್ರಶಾಂತ ವಾತಾವರಣ ಮನಸ್ಸಿಗೆ ಉಲ್ಲಾಸ ನೀಡುವಂತಿರುತ್ತದೆ.

image by rajesh balouria from pixabay

ಹಿಮಾಚಲ ಪ್ರದೇಶದಲ್ಲಿ ಶಿಮ್ಲಾ ಪ್ರವಾಸೋದ್ಯಮದ ವಿಷಯದಲ್ಲಿ ತನ್ನದೇ ಆದ ಛಾಪನ್ನು ಮೂಡಿಸಿದೆ. ಶಿಮ್ಲಾ ಎಂಬುದು ಪ್ರಸಿದ್ಧ ಹನಿಮೂನ್ ಸ್ಪಾಟ್ ಕೂಡಾ ಹೌದು. ಇಲ್ಲಿನ ಪ್ರಶಾಂತ ವಾತಾವರಣ, ಸುಂದರ ಪರಿಸರ, ಪರ್ವತಗಳ ಸಾಲು ವರ್ಷಂಪ್ರತಿ ಸಾಕಷ್ಟು ಪ್ರವಾಸಿಗರನ್ನು ಸೆಳೆಯುತ್ತಿರುತ್ತದೆ. ಇದೇ ಶಿಮ್ಲಾದಿಂದ ಸುಮಾರು 13 ಕಿಮೀ ದೂರದಲ್ಲಿ ಶೋಗಿ ಎಂಬ ಇನ್ನೊಂದು ಸುಂದರ ಗಿರಿಧಾಮವಿದೆ. ಇದು ಕೂಡಾ ಶಿಮ್ಲಾದಂತೆ ರಮಣೀಯ ಸೌಂದರ್ಯ, ಸಸ್ಯ, ಸುಂದರ ಭೂದೃಶ್ಯಗಳನ್ನು ಹೊಂದಿದೆ. ಶೋಗಿಯಲ್ಲಿ ಸಾಕಷ್ಟು ಪುರಾತನ ದೇವಾಲಯಗಳೂ ಇವೆ. ವರ್ಷವಿಡೀ ಇಲ್ಲಿ ಆಹ್ಲಾದಕರ ವಾತಾವರಣ ಇರುವುದರಿಂದ ಶಿಮ್ಲಾಕ್ಕೆ ಬಂದ ಸಾಕಷ್ಟು ಮಂದಿ ಶೋಗಿ ಗ್ರಾಮಕ್ಕೂ ಭೇಟಿ ನೀಡುತ್ತಾರೆ. ಇಲ್ಲಿನ ಸುಂದರ ಪ್ರಕೃತಿ ಎಲ್ಲರನ್ನೂ ಮಂತ್ರಮುಗ್ಧರನ್ನಾಗಿಸುವಂತಿದೆ. ಟೆಕ್ಕಿಂಗ್, ಕ್ಯಾಂಪಿಂಗ್‌ಗೂ ಇಲ್ಲಿ ಸಾಕಷ್ಟು ಅವಕಾಶಗಳಿವೆ.

image by avalok sastri from pixabay

ಹಿಮಾಚಲ ಪ್ರದೇಶದ ಸುಂದರ ತಾಣಗಳಲ್ಲಿ ಸ್ಪಿತಿ ಕಣಿವೆ ಕೂಡಾ ಒಂದು. ಇದೇ ಸ್ಪಿತಿ ಕಣಿವೆಯಲ್ಲಿದೆ ಮತ್ತೊಂದು ಸುಂದರ ತಾಣವೆಂದರೆ ಲಾಂಗ್ಜಾ ಗ್ರಾಮ. ಪ್ರಾಚೀನ ಮಠಗಳು, ಪುರಾತನ ಕಟ್ಟಡಗಳು, ಇತಿಹಾಸಪೂರ್ವ ಯುಗದ ಕುರುಹುಗಳನ್ನೂ ಇಲ್ಲಿ ನೋಡಬಹುದಾಗಿದೆ. ಕಣ್ಮನ ಸೆಳೆಯುವ ಹುಲ್ಲುಗಾವಲು, ಹಿಮದಿಂದ ಆವೃತ್ತವಾದ ಪರ್ವತದ ಸಾಲು, ಸುಂದರ ಭೂದೃಶ್ಯಗಳಿಗೆ ಎಲ್ಲರನ್ನೂ ಸಮ್ಮೋಹನಗೊಳಿಸುವ ಮಾಂತ್ರಿಕ ಶಕ್ತಿ ಇದೆ. ಸ್ಪಿತಿ ಕಣಿವೆಯಲ್ಲಿರುವ ಸುಂದರ ಪ್ರದೇಶದಲ್ಲಿ ಲಾಂಗ್ಜಾ ಗ್ರಾಮ ಅಗ್ರಪಂಕ್ತಿಯಲ್ಲಿ ನಿಲ್ಲುತ್ತದೆ. ಇಲ್ಲಿನ ಪ್ರಾಕೃತಿಕ ಸೊಬಗು ಪ್ರವಾಸಿಗರಿಗೆ ಹೊಸಲೋಕದಲ್ಲಿದ್ದಂತಹ ಅನುಭವವನ್ನೂ ತರುವಂತಿದೆ. ಸಾಕಷ್ಟು ಕರಕುಶಲ ವಸ್ತುಗಳ ತಯಾರಿಕೆಗೂ ಲಾಂಗ್ಜಾ ಗ್ರಾಮ ಹೆಸರುವಾಸಿಯಾಗಿದೆ. ಇದು ಇಲ್ಲಿನ ಜನರ ಜೀವನೋಪಾಯಕ್ಕೂ ಆಧಾರವಾಗಿದೆ. ಇಲ್ಲೂ ಪ್ರಾಚೀನ ದೇವಾಲಯವಿದೆ. ಇಲ್ಲೂ ಪರ್ವತಾರೋಹಣ, ಟ್ರೆಕ್ಕಿಂಗ್‌ನಂತಹ ಸಾಹಸ ಚಟುವಟಿಕೆಗಳನ್ನು ಆನಂದಿಸಬಹುದು.

Also Read : ಜಿಟಿಜಿಟಿ ಮಳೆ, ಮೋಡಿ ಮಾಡುವ ಬೆಳ್ಮಂಜು : ವಾರಾಂತ್ಯದ ಖುಷಿಗೆ ಜತೆಯಾಗುತ್ತದೆ ಕೊಡಗು

image by avalok sastri from pixabay

ಹಿಮಾಚಲ ಪ್ರದೇಶ ಎಂದ ತಕ್ಷಣ ಪ್ರವಾಸಿಗರಿಗೆ ನೆನಪಾಗುವುದು ಸುಂದರ ಪರಿಸರ, ಸೊಬಗಿನ ಭೂದೃಶ್ಯ. ಸಾಕಷ್ಟು ಪ್ರವಾಸ ಪ್ರಿಯರು ತಮ್ಮ ರಜಾಕಾಲದಲ್ಲಿ ಒಮ್ಮೆಯಾದರೂ ಇಲ್ಲಿಗೆ ಭೇಟಿ ನೀಡುತ್ತಾರೆ. ಇಂತಹ ಹಿಮಾಚಲದ ಮೋಡಿ ಮಾಡುವಂತಹ ಪ್ರದೇಶದಲ್ಲಿ ಗುಶೈನಿ ಕೂಡಾ ಒಂದು. ಇದೊಂದು ಸುಂದರ ಗ್ರಾಮ. 4500 ಅಡಿ ಎತ್ತರದಲ್ಲಿದೆ ಗುಶೈನಿ ಸುಂದರ ಬೆಟ್ಟಗಳು, ತೀರ್ಥನ್ ನದಿ ಇಲ್ಲಿ ಎಲ್ಲರನ್ನೂ ಸೆಳೆಯುವಂತಿರುತ್ತದೆ. ಗ್ರೇಟ್ ಹಿಮಾಲಯನ್ ರಾಷ್ಟ್ರೀಯ ಉದ್ಯಾನವನಕ್ಕೆ ಚಾರಣ ಹೋಗುವವರಿಗೆ ಗುಶೈನಿ ಬಗ್ಗೆ ಚೆನ್ನಾಗಿ ಗೊತ್ತಿರುತ್ತದೆ. ಹೈಕಿಂಗ್, ಕ್ಯಾಂಪಿಂಗ್‌, ಟ್ರೆಕ್ಕಿಂಗ್ ಸೇರಿದಂತೆ ಸಾಕಷ್ಟು ಸಾಹಸಮಯ ಚಟುವಟಿಕೆಗಳಿಗೂ ಇಲ್ಲಿ ಅವಕಾಶವಿದೆ. ಇಲ್ಲಿ ಖುಷಿಯಿಂದ ಕಳೆಯುವುದಕ್ಕೆ ಯಾವುದೇ ಕೊರತೆ ಇಲ್ಲ. ಬೇಸಿಗೆಯ ತಿಂಗಳುಗಳು ಇಲ್ಲಿ ಆಹ್ಲಾದಕರವಾಗಿರುತ್ತದೆ, ಚಳಿಗಾಲದ ಕೂಡಾ ಇಲ್ಲಿ ಸುಂದರವಾಗಿರುತ್ತದೆ. ಆದರೆ, ಮಾನ್ಸೂನ್ ಅವಧಿಯಲ್ಲಿ ಇಲ್ಲಿಗೆ ಬರುವುದಕ್ಕೆ ಉತ್ತಮ ಸಮಯವಲ್ಲ. ಮಾನ್ಸೂನ್ ನಂತರದ ಋತುಗಳು ಗುಶೈನಿಗೆ ಭೇಟಿ ನೀಡಲು ಸೂಕ್ತವಾದ ಕಾಲ.

Also Read : ಸರಿಯಾಗಿ ಪ್ಲ್ಯಾನ್ ಮಾಡಿದರೆ ಈ ಎಲ್ಲಾ ದೇಶಗಳಿಗೆ ಕಡಿಮೆ ಖರ್ಚಿನಲ್ಲಿ ಟೂರ್ ಹೋಗಬಹುದು

| Image Courtesy : wikipedia/Snotch

ಕಿನ್ನೌರ್ ಜಿಲ್ಲೆಯಲ್ಲಿ ನಾಕೋ ಎಂಬ ಸುಂದರ ಗ್ರಾಮ. ಕಿನ್ನೌರ್ ಸಾಕಷ್ಟು ಪ್ರವಾಸಿಗರನ್ನು ಸೆಳೆಯುವ ಜಿಲ್ಲೆ. ನಾಕೋ ಈ ಸೊಬಗಿಗೆ ಇನ್ನಷ್ಟು ರಂಗು ತಂದಿದೆ. ಭಾರತ ಚೀನಾ ಗಡಿಯಲ್ಲಿ ಈ ಗ್ರಾಮವಿದೆ. ಸುಂದರ ನಾಕೋ ಸರೋವರ ಇಲ್ಲಿನ ಪ್ರಮುಖ ಆಕರ್ಷಣೆಗಳಲ್ಲಿ ಒಂದು.

Also Read : ಫ್ರೆಂಡ್ಸ್‌ ಜತೆಗೆ ಖುಷಿಯ ಪ್ರವಾಸಕ್ಕೆ ರೆಡಿಯಾಗುತ್ತಿದ್ದೀರಾ? : ಹಾಗಾದರೆ, ಈ ತಾಣಗಳು ಬೆಸ್ಟ್‌

ಪುರಾತನ ಮಠ, ಬೌದ್ಧ ಧಾರ್ಮಿಕ ಕ್ಷೇತ್ರಗಳು ಸಾಕಷ್ಟು ಸಂಖ್ಯೆಯಲ್ಲಿ ಇಲ್ಲಿವೆ. ವರ್ಷದ ಯಾವುದೇ ಋತುವಿನಲ್ಲಿ ಇಲ್ಲಿಗೆ ಹೋಗಬಹುದಾದರೂ ಚಳಿಗಾಲ ಇದು ಇನ್ನಷ್ಟು ಮಾಂತ್ರಿಕ ಸೌಂದರ್ಯವನ್ನು ಹೊಂದಿರುತ್ತದೆ. ಹಿಮ ಆವೃತ್ತವಾದ ಪರ್ವತಗಳ ಸಾಲು ಕಣ್ಣಿಗೆ ಹಬ್ಬದಂತಿರುತ್ತದೆ. ಪ್ರಕೃತಿ ಪ್ರೇಮಿಗಳಿಗೆ ಖುಷಿ ನೀಡುವ ಗ್ರಾಮ ಇದಾಗಿದೆ. ಐತಿಹಾಸಿಕ ಸ್ತೂಪಗಳು, ಮಠಗಳು, ಐತಿಹಾಸಿಕ ಸ್ಮಾರಕಗಳನ್ನು ಇಲ್ಲಿ ಕಣ್ತುಂಬಿಕೊಳ್ಳಬಹುದು.