ಭಾರತಕ್ಕೆ ಫೆಬ್ರವರಿ ತಿಂಗಳಿನಲ್ಲಿ ಬರಲಿವೆ 12 ಚಿರತೆಗಳು…!

PC: Unsplash

ನರೇಂದ್ರ ಮೋದಿ ಸರ್ಕಾರವು ದೇಶದ ಅಭಿವೃದ್ಧಿಯ ಕಾರ್ಯದ ಜೊತೆ ಜೊತೆಗೆ ವನ್ಯಮೃಗಗಳ ಬಗ್ಗೆ ಕೂಡ ಹೆಚ್ಚು ಗಮನಹರಿಸುತ್ತಿದೆ. ಇದರಿಂದ ನಮ್ಮ ದೇಶವು ಮತ್ತಷ್ಟು ಶ್ರೀಮಂತ ವನ್ಯಜೀವಿಗಳನ್ನು ಹೊಂದುವ ಅದ್ಭುತವಾದ ದೇಶವಾಗಲಿದೆ. ಕಳೆದ ವರ್ಷ ನಮಿಬೀಯಾದಿಂದ 8 ಚೀತಾಗಳನ್ನು ಭಾರತಕ್ಕೆ ಕರೆತರಲಾಯಿತು. ಅದೇ ರೀತಿ ಈ ವರ್ಷದ ಫೆಬ್ರವರಿ ತಿಂಗಳಿನಲ್ಲಿ 12 ಚಿರತೆಗಳನ್ನು ಭಾರತಕ್ಕೆ ಕರೆತರಲು ಸಜ್ಜಾಗಿದೆ.

ದಕ್ಷಿಣ ಆಫ್ರಿಕಾ ಮತ್ತು ಭಾರತವು ಒಪ್ಪಂದಕ್ಕೆ ಸಹಿ ಹಾಕಿದ್ದಾರೆ. ಅದರ ಪ್ರಕಾರ, ಮುಂದಿನ 8 ರಿಂದ 10 ವರ್ಷಗಳವರೆಗೆ ವಾರ್ಷಿಕವಾಗಿ ಒಂದು ಡಜನ್‌, ಅಂದರೆ 12 ಚಿರತೆಗಳನ್ನು ಭಾರತಕ್ಕೆ ಕರೆತರಲಾಗುವುದು. ಈ ಚಿರತೆಗಳ ಒಪ್ಪಂದದಿಂದ ವನ್ಯಮೃಗಗಳ ಸಂತತಿಯು ಹೆಚ್ಚಾಗಲಿದೆ.

ಮೂಲಗಳ ಪ್ರಕಾರ, ಈ ವರ್ಷ ಫೆಬ್ರವರಿ ತಿಂಗಳಿನಲ್ಲಿ 12 ಚಿರತೆಗಳನ್ನು ಭಾರತಕ್ಕೆ ಸ್ಥಳಾಂತರಿಸಲಾಗುತ್ತದೆ. ಚಿರತೆಗಳು ಭಾರತೀಯ ಜೀವವೈವಿಧ್ಯಕ್ಕೆ ಸಂಪೂರ್ಣವಾಗಿ ಹೊಸ ಪ್ರಭೇದವಲ್ಲ ಎಂಬುದನ್ನು ನೆನಪಿನಲ್ಲಿಡುವುದು ಅತ್ಯಗತ್ಯ.

ವಾಸ್ತವವಾಗಿ, ಯಾವುದೇ ದೇಶದ ವನ್ಯಜೀವಿಗಳು ಹವಾಮಾನಕ್ಕೆ ಹೊಂದಿಕೊಳ್ಳುವುದಕ್ಕೆ ಸ್ವಲ್ಪ ಸಮಯ ತೆಗೆದುಕೊಳ್ಳುತ್ತದೆ. ವರದಿಗಳ ಪ್ರಕಾರ, ಕಳೆದ ವರ್ಷ ಸ್ಥಳಾಂತರಗೊಂಡ ಚೀತಾಗಳು ಮಧ್ಯಪ್ರದೇಶದ ಕುನೋ ರಾಷ್ಟ್ರೀಯ ಉದ್ಯಾನವನದ ಪರಿಸರಕ್ಕೆ ಹೊಂದಿಕೊಳ್ಳುವ ಪ್ರಕ್ರಿಯೆಯಲ್ಲಿವೆ.

ಇದನ್ನೂ ಓದಿ: ಗೋವಾ ಸರ್ಕಾರ: ಇನ್ಮೇಲೆ ಸೆಲ್ಫಿ ಕ್ಲಿಕ್ಕಿಸಿಕೊಳ್ಳುವಂತಿಲ್ಲ…!

ಇನ್ನು ಭಾರತಕ್ಕೆ ಕರೆತರಲಾಗುವ ಚೀತಾಗಳನ್ನು ‘ಪ್ರಾಜೆಕ್ಟ್‌ ಚೀತಾ’ದ ಒಂದು ಭಾಗವಾಗಿದೆ. ಚಿರತೆಗಳನ್ನು ಮತ್ತೊಮ್ಮೆ ಭಾರತೀಯ ಜೀವವೈವಿಧ್ಯದ ಒಂದು ಭಾಗವಾಗಿಸುವ ಗುರಿಯನ್ನು ಹೊಂದಿದೆ ಎಂದು ಹೇಳಲಾಗುತ್ತಿದೆ.

ಒಪ್ಪಂದದ ಪ್ರಕಾರ, 5 ವರ್ಷಗಳಲ್ಲಿ ಭಾರತಕ್ಕೆ 50 ಚಿರತೆಗಳನ್ನು ಸ್ಥಳಾಂತರಿಸುವ ಗುರಿಯನ್ನು ಹೊಂದಿದೆ. ಅಷ್ಟೇ ಅಲ್ಲ, ಈ 50 ಚಿರತೆಗಳು ಭಾರತದ ವಿವಿಧ ರಾಷ್ಟ್ರೀಯ ಉದ್ಯಾನವನಗಳಲ್ಲಿ ಇರಲಿವೆ.

ಇದನ್ನೂ ಓದಿ: ಬಜೆಟ್ 2023 ರ ಪರಿಣಾಮ ಇನ್ನುಮುಂದೆ ಅಂತಾರಾಷ್ಟ್ರೀಯ ಪ್ರವಾಸ ಪ್ಯಾಕೇಜ್‌ ದುಬಾರಿ

ಲೇಖನವನ್ನು ಇಂಗ್ಲೀಷ್‌ನಲ್ಲಿ ಓದಲು ಇಲ್ಲಿ ಕ್ಲಿಕ್‌ ಮಾಡಿ.