ಥೈಲ್ಯಾಂಡ್: ಪ್ರವಾಸಿಗರು INR 734 ರೂಪಾಯಿ ಪ್ರವೇಶ ಶುಲ್ಕವನ್ನು ಪಾವತಿಸಬೇಕಾಗಬಹುದು…ಯಾಕೆ?

PC: Pixabay

ಥೈಲ್ಯಾಂಡ್ ಪ್ರಪಂಚದ ಪ್ರವಾಸಿಗರನ್ನು ಬಹುವಾಗಿ ಆಕರ್ಷಿಸುವ ದೇಶ. ಥೈಲ್ಯಾಂಡ್‌ನ ಬ್ಯಾಂಕಾಕ್‌ ಉತ್ತಮವಾದ ಪ್ರವಾಸಿ ಆಕರ್ಷಣೆಗಳು, ಆತಿಥ್ಯ, ಮನರಂಜನೆ, ಲೈಂಗಿಕತೆಗಳಿಗೆ ಹೆಚ್ಚು ಜನಪ್ರಿಯವಾಗಿದೆ. ಅಂತಾರಾಷ್ಟ್ರೀಯ ಅಗ್ಗದ ಪ್ರವಾಸದಲ್ಲಿ ಥೈಲ್ಯಾಂಡ್‌ ಕೂಡ ಒಂದಾಗಿತ್ತು. ಆದರೆ ಇದೀಗ ಪರಿಸ್ಥಿತಿ ಎಲ್ಲಾ ಬದಲಾಗುತ್ತಿದೆ. ಕಳೆದ ವರ್ಷದಿಂದ ಥೈಲ್ಯಾಂಡ್ ಪ್ರವಾಸೋದ್ಯಮವು ಕೊಂಚ ದುಬಾರಿ ಮಾಡಲು ಹೋಟೆಲ್‌ ಮಾಲೀಕರಿಗೆ, ವಸ್ತು ಮಾರಾಟಗಾರರಿಗೆ, ಸೇವೆ ನೀಡುವ ಮಂದಿಗೆ ಸೂಚಿಸಿತ್ತು.

ಇದರ ನಡುವೆ ಜೂನ್‌ನಿಂದ ಪ್ರವಾಸಿಗರಿಗೆ INR 734 ರೂಪಾಯಿ ಪ್ರವೇಶ ಶುಲ್ಕ ವಿಧಿಸಲು ಸಜ್ಜಾಗಿದೆ. ಪ್ರವಾಸೋದ್ಯಮದಿಂದಲೇ ಹೆಚ್ಚು ಗಳಿಕೆ ಹೊಂದಿರುವ ಥೈಲ್ಯಾಂಡ್ಗೆ 2019 ರಲ್ಲಿ ಸುಮಾರು 40 ಮಿಲಿಯನ್‌ ಆಗಮನವನ್ನು ಸ್ವಾಗತಿಸಿದೆ ಎನ್ನಲಾಗಿದೆ. ಪ್ರವಾಸಿಗರಿಂದ INR 734 ರೂಪಾಯಿ ಪ್ರವೇಶ ಶುಲ್ಕ ಪಡೆಯುವುದರ ಮೂಲಕ ಥೈಲ್ಯಾಂಡ್ ದೇಶದಲ್ಲಿ ಪ್ರವಾಸೋದ್ಯಮದ ಅಭಿವೃದ್ಧಿ ಮಾಡಲು ಮತ್ತು ಪ್ರವಾಸಿಗರನ್ನು ಮತ್ತಷ್ಟು ಆಕರ್ಷಿಸುವ ಸಕಲ ಪ್ರಯತ್ನಗಳು ನಡೆಸುತ್ತಿದೆ.

ವರದಿಗಳ ಪ್ರಕಾರ, ಥೈಲ್ಯಾಂಡ್‌ ದೇಶಕ್ಕೆ ಭೇಟಿ ನೀಡುವ ಅಂತಾರಾಷ್ಟ್ರೀಯ ಪ್ರಯಾಣಿಕರು ಜೂನ್‌ ತಿಂಗಳಿನಿಂದ 300 THB ಪ್ರವಾಸಿ ಶುಲ್ಕವನ್ನು ಪರಿಚಯಿಸಲು ಸಿದ್ಧವಾಗಿದೆ, 300 THB ಎಂದರೆ ಭಾರತೀಯ ರೂಪಾಯಿಯ ಪ್ರಕಾರ, 734 ರೂಪಾಯಿಗಳು.

ಇದನ್ನೂ ಓದಿ: 2023: ವಿಶ್ವದ ಅತ್ಯಂತ ಶಕ್ತಿಶಾಲಿ ಪಾಸ್‌ಪೋರ್ಟ್‌ಗಳಲ್ಲಿ ಭಾರತ ಎಷ್ಟನೇ ಸ್ಥಾನದಲ್ಲಿದೆ ಗೊತ್ತಾ?

ಪ್ರಯಾಣಿಕರಿಂದ ಸಂಗ್ರಹಿಸಿದ ಹಣವನ್ನು ಪ್ರವಾಸಿ ಸ್ಥಳಗಳನ್ನು ಅಭಿವೃದ್ಧಿಪಡಿಸಲು ಮತ್ತು ಅಪಘಾತಗಳಲ್ಲಿ ಭಾಗಿಯಾಗಿರುವ ಸಂದರ್ಶಕರಿಗೆ ಸಹಾಯ ಮಾಡಲು ಬಳಸಲಾಗುತ್ತದೆ ಎಂದು ಹೇಳಲಾಗುತ್ತದೆ.

ಈಗಾಗಲೇ ಹೇಳಿದಂತೆ ಥೈಲ್ಯಾಂಡ್‌ನ ಪ್ರಮುಖ ಆರ್ಥಿಕತೆ ಪ್ರವಾಸೋದ್ಯಮವಾಗಿದೆ. ಈ ಯೋಜನೆಯ ಬಗ್ಗೆ ಮತ್ತಷ್ಟು ಮಾಹಿತಿಯನ್ನು ಬಹಿರಂಗಪಡಿಸಿದ ಪ್ರವಾಸೋದ್ಯಮ ಸಚಿವ ಫಿಫಾಟ್ ರಾಚಕಿತ್ಪ್ರಕರ್ನ್‌ ಕೆಲಸದ ಪರವಾನಗಿಗಳು ಮತ್ತು ಗಡಿ ಪಾಸ್‌ಗಳೊಂದಿಗೆ ವಿದೇಶಿಯರಿಂದ ಶುಲ್ಕವನ್ನು ಸಂಗ್ರಹಿಸಲಾಗುವುದಿಲ್ಲ ಎಂದು ಸೇರಿಸಿದರು, ಈ ವರ್ಷ ಥೈಲ್ಯಾಂಡ್ 25 ಮಿಲಿಯನ್ ಪ್ರವಾಸಿಗರ ಆಗಮನವನ್ನು ನಿರೀಕ್ಷಿಸುತ್ತದೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: 7 ಖಂಡಗಳನ್ನು 3 ದಿನಗಳಲ್ಲಿ ಪ್ರಯಾಣಿಸಿ ವಿಶ್ವದಾಖಲೆ ಮಾಡಿದ್ದಾರೆ ನಮ್ಮ ಭಾರತದ ಜೋಡಿ

ಲೇಖನವನ್ನು ಇಂಗ್ಲೀಷ್‌ನಲ್ಲಿ ಓದಲು ಇಲ್ಲಿ ಕ್ಲಿಕ್‌ ಮಾಡಿ.