ದೆಹಲಿ ವಿಮಾನ ನಿಲ್ದಾಣ: ಡಿಜಿಯಾತ್ರಾ ಆ್ಯಪ್ ಡೌನ್‌ಲೋಡ್ ಮಾಡದೆಯೇ ಪ್ರಯಾಣಿಕರು ಬಳಸಬಹುದು

PC: Pixabay
ವಿಮಾನ ನಿಲ್ದಾಣಗಳಲ್ಲಿ ಪ್ರಯಾಣಿಕರ ಅನುಕೂಲಕ್ಕಾಗಿ ಅನೇಕ ಆರಾಮದಾಯಕ ತಂತ್ರಜ್ಞಾನವನ್ನು ಬಳಸಲಾಗುತ್ತಿದೆ. ಅವುಗಳಲ್ಲಿ ಡಿಜಿ ಯಾತ್ರಾ ಆ್ಯಪ್ ಕೂಡ ಒಂದಾಗಿತ್ತು. ವಾಸ್ತವವಾಗಿ, ಇದೊಂದು ಬಯೋಮೆಟ್ರಿಕ್‌ ಮುಖ ಗುರುತಿಸುವಿಕೆಯ ತಂತ್ರಜ್ಞಾನವಾಗಿದ್ದು, ಮುಖವನ್ನು ಸ್ಕ್ಯಾನ್‌ ಮಾಡುವುದರ ಮೂಲಕ ಪ್ರಯಾಣಿಕರ ಗುರುತನ್ನು ದೃಢೀಕರಿಸುತ್ತದೆ.

ಮೊದಲ ಹಂತದಲ್ಲಿ ಈ ನವೀನ ತಂತ್ರಜ್ಞಾನವನ್ನು ದೆಹಲಿ, ಬೆಂಗಳೂರು, ವಾರಣಾಸಿ ವಿಮಾನ ನಿಲ್ದಾಣಗಳಲ್ಲಿ ಪರಿಚಯಿಸಲಾಯಿತು. ಈಗ ಮತ್ತಷ್ಟು ಸುಲಭಗೊಳಿಸಲು ಅನೇಕ ಕ್ರಮಗಳನ್ನು ಕೈಗೊಳ್ಳಲಾಗಿದೆ. ದೆಹಲಿಯ ಇಂದಿರಾ ಗಾಂಧಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಮೂಲಕ ಪ್ರಯಾಣಿಸುವ ಪ್ರಯಾಣಿಯರು ತಮ್ಮ ಮೊಬೈಲ್‌ನಲ್ಲಿ ‘ಡಿಜಿಯಾತ್ರ’ ಅಪ್ಲಿಕೇಶನ್‌ ಡೌನ್‌ಲೋಡ್‌ ಮಾಡದೆಯೇ ಬಳಸಬಹುದು.


PC: Pixabay
ಹೌದು, ಇಂದಿರಾಗಾಂಧಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಟರ್ಮಿನಲ್‌ 3 ರಲ್ಲಿ ಇದನ್ನು ಪ್ರಾರಂಭಿಸಲಾಗಿದೆ. ಪ್ರಯಾಣಿಕರು 3 ಹಂತದ ಸರಳ ನೋಂದಣಿ ಪ್ರಕ್ರಿಯೆಯ ಮೂಲಕ ಬಳಸಬಹುದು. ಈ ನೋಂದಣಿ ಪ್ರಕ್ರಿಯೆಯಲ್ಲಿ ಪ್ರಯಾಣಿಕರು ಮುಖ ಹಾಗು ಬೋರ್ಡಿಂಗ್‌ ಪಾಸ್‌ ಅನ್ನು ಸ್ಕ್ಯಾನ್‌ ಮಾಡುವುದನ್ನು ಒಳಗೊಂಡಿರುತ್ತದೆ.

ಇದಲ್ಲದೆ, ಭದ್ರತಾ ಸಿಬ್ಬಂದಿಗೆ ಗುರುತಿನ ಪುರಾವೆಯನ್ನು ಒದಗಿಸಬೇಕಾಗುತ್ತದೆ. ಇದಾದ ನಂತರ ಪ್ರಯಾಣಿಕರು ಟರ್ಮಿನಲ್‌ ಒಳಗೆ ಪ್ರವೇಶಿಸಬಹುದು.

ಇದರ ಬಗ್ಗೆ ಹೆಚ್ಚಿನ ಮಾಹಿತಿ ನೀಡಿದ ದೆಹಲಿ ಇಂಟರ್‌ನ್ಯಾಷನಲ್‌ ಏರ್‌ಪೋರ್ಟ್‌ ಲಿಮಿಟೆಡ್‌ನ ಸಿಇಒ ವಿದೇಹ್‌ ಕುಮಾರ್‌ ಜೈಪುರಿಯಾರ್, “ ದೆಹಲಿ ವಿಮಾನ ನಿಲ್ದಾಣದಲ್ಲಿ ಪ್ರಯಾಣಿಕರ ಅನುಭವವನ್ನು ಸುಧಾರಿಸಲು ಪ್ರಯತ್ನಿಸಲಾಗುತ್ತಿದೆ. ವಾಸ್ತವವಾಗಿ, ಡಿಜಿಯಾತ್ರಾ ವೇಗವಾದ, ಸುರಕ್ಷಿತ ಹಾಗು ಸುಗಮ ಪ್ರಯಾಣದ ಮಾರ್ಗವಾಗಿದೆ.

ಇದನ್ನೂ ಓದಿ: ಮಹಿಳೆಯರು ಒನ್‌ ಡೇ ಟ್ರಿಪ್‌ ಯೋಜಿಸಲು ಬೆಂಗಳೂರಿನಿಂದ ಇಂತಹ ತಾಣಗಳ ಪ್ರವಾಸ ಮಾಡಿ

ಏನಿದು ಡಿಜಿ ಯಾತ್ರಾ ಆ್ಯಪ್?


PC: Pixabay
ಈ ಡಿಜಿ ಯಾತ್ರಾ ಆ್ಯಪ್ ಪ್ರಯಾಣಿಕರ ಎಲ್ಲಾ ಡೇಟಾವನ್ನು ಪ್ರಯಾಣಿಕರ ಸ್ಮಾರ್ಟ್‌ಫೋನ್‌ನ ವ್ಯಾಲೆಟ್‌ನಲ್ಲಿ ಸಂಗ್ರಹಿಸಲಾಗುತ್ತದೆ. ಜೊತೆಗೆ ಪ್ರಯಾಣಿಕರ ಐಡಿ ಹಾಗು ರುಜುವಾತುಗಳನ್ನು ತಮ್ಮ ಸ್ಮಾರ್ಟ್‌ಫೋನ್‌ನಲ್ಲಿಯೇ ಪ್ರಯಾಣಿಕರು ಸಂಗ್ರಹಿಸಬಹುದು. ಒಟ್ಟಾರೆ ಈ ಡಿಜಿ ಯಾತ್ರಾ ಪ್ರಯಾಣಿಕರಿಗೆ ಕಾಗದ ರಹಿತ ಮತ್ತು ತಡೆ ರಹಿತ ಪ್ರಯಾಣದ ಅನುಭವವನ್ನು ಒದಗಿಸುವ ಗುರಿಯನ್ನು ಹೊಂದಿದೆ. ಸರದಿ ಸಾಲಿನಲ್ಲಿ ಪ್ರಯಾಣಿಕರು ಸಾಕಷ್ಟು ಸಮಯದವರೆಗೆ ನಿಲ್ಲುವುದು ತಪ್ಪುತ್ತದೆ ಎನ್ನಲಾಗಿದೆ.

ಇದೊಂದು ತಡೆರಹಿತ ವಿಮಾನ ಪ್ರಯಾಣಕ್ಕೆ ಹಾಗು ಸ್ನೇಹಿತರೊಟ್ಟಿಗೆ ವಿಮಾನ ನಿಲ್ದಾಣದಲ್ಲಿ ಕಾಲ ಕಳೆಯಲು ಅನುಕೂಲಕರವಾಗಿದೆ.

ಇದನ್ನೂ ಓದಿ: ದೆಹಲಿಯ ಈ ಕೋಟೆಯಲ್ಲಿ 13ನೇ ಶತಮಾನದ ರಹಸ್ಯ ಸುರಂಗ ಪತ್ತೆಯಾಗಿದೆ

ಲೇಖನವನ್ನು ಇಂಗ್ಲೀಷ್‌ನಲ್ಲಿ ಓದಲು ಇಲ್ಲಿ ಕ್ಲಿಕ್‌ ಮಾಡಿ.