ಇಂಡೋನೇಷ್ಯಾ: ನಿಟ್ಟುಸಿರು ಬಿಟ್ಟ ಪ್ರವಾಸಿಗರು..ಯಾಕೆ?

PC: Pixabay

ಇಂಡೋನೇಷ್ಯಾ ಕೆಲವು ದಿನಗಳ ಹಿಂದೆ ವಿವಾಹ ಪೂರ್ವ ಲೈಂಗಿಕ ಕ್ರಿಯೆಯಲ್ಲಿ ಸಿಕ್ಕಿಬಿದ್ದರೆ ಒಂದು ವರ್ಷ ಜೈಲು ಶಿಕ್ಷೆ ವಿಧಿಸುವ ನಿಯಮದ ಬಗ್ಗೆ ಚಿಂತನೆ ನಡೆಸುತ್ತಿತ್ತು. ಇದೊಂದು ಹೊಸ ಕ್ರಿಮಿನಲ್‌ ಕೋಡ್‌ ಆಗಿದ್ದು, ಇಂಡೋನೇಷ್ಯಾದ ಪ್ರವಾಸಕ್ಕೆ ಬರುವ ಪ್ರವಾಸಿಗರಿಗೂ ಅನ್ವಯವಾಗಲಿದೆಯೇ ಎಂಬ ಗೊಂದಲ ಏರ್ಪಟ್ಟಿತ್ತು. ಅಷ್ಟೇ ಅಲ್ಲ, ಪ್ರವಾಸೋದ್ಯಮ ಇಲಾಖೆಯ ವಿಮರ್ಶಕರು “ ಇದು ಮಾನವ ಹಕ್ಕುಗಳ ಉಲ್ಲಂಘನೆ” ಎಂದೂ ಸಹ ಅಭಿಪ್ರಾಯಪಟ್ಟಿದ್ದರು.

ಒಂದು ವೇಳೆ ಈ ಕೋಡ್‌ ಜಾರಿಗೆ ಬಂದಿದ್ದರೆ ಇಂಡೋನೇಷ್ಯಾದ ಪ್ರವಾಸಕ್ಕೆ ಭಾರೀ ಹೊಡೆತ ಬೀಳುತ್ತಿತ್ತು ಎಂದು ಎಲ್ಲೆಡೆ ಕೇಳಿಬರುತ್ತಿತ್ತು. ಸ್ಟೇಟ್ ಡಿಪಾರ್ಟ್ಮೆಂಟ್ ವಕ್ತಾರ್ ನೆಡ್ ಪ್ರೈಸ್‌ ಅವರು ಕೂಡ ಈ ವಿಷಯದ ಬಗ್ಗೆ ಮಧ್ಯಮಗಳ ಎದುರು ಕಳವಳ ವ್ಯಕ್ತ ಪಡಿಸಿದ್ದರು. ಆದರೆ ಆ ಎಲ್ಲಾ ಗೊಂದಲಕ್ಕೆ ಈಗ ಉತ್ತರ ದೊರೆತಿದೆ.

ಅದೇನೆಂದರೆ, ಇಂಡೋನೇಷ್ಯಾದ ಬಾಲಿಗೆ ಭೇಟಿ ನೀಡುವ ಮಂದಿಗೆ ದೇಶದ ಕ್ರಿಮಿನಲ್‌ ಕೋಡ್‌ನಿಂದಾಗಿ ಯಾವುದೇ ತೊಂದರೆಯಾಗುವುದಿಲ್ಲ ಎಂದು ಗವರ್ನರ್ ಹೇಳಿದ್ದಾರೆ. ಈಗಾಗಲೇ ಅವಿವಾಹಿತ ದಂಪತಿಗಳ ನಡುವೆ ಲೈಂಗಿಕ ಕ್ರಿಯೆಯನ್ನು ನಿಷೇಧಿಸುವ ವಿವಾದಾತ್ಮಕ ಮಸೂದೆಯು ಇಂಡೋನೇಷ್ಯಾದ ಸಂಸತ್ತು ಕಳೆದ ವಾರವೇ ಅಂಗೀಕಾರ ಮಾಡಿದೆ.

ಇದನ್ನೂ ಓದಿ: ದೆಹಲಿ ವಿಮಾನ ನಿಲ್ದಾಣಕ್ಕೆ ಪ್ರಯಾಣಿಕರು 3.5 ಗಂಟೆ ಮುಂಚಿತವಾಗಿ ತಲುಪಬೇಕು…ಯಾಕೆ?

ಈ ಕಾನೂನು 3 ವರ್ಷಗಳ ಮಟ್ಟಿಗೆ ಮಾತ್ರ ಚಾಲ್ತಿಯಲ್ಲಿರುತ್ತದೆ ಎಂಬುದನ್ನು ನಾವು ನಿಮಗೆ ಹೇಳಲೇಬೇಕು. ಇಂಡೋನೇಷ್ಯಾದ ಪ್ರವಾಸಕ್ಕೆ ಭೇಟಿ ನೀಡುವ ಅತಿ ಹೆಚ್ಚು ಮಂದಿ ಬಾಲಿಗೆ ಹೋಗುತ್ತಾರೆ. ಈ ಕಾರಣದಿಂದ ಬಾಲಿಗೆ ಹೋಗುವ ಪ್ರವಾಸಿಗರ ಗೌಪತ್ಯೆಯನ್ನು ಕಾಪಾಡುವುದು ಮಾತ್ರವಲ್ಲ, ವಿಲ್ಲಾಗಳು, ಹೋಟೆಲ್‌ಗಳು, ಅತಿಥಿ ಗೃಹಗಳು, ಅಪಾರ್ಟ್‌ಮೆಂಟ್‌ಗಳು, ಲಾಡ್ಜ್‌ಗಳು ಮತ್ತು ಸ್ಪಾಗಳಂತಹ ಯಾವುದೇ ಪ್ರವಾಸೋದ್ಯಮ ವಸತಿಗಳಲ್ಲಿ ಚೆಕ್-ಇನ್ ಮಾಡಿದ ನಂತರ ವೈವಾಹಿಕ ಸ್ಥಿತಿಯನ್ನು ಪರಿಶೀಲಿಸಲಾಗುವುದಿಲ್ಲ ಎಂದು ಬಾಲಿ ಸರ್ಕಾರವು ಖಚಿತಪಡಿಸಿದೆ. ಬಾಲಿಯ ಈ ನಡೆಯಿಂದ ಪ್ರವಾಸಿಗರು ನಿಟ್ಟುಸಿರು ಬಿಡುವಂತಾಗಿದೆ. ಒಟ್ಟಾರೆ ಈ ಕೋಡ್‌ ಇಂಡೋನೇಷ್ಯಾದ ಪ್ರವಾಸೋದ್ಯಮಕ್ಕೆ ಹೊಡೆತ ಬೀಳುವುದನ್ನು ತಪ್ಪಿಸಿತು ಎಂದೇ ಹೇಳಬಹುದು.

ಇದನ್ನೂ ಓದಿ: ಮದುವೆಗಿಂತ ಮುಂಚೆ ಲೈಂಗಿಕ ಕ್ರಿಯೆಯಲ್ಲಿ ಸಿಕ್ಕಿ ಬಿದ್ದರೆ 1 ವರ್ಷ ಜೈಲು ಶಿಕ್ಷೆ

ಲೇಖನವನ್ನು ಇಂಗ್ಲೀಷ್‌ನಲ್ಲಿ ಓದಲು ಇಲ್ಲಿ ಕ್ಲಿಕ್‌ ಮಾಡಿ.